Qoǵam • 09 Qazan, 2019

Qyzdar ýnıversıtetiniń jas ǵalymdary jańa jobany qolǵa aldy

42 retkórsetildi

Qazaq ulttyq qyzdar pedagogıkalyq ýnıversıtetiniń bastamasymen qurylǵan Qazaqstannyń jas pedagog-ǵalymdary Qaýymdastyǵy «Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda jaryq kórgen kitaptardy keńinen nasıhattaý maqsatyndaǵy bastamany qolǵa aldy.

Atap aıtqanda, jas ǵalymdar búginge deıin aýdarylǵan 30-ǵa jýyq eńbekti oqyp, talqylaý úshin atalǵan uıymnyń músheligine kiretin joǵary oqý ornynyń 1 kýrs stýdentterine estafeta joldamaq.

Estafetaǵa qatysý úshin stýdentter qazaq tiline aýdarylǵan kitaptardyń birin oqyp, mazmunyna oraı beınebaıan túsirýi kerek. Sondaı-aq beıne materıaldy Facebook jelisine Qyzdar ýnıversıtetiniń Qyzdar Ýnıversıteti resmı paraqshasyn belgileı otyryp júkteý qajet.

– Qazaq ulttyq qyzdar pedagogıkalyq ýnıversıtetiniń tabaldyryǵyn bıyl attaǵan stýdentter «Kópke umtylǵan jalǵyz» kitabyn oqyp, atalǵan eńbektiń mazmunymen tolyq tanysyp shyqty. Ony talqylaý maqsatynda jıyndar men pikir almasýlar da ótkizildi. Sonymen qatar «Qyzdar Ýnıversıteti» gazetine maqalalar jazyp, adamzat damýynyń kókjıegine jol ashatyn oqýlyqtardyń ereksheligine sholý jasady. Bizdiń kózdegenimiz bul ıgilikti iske ózge de joǵary oqý oryndaryn tartý. Osy arqyly jastarǵa dúnıejúzindegi tańdaýly úlgilerdiń negizinde bilim alýyna múmkindik jasaý, – dep atap ótti Jandar Asan.

Estafeta sońynda barlyq beıne materıal jınaqtalyp, sonyń negizinde shaǵyn fılm jaryq kórmek. Ol Qazaqstannyń jas pedagog-ǵalymdarynyń úshinshi sleti qarsańynda kópshilik nazaryna usynylmaqshy.

Qazirgi tańda qazaq tiline aýdarylǵan kitaptar men joǵary oqý oryndarynyń tizimi túzilip, beınebaıandy túsiretin naqty merzimi bekitilgen.

Aıta keteıik, byltyr Qazaqstan jas pedagog-ǵalymdardyń birinshi respýblıkalyq sleti qarsańynda otandyq jas pedagog-ǵalymdardyń qaýymdastyǵy quryldy. Qazaq ulttyq qyzdar pedagogıkalyq ýnıversıtetiniń rektory Gaýhar Aldambergenovanyń ıdeıasymen qurylǵan uıym memleket pen qoǵam damýyna belsendi qyzmet etetin, jańasha turǵyda oılaı alatyn jańashyl jastardy biriktirip, olardyń dıalog alańyn qurýdy maqsat tutady. Búginge deıin atalǵan qaýymdastyqtyń uıytqy bolýymen birneshe jobalar sátti júzege asyryldy.

Sońǵy jańalyqtar

Abaı murasy máńgilik

Abaı • Keshe

Qylmystyq is qozǵaldy

Aımaqtar • Keshe

Kúres: Arýlarymyz segiz júlde aldy

Sport • 21 Aqpan, 2020

Eljan Birtanov Qytaı elshisimen kezdesti

Qazaqstan • 21 Aqpan, 2020

Basty aqparat (21.02.2020)

Vıdeo • 21 Aqpan, 2020

Semeıde stýdentter jataqhanasy órtendi

Aımaqtar • 21 Aqpan, 2020

Memleket basshysy birqatar kezdesý ótkizdi

Prezıdent • 21 Aqpan, 2020

Almatyda jańa avtobýs baǵyty ashyldy

Qoǵam • 21 Aqpan, 2020

Uqsas jańalyqtar