Qazaqstan • 09 Qazan, 2019

Roman Sklıar Qazaqstan-Fransııa ınvestısııalyq forýmyna qatysty

32 retkórsetildi

Fransııanyń iskerlik ortalarynyń 150-den astam ókilderi qatysqan mańyzdy halyqaralyq is-sharanyń barysynda Qazaqstan-Fransýz seriktestigin memlekettik deńgeıde ǵana emes, eki eldiń iskerlik ortalary men azamattarynyń yntymaqtastyǵyn keńeıtý áleýeti talqylandy. Bul týraly Premer-Mınıstrdiń baspasóz qyzmeti habarlady.

Forýmǵa qatysýshylar Qazaqstannyń ınvestısııalyq múmkindikterin, birlesken jobalardy iske asyrý perspektıvalaryn talqylap, elimizdiń ınvestısııalyq klımatyna baǵa berdi.

Premer-Mınıstrdiń orynbasary óz sózinde atap ótkendeı, qazirgi tańda qazaqstan-fransýz qatynastaryn «strategııalyq seriktestik» retinde sıpattaýǵa bolady, ol dostyq pen ózara qoldaý dástúrlerine súıengen tıimdi jáne ózara tolyqtyratyn yntymaqtastyqtyń úlgisi. Máselen, búgingi kúnde keń sharttyq-quqyqtyq baza qurylǵan, onda 2008 jyly qol qoıylǵan Strategııalyq seriktestik týraly shart erekshe oryn alady.

Budan ózge, Qazaqstan fransýz bıznesi úshin Ortalyq Azııa óńirindegi senimdi seriktes bolyp tabylady. Qazaqstan eýropa elderiniń óńirdegi ekonomıkalyq múddeleriniń taratýshysy bola alady. Mashına jasaý, jer qoınaýyn paıdalaný, munaı óńdeý, energııa únemdeý, kóliktik-logıstıkalyq ınfraqurylymdy damytý, farmasevtıka jáne basqa da salalarda ózara tıimdi yntymaqtastyqtyń dástúrli tájirıbesi qalyptasty.

Forýmǵa qatysýshylar atap ótkendeı, fransýz kompanııalary Qazaqstanǵa kapıtal salý máselesine joǵary qyzyǵýshylyq tanytýda, bul Eýrazııa kontınenti elderin baılanystyratyn strategııalyq dáliz. Fransýz iskerlik ortalarynyń ókilderi bergen baǵaǵa sáıkes, Qazaqstan Fransııanyń Ortalyq Azııadaǵy senimdi seriktesi, eki el arasynda ózara tıimdi yntymaqtastyq tájirıbesi qalyptasqan.

Investısııalyq forým barysynda AirLiquideKarabatanTechGases jáne KazakhstanPetrochemicalIndustries (KPI) arasynda tehnıkalyq gazdy jetkizýge uzaq merzimdi kelisimshartqa qol qoıyldy. Kelisimshart «Ulttyq ındýstrııalyq munaı-hımııa tehnoparki» AEA aýmaǵynda qurǵaq syǵylǵan aýa men azotty óndiretin qondyrǵynyń qurylysyn jáne ony Biriktirilgen gaz-hımııalyq keshenge jetkizýdi kózdeıdi. Osyndaı qujatqa qol qoıý, «QazMunaıGaz» UK» AQ qazaqstandyq munaı kompanııasymen birlesken kásiporyn sheńberinde AirLiquide kompanııasynyń Qazaqstandaǵy qyzmetin damytýda kezekti qadam boldy.

Sondaı-aq forým sheńberinde energetıka, mal sharýashylyǵy, mıneraldardy óndirý, munaı-gaz ónerkásibi, óndiristerdi sıfrlandyrý men avtomattandyrý salalaryn qamtıtyn kompanııalarmen 10-ǵa jýyq ekijaqty kezdesýler ótkizildi, onyń ishinde: IDEMIA, AIRBUS GROUP, CNCR Group, ORANO MINING, BureauVeritas, IFP EnergiesNouvelles jáne taǵy basqalar.

Búgin Fransııa Qazaqstannyń negizgi saýda-ınvestısııalyq seriktesteriniń bestigine kiredi. Osy jyldary ózara taýar aınalymy $50 mlrd deıin jetti. Sonymen qatar, ýran, munaı-gaz, tıtan ónerkásibinde, kóliktik mashına jasaý, qurylys materıaldaryn, azyq-túlik ónimin óndirý jáne basqa da salalarda birqatar iri birlesken ınvestısııalyq jobalar iske asyryldy, bul sońǵy 14 jylda $15,6 mlrd kóleminde fransýz ınvestısııalaryn tartýǵa múmkindik berdi. Qazaqstanda fransýz kapıtalynyń qatysýymen barlyǵy 130-dan astam kompanııa jumys jasaıdy.

Osyndaı jaqsy nátıjelerge qaramastan, ekonomıkalyq saladaǵy ekijaqty seriktestikti keńeıtip tereńdetý úshin aıtarlyqtaı áleýet bar, ásirese Qazaqstan men Fransııa Prezıdentteri aıqyndaǵan úsh basym sektorda: balamaly energetıka, aýyl sharýashylyǵy jáne sıfrlandyrý.

Sózin qorytyndylaı kele Roman Sklıar, Qazaqstan búgin — bul bıznesti tıimdi júrgizý úshin jańa múmkindikter men zor áleýet ekenin atap ótti. Bizdiń el ınvestısııalyq klımatty jaqsartýǵa baǵyttalǵan dáıekti túrde reformalar júrgizýde, kásipkerlermen ashyq dıalog qamtamasyz etýde jáne ınvestısııalardy tartý úshin ınfraqurylymdy jetildirýde. Budan ózge, Qazaqstan bıznes júrgizý úshin eń jaqsy sharttar usynady jáne saýda-sattyq jasap, joǵarǵy qosylǵan qunymen eksportqa baǵyttalǵan, básekege qabiletti óndiristerdi qurýǵa ınvestısııa salýǵa daıyn fransýz seriktesterin tartýǵa múddeli.

Sońǵy jańalyqtar

Abaı murasy máńgilik

Abaı • Keshe

Qylmystyq is qozǵaldy

Aımaqtar • Keshe

Kúres: Arýlarymyz segiz júlde aldy

Sport • 21 Aqpan, 2020

Eljan Birtanov Qytaı elshisimen kezdesti

Qazaqstan • 21 Aqpan, 2020

Basty aqparat (21.02.2020)

Vıdeo • 21 Aqpan, 2020

Semeıde stýdentter jataqhanasy órtendi

Aımaqtar • 21 Aqpan, 2020

Memleket basshysy birqatar kezdesý ótkizdi

Prezıdent • 21 Aqpan, 2020

Almatyda jańa avtobýs baǵyty ashyldy

Qoǵam • 21 Aqpan, 2020

Uqsas jańalyqtar