Álem • 09 Qazan, 2019

Sooronbaı Jeenbekov Túrki Akademııasynyń prezıdentimen kezdesti

145 retkórsetildi

Qyrǵyzstan Prezıdenti Sooronbaı Jeenbekov Túrki Akademııasynyń prezıdenti Darhan Qydyrálimen kezdesti. Bul týraly Qyrǵyz Respýblıkasy Prezıdentiniń baspasóz qyzmeti habarlady.

Kezdesý barysynda Qyrǵyzstan Prezıdenti 2018 jyly Shyńǵys Aıtmatovtyń 90 jyldyǵyna arnalǵan is-sharalardy ótkizýge kómek kórsetkeni úshin jáne «Manas» eposyn keńinen nasıhattaǵany úshin Túrki Akademııasyna alǵysyn bildirdi.

Sooronbaı Jeenbekov Akademııanyń túrki tarıhyna, mádenıeti men túrki halqynyń uly tulǵalaryna arnap ótkizgen halyqaralyq konferensııalary men forýmdaryn atap ótti. Onyń aıtýynsha, mádenı-gýmanıtarlyq yntymaqtastyq máseleleri elder arasyndaǵy ekijaqty qatynastardy damytýda úlken ról atqarady.

Sondaı-aq Prezıdent Sooronbaı Jeenbekov Qyrǵyz Respýblıkasynda qarasha aıynda ótetin Júsip Balasaǵunnyń «Qutty bilik» kitabynyń 950 jyldyǵyna arnalǵan halyqaralyq konferensııa joǵary deńgeıde ótetinine senim bildirdi.

Budan soń, Túrki Akademııasynyń prezıdenti Darhan Qydyráli Qyrǵyz Respýblıkasynyń Prezıdentine Akademııanyń qazirgi qyzmeti men aldaǵy josparlary týraly sóz etti. Sondaı-aq ol Qazaqstan-Qyrǵyzstan halyqtaryn biriktiretin túrki tarıhy men mádenıetin odan ári nasıhattaý maqsatynda Qyrǵyzstannyń bilim berý jáne ǵylymı uıymdarymen yntymaqtastyqty keńeıtýge daıyn ekendigin aıtty.

Sońǵy jańalyqtar

Basylym basshylary - Erkin QYDYR (1962)

Basylym basshylary • Keshe

Almatyda sel júrý qaýpi joq

Aımaqtar • Keshe

Uqsas jańalyqtar