Qazaqstan • 09 Qazan, 2019

Baqytjan Saǵyntaev megapolısti damytýdyń 7 negizgi basymdyǵyn atady

33 retkórsetildi

Búgin Baqytjan Saǵyntaev Ál-Farabı atyndaǵy QazUÝ-dyń stýdentterimen kezdesip, qalany damytýǵa baǵyttalǵan «Almaty-2050» strategııalyq jobasymen bólisti.

«Almatynyń bolashaǵy – qalanyń ósip kele jatqan jas kásibı mamandarynyń, ǵalymdary men basqarýshy, kásipkerler tolqynynyń qolynda. Jáne dál sizder, búgingi stýdentter – qalanyń baǵa jetpes adamı kapıtalysyzdar»,  dedi Baqytjan Saǵyntaev.

Damý jobasy 7 negizgi strategııalyq basymdyqqa negizdelgen, alǵashqysy – Ǵalamdyq aýqymdaǵy «aqyldy» qalaǵa aınalyp, ómir súrý sapasy jóninen álemniń 100 úzdik qalasynyń qataryna ený.

2-basymdyq - Almaty shetsiz qalaǵa aınalýy tıis. «Almaty ár aýdanynyń bir-birine uqsamaıtyn ózindik erekshe oryndary bar kóportalyqty qala bolýy tıis»,  dedi qala ákimi.  

Ortalyq pen shet jaqtardyń arasyndaǵy ómir súrý deńgeıleriniń aıyrmashylyǵyn azaıtý úshin «Jańa Almaty» jospary túzildi. Onyń basty maqsaty – taıaý besjyldyqta qalanyń barlyq aýdandaryndaǵy sýmen qamtamasyz etý, jaryqtandyrý, aýlalardy abattandyrý, qoǵamdyq kólik, baspana qurylysy, balabaqsha, mektep pen jol máselesin sheshý.

Almaty sondaı-aq adamǵa qaraı oraılastyrylǵan qala bolýy kerek. Iаǵnı, ár turǵynǵa baǵyttalǵan, ár túrli bastamalarǵa ashyq qalaǵa aınaldyrýdy josparlap otyrmyz», dep sózin túıip  ótti qala basshysy.

Baqytjan Saǵyntaev stýdentterdi eriktiler qozǵalysyna belsene qatysyp, qalany izgilendirýge jol kórsetýge shaqyrdy. «Meniń ustanymym: qalany basqarý qala turǵyndarymen tyǵyz baılanysta órbýi kerek. Bizdiń megapolıs aýqymynda «Estıtin memleket» prınsıpin júzege asyrý shart», dedi qala basshysy.

Tórtinshi basymdyq – qylmys pen tehnogendik qaýip deńgeıi óte tómen qaýipsiz qala qalyptastyrý. Bul maqsatty júzege asyrý úshin aqyldy qala tehnologııasy engiziledi – ol úshin qaýipsizdikke tóngen qaterdi birden anyqtap, sheshim qabyldaýǵa múmkindik beretin kameralar, datchıkter, analız Big Data saraptamalar, jasandy ıntellekt qalyptastyrý kerek.

2020 jyldyń sońyna deıin halyq kóp jınalatyn jerlerde adamdardyń túrin tanıtyn, beınetaldaý jasaı alatyn ıntellektýaldy júıesi bar 1000 kamera ornatý josparlanýda. Tabıǵat pen qalalyq ortany biriktiretin joǵary ekologııalyq standartqa ıe Jasyl qala qurý – besinshi basymdyq. «Biz birneshe jylda qalanyń kógal qoryn túbegeıli jańartamyz, Jasyl Almaty baǵdarlamasy boıynsha eń birinshi kezekte shet aımaqtar qamtylatyndaı, jalpy 1 mln aǵash otyrǵyzamyz»,   dedi Baqytjan Saǵyntaev.

Ákim barsha jurtty 12 qazanda Kók-Tóbede ótetin senbilikke belsene qatysýǵa shaqyrdy.

Almatynyń Jańa Jibek joly boıynda ornalasqan elimizdiń iskerlik ortalyǵy retindegi pozısııasyn nyǵaıtý altynshy basymdyq bolyp tabylady.

«Biz 2050 jyly JJО́-di ár adam basyna shaqqanda 2,5 ese ulǵaıtýdy maqsat etip otyrmyz», dedi ákim.

Ol úshin bizdiń ónimder men qyzmetter álemdik naryqta suranysqa ıe jáne básekege qabiletti bolýy kerek».

Jetinshi strategııalyq basymdyq - Almaty mádenı kreatıvti qalaǵa aınalýy kerek. Saǵyntaevtyń pikirinshe, ol úshin mádenı keńistikterdi álemdik mádenı trendterge laıyqtap qaıta júkteý shart.

«Biz Strategııa qujatynyń jobasyn arnaıy saıt pen qalalyq BAQ arqyly qoǵamdyq talqylaýǵa jiberemiz. Men sizderdi jáne barshy qala turǵyndaryn osyǵan belsene qatysýǵa shaqyramyn», dep túıindedi Almaty ákimi Baqytjan Saǵyntaev.

Sońǵy jańalyqtar

iPhone 12 Pro renderi shyqty

Tehnologııa • Keshe

Uqsas jańalyqtar