«Atyraý» klýby tartysty oıynda ekinshi oryn ıelendi. Voleıbolshylarymyz jarystyń shırek fınalynda petropavldyq «Esil SK» komandasyn 3:0 esebimen jeńip, jartylaı fınalda dál sol eseppen «Ushqyn-Kókshetaý» komandasyn tize búktirdi. Fınaldyq matchta atyraýlyqtar Almaty qalasynyń «Býrevestnık» komandasynan 3:0 esebimen utyldy. Al Mańǵystaý oblysynyń «Mańǵystaý» komandasy úzdik úshtikti qorytyndylady.
- Qazirgi tańda bizdiń komanda alda ótetin «Sýperkýbok» oıynyna qyzý daıyndalýda. Osy oıynda Qazaqstan kýbogynda kórsetken nátıjeden asyp túsýge nıettimiz, - deıdi «Atyraý voleıbol klýbynyń» dırektory Amandyq Ǵarıfolla.
Aıta keteıik, 17-21 qazan aralyǵynda Taldyqorǵan qalasynda «Sýperkýbok» oıyny ótedi. Oıynda Qazaqstan kýbogynda úzdik tórttik qatarynan kóringen «Býrevestnık», «Atyraý», «Mańǵystaý», «Ushqyn-Kókshetaý» komandalary ózara básekege túsetin bolady. «Sýperkýbok» ıelengen komanda 2020 jyldyń sáýir aıynda ótetin voleıboldan klýbtyq Azııa chempıonatynda Qazaqstannyń namysyn qorǵaıdy.
