«Jyldar boıy Aýǵanstan terrorızmniń qurbany bolyp keledi. Bizdiń el - bul jaǵdaımen kúresýde bárinen kóp zardap shekken memleket. Biz terrorızmmen kúres ujymdyq sıpatqa ıe bolý kerek dep esepteımiz. Talıban – Aýǵanstan aýmaǵynda júrgen sheteldik qarýly toptardyń seriktesi. Qarýly toptar ártúrli ulttardan turady. Sol sebepti, olar Aýǵanstannan bólek, búkil álemge qaýip tóndirip tur. О́kinishke qaraı, Talıban Aýǵanstannan tys ta ózimen seriktes kúshterge qarý, adam men bazalardy shyǵaryp berýge qaýqarly. Olar esirtkiden paıda tabady. Tabystyń turaqty túrde túsip turýy olarǵa krımınaldyq sındıkattarmen baılanys ustap otyrýǵa jol ashady. Esirtki– talıbter úshin tabys kózi bolyp otyr» dedi Mohammad Faızı.
Onyń aıtýyna qaraǵanda, aýǵan bıligi esirtkimen kúresti barynsha qatań júrgizýge tyrysady. Esirtki ósiriletin alańdarǵa arnaıy áskerı ushaqtar ushyrady. Esirtki saýdasynyń jolyn kesýdi barynsha kúsheıtip keledi. Dese de, Aýǵanstannan tys ta geroın óndiretin laborotorııalar bar. Halyqaralyq deńgeıde esirtkige degen suranys joǵary. Suranys aqyry talıbandyqtarǵa da, krımınaldyq sındıkattarǵa isterin jalǵastyra berýge múmkindik berip otyr.
«Sol sebepti, esirtki trafıgi máselesimen birlese kúresýimiz kerek» dedi ol.
