Rýhanııat • 09 Qazan, 2019

Aqtaýda jas aqyndar músháırasynyń jeńimpazdary marapattaldy

45 retkórsetildi

Shara Aqtaý qalasyndaǵy Nazarbaev zııatkerlik mektebinde ótti. Mańǵystaý oblystyq «Qazaq tili» qoǵamdyq birlestigi uıymdastyrǵan jas aqyndar músháırasynyń marapattaý keshine oblys ákiminiń orynbasary Qanybek Jumashev, «Nur Otan» partııasy, bilim basqarmasy, jastar uıymynyń ókilderi, ustazdar men oqýshylar qatysty.

«Qazaq tili» QB tóraǵasy Bektur Tóleýǵalıevtiń aıtýynsha, birlestik Ábishke arnalǵan baıqaýlardy 1995 jyldan beri uıymdastyryp keledi. Daryndy jastardy anyqtaý, qoldaý kórsetý maqsatyndaǵy baıqaýda baq synaǵan 20-ǵa tarta jas aqyndardyń oblystyń belgili óner adamdary men ǵalymdar baǵalady.

Nátıjesinde, 1-oryndy Shaıyr orta mektebiniń 10-synyp oqýshysy Amandyq Orynbaev, 2-oryndy «Bilim ınnovasııa lıseıiniń» 10-synyp oqýshysy Ramazan Tezekbaev ıelense, 3-oryn Mańǵystaý aýdany, Shetpe lıseıiniń 11-synyp oqýshysy Uldaı Daýylovaǵa buıyrdy. Marapatty Mańǵystaý oblysy ákiminiń orynbasary Q.Jumashev tabystady.

Sondaı-aq sharada ózge atalymdar boıynsha ótken baıqaýdyń  qorytyndylary jarııalandy. «Qazaq halqynyń ulttyq ádet-ǵuryp, salt-dástúrler týraly shyǵarma» atalymy boıynsha Túpqaraǵan aýdany J.Myńbaev atyndaǵy mektep-gımnazııasynyń 10-synyp oqýshysy Gúldana Nurǵabylova júırik dep tanyldy. «Elbasy eńbekterinen shyǵarma» atalymy boıynsha yntalandyrý syılyǵyn IT lıseıiniń 10-synyp oqýshysy Shuǵyla Jolamanova, 3-oryndy Beıneý aýdanynyń Kúıken orta mektebiniń oqýshysy Aıdana Jadıgerova utyp alsa, «Ábish Kekilbaevtyń eńbekterinen shyǵarma» atalymynan 1-oryn Qaraqııa aýdanynyń №1 mekteptiń 9-synyp oqýshysy Araılym Sabyrovaǵa, «Abaı Qunanbaevtyń eńbekterinen shyǵarma» atalymynan júlde Túpqaraǵan aýdanynyń M.Ábdihalyqov atyndaǵy orta mekteptiń 10-synyp oqýshysy Ulmıra Jıdelige buıyrdy.

Baıqaýda oryn alǵan júldegerlerge dıplomdar jáne qymbat syılyqtar tabystaldy, yntalandyrý syılyǵyn alǵandar da tartýdan tys qalǵan joq.

Sońǵy jańalyqtar

Abaı murasy máńgilik

Abaı • Keshe

Qylmystyq is qozǵaldy

Aımaqtar • Keshe

Kúres: Arýlarymyz segiz júlde aldy

Sport • 21 Aqpan, 2020

Eljan Birtanov Qytaı elshisimen kezdesti

Qazaqstan • 21 Aqpan, 2020

Basty aqparat (21.02.2020)

Vıdeo • 21 Aqpan, 2020

Semeıde stýdentter jataqhanasy órtendi

Aımaqtar • 21 Aqpan, 2020

Memleket basshysy birqatar kezdesý ótkizdi

Prezıdent • 21 Aqpan, 2020

Almatyda jańa avtobýs baǵyty ashyldy

Qoǵam • 21 Aqpan, 2020

Uqsas jańalyqtar