Qoǵam • 10 Qazan, 2019

Elimizde Kásipodaqtar kúni tuńǵysh ret atap ótildi

141 retkórsetildi

Búgin – Kásipodaqtar kúni. Ataýly data Úkimettiń bıylǵy 22 mamyrdaǵy №303 qaýlysyna sáıkes tuńǵysh ret resmı túrde atap ótiledi. Tuńǵysh Prezıdent Elbasy Nursultan Nazarbaev «Qazaqstannyń kásipodaqtary – turaqtylyqtyń tiregi, áleýmettik-eńbek qatynastarynyń bazalyq elementi» dep kásipodaqtar qyzmetin joǵary baǵalaǵan bolatyn. Elimizdegi Kásipodaqtar federasııasy – jumys berýshiler men eńbekkerler arasynda basty medıator, qoǵamdaǵy iri jáne qýatty azamattyq ınstıtýttardyń biri. Uıymnyń qyzmeti qyzmetkerlerdiń quqyǵy men múddesin qorǵaýǵa, óndiris sharttaryn jaqsartýǵa, eńbek daýlaryn retteýge baǵyttalǵan.

Prezıdenttiń Alǵys hatyn tabys etti

Alǵash ret atalyp ótken Kásipodaqtar kúni qarsańynda elordada ortalyq memlekettik organ men halyqaralyq uıym ókilderiniń, kásiporyn basshy­larynyń, eńbek ujymdary men basta­ýysh kásipodaq uıymdary ókil­deriniń qatysýymen saltanatty jıyn ótti. Mereıtoıdyń ashylýyn­da sóz alǵan Memlekettik hatshy Qyrym­bek Kósherbaev: «Búginde kúlli álem bos­tandyqty tý etken ádiletti jarastyqty ańsaıdy. Endeshe, adamdar men qoǵamnyń, memleketter men halyqtardyń óz erki ózindegi táýelsizdigi – qasıetti uǵym. Sol táýelsizdikke janashyr, áleýmettik turaqtylyqqa janashyr, ádilettilikke janashyr, báriniń negizin qalaýshy eńbek adamyna janashyr – qadirli kásipodaq qozǵalysynyń qaıratkerleri sizdersizder! Ár eńbek ujymy pikiri men áreketiniń tizginin ózi qolǵa alyp, naqty iske kóshe almaı jatyr. Bul úshin birimiz emes, bárimiz de uıattymyz. Qazir jeke shaýyp báıge alatyn zaman emes, ult bolyp uıysyp, upaıymyzdy túgendeıtin kezeń. Saǵy synǵanǵa – saıa, asqanǵa tosqan bolyp kele jatqan sizder – kásipodaq qaıratkerleri, istegen isterińizben, ádildikterińizben abyroılysyzdar. Memleket basshysy Qasym-Jomart Toqaev sizderdi marapattaı otyryp, úlken úmit artady, eldiń birligin amanat etedi», dedi.

Marapattaý rásimi

Sondaı-aq Memlekettik hatshy Prezı­denttiń Alǵys hatyn «Qaraǵandy oblysy aýyl sharýashylyǵy, qaıta óńdeý uıymdary men memlekettik mekemeler qyzmetkerleriniń jergilikti kásipodaǵy» QB Jańaarqa aýdany ókildiginiń tóraǵasy Nurlan Akıshevke, «Astana-Jylýtranzıt» AQ óndiristik-jóndeý qyzmeti oqshaýlaý ýchaskesiniń 5-razrıad mýftaly qosylystardyń montajshysy Jahmash Omarbekke, Áıteke bı kentindegi Y.Altynsarın atyndaǵy №204 mektebi qazaq tili men ádebıetiniń páni muǵalimi Roza Jumaǵazıevaǵa tabystady. Sonymen birge kásipodaqtardyń áleýmettik-eńbek qatynastarynyń ózekti máselelerin sheshýde basty áleýmettik áriptes ekenin atap ótken Eńbek jáne halyqty áleýmettik qorǵaý vıse-mınıstri Aqmadı Sarbasov kásipodaqtar qozǵalysynyń belsendilerine Premer-Mınıstr Asqar Mamınniń Alǵys hatyn tabys etti.

 

Federasııanyń jumysy jandandy

Jıynda Kásipodaqtar federa­sııa­synyń tóraǵasy Eraly Toǵjanov uıym­nyń jetistikterine toqtaldy. «Búgin­de Kásipodaqtar federasııasy – 2 mıl­lıonǵa jýyq kásipodaq múshesin bir shańyraqtyń astyna biriktirip otyr­ǵan elimizdegi eń iri qoǵamdyq uıym. Memleket basshysy Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órken­deýiniń negizi» atty Joldaýy kásipodaqtar qyzmetine qarqyn berdi. Joldaýdyń kóp baǵyty kásipodaqtar qyzmetimen úılesim tabady. Sondaı-aq Prezıdent úkimettik emes uıymdardyń bedelin arttyrý qajettigin atap ótti. Sondyqtan kásipodaqtar qazaqstandyqtardyń ómir súrý sapasyn jaqsartýǵa baǵyttalǵan úrdisterdiń basy-qasynda bolýy tıis. Joldaýda halyqpen tikeleı baılanys ornatý, azamattarymyzdyń ótinishteri men aryzdaryna basa nazar aýdarý syndy máseleler aıryqsha kórsetilgen», dedi Eraly Toǵjanov. О́z sózinde bıznes salasy iri jumys berýshilerden úlgi alýy tıis ekenin aıtqan kásipodaq basshysy «Eurasian Resources Group» syndy iri kásiporyndarda kásipodaq qyzmeti joǵary deńgeıde uıymdastyrylǵanyn atap ótti. Onyń aıtýynsha, atalǵan kompanııada eńbekaqyny ındeksteý, zııandy eńbek sharttarynda jumys isteý, kóp balaly jáne jalǵyz basty ata-analarǵa áleýmettik qoldaý kórsetý máseleleri qolǵa alynǵan.

«Kásipodaqtar federasııasy áleý­mettik-eńbek salasynda mańyzdy máse­lelerdiń sheshimine jan-jaqty qatysýda saraptamalyq jáne uıymdastyrýshylyq áleýetke ıe. Kásipodaqtardyń qarqyndy jumysynyń nátıjesinde ujymdyq sharttar sany 2018 jyly 2017 jylmen salystyrǵanda 16 paıyzǵa, al 2016 jylmen salystyrǵanda 24 paıyzǵa artty. Bıyl respýblıka boıynsha ujymdyq sharttar sany 15 paıyzǵa kóbeıdi. Kásipodaqtar áleýmettik áriptesterimen birlese otyryp, jumys oryndaryn saqtaýǵa atsalysty. Qazirgi tańda 126 myńnan asa memorandým bekitilip, respýblıka boıynsha 2 mln 292 myń jumysshyny qamtydy. Kásipodaqtar jalaqysy tómen jumysshylardyń eńbekaqysyn arttyrý máselesine de kiristi. 199,6 myń jumys berýshi 1,1 mıllıon jumysshynyń jalaqysyn kóterdi. Az jalaqy alatyn jumysshylardyń ortasha jalaqysy 31 paıyzǵa ósti», degen Federasııa tóraǵasy kásipodaqtar qazaqstandyq jáne sheteldik jumys­shylardyń eńbekaqysyndaǵy teńsizdikke jol bermeý úshin aýqymdy jumystardy qolǵa alǵanyn aıtty. Atap aıtqanda, Eńbek jáne áleýmettik qorǵaý mınıstrligi Bas prokýratýramen birlese otyryp, elimizdegi 50 adamnan asa sheteldik jumys kúshin paıdalanatyn 63 kásiporynǵa tekseris júrgizgen. Nátıjesinde Eńbek jáne kóshi-qon zańnamasynyń 783 buzylý faktisi, sonyń ishinde eńbekaqy jáne syıaqy tóleýdegi teńsizdikter boıynsha 22 kásiporynda 457 fakti anyqtalǵan.

Eraly Toǵjanov kásipodaqtar medıasııa jáne beıbit kelisim arqyly eńbek daýlaryn janjalsyz sheshý júıesin qalyptastyrýǵa kúsh salyp jatqanyn da tilge tıek etti. Búginde elimizdiń barlyq aımaqtarynda Tatýlasý ortalyqtary jumys isteıdi. Onda medıatorlar men psıhologtar, zańgerler, barlyq deń­geıdegi sottar tegin keńes beredi. Máselen, Tatýlasý ortalyqtary 2018 jyl­dyń naýryz aıynan beri 3 myńnan asa medıasııalyq úrdis ótkizip, eńbek daýyna qatysty 1590 ótinish oń sheshimin tapqan.

Federasııa quramyna 23 salalyq, 17 aımaqtyq kásipodaq birlestigi kiredi.

 

Eńbek uıymdaryn aralady

Osy kúni Kásipodaqtar federa­sııa­synyń tóraǵasy Eraly Toǵjanov bastaǵan delegasııa elordadaǵy eńbek ujymdarymen kezdesti. Olar eń aldymen 500-den asa qyzmetkeri bar «Qazaqstan temir joly» ulttyq kompanııasy Qyrqynshy mashınalandyrylǵan aralyqtaǵy» jol bólimshesi fılıalyna baryp, eńbek qaýipsizdigin saqtaý jáne eńbekti qorǵaý máselelerin talqylady. Jumys toby ondaǵy eńbekti qorǵaý talaptarynyń saqtalýy, jalaqy tó­leý jáne eńbek qatynastaryn retteý boıynsha zańnamalyq normalardyń saq­talýymen tanysty.

Federasııa ókilderi jumys saparyn 1800 adam jumys isteıtin Nur-Sultan qalalyq №1 avtobýs parkinde jal­ǵastyrdy. Qazirgi ýaqytta avtoparktiń kásipodaq uıymy óndiristik keńes ar­qyly jumysshylardyń densaýlyǵyn jaqsartý jumystaryn júrgizýde. Onda ujymdyq shartqa sáıkes jumysshylarǵa turaqty materıaldyq kómek kórsetilip, jyl saıynǵy eńbek demalysyna qo­symsha kúnder qosylady. Sondaı-aq sa­natorlyq-kýrorttyq joldamalar usynylady. Kezdesý kezinde Nur-Sultan qalasynyń kásipodaqtar ortalyǵy avtopark qyz­metkerlerine ústel tennısin tartý etti.

Sońǵy jańalyqtar

Eń qysqa áńgime. Aldabergen Kempirbaı

Eń qysqa áńgime • Búgin, 13:00

Eń qysqa áńgime. Erkeǵalı Beısenov

Eń qysqa áńgime • Búgin, 12:42

Eń qysqa áńgime. Kógedaı Shámerhan

Eń qysqa áńgime • Búgin, 12:39

Eń qysqa áńgime. Jasulan Serik

Eń qysqa áńgime • Búgin, 12:37

Eń qysqa áńgime. Aqjol Qalshabek

Eń qysqa áńgime • Búgin, 12:28

Eń qysqa áńgime. Nurbek Nurjanuly

Eń qysqa áńgime • Búgin, 12:24

Elbasy Takeo Kavamýramen kezdesti

Prezıdent • Búgin, 11:34

Saǵynaıdyń beıiti tabyldy

Aımaqtar • Búgin, 10:52

Aqmolanyń astyǵyna suranys mol

Aımaqtar • Búgin, 10:22

Kúlki kerýeni № 7

Rýhanııat • Búgin, 10:20

Uly dalanyń tarıhy qaıta jańǵyrýda

Qazaqstan • Búgin, 10:09

Atalmaı nege qalsyn Musa aty?!

Rýhanııat • Búgin, 10:01

«Astana» Nıderlandqa attandy

Sport • Búgin, 08:53

Jaqsy dástúr jalǵasady

Rýhanııat • Búgin, 08:49

Alashtanýshy ǵalymnyń belesi

Rýhanııat • Búgin, 08:47

Igilikti eńbek ıesi

Qoǵam • Búgin, 08:46

Namazaly Omashuly: El shejiresi

Rýhanııat • Búgin, 08:42

Taraz shaharyndaǵy tamasha tún

Aımaqtar • Búgin, 08:39

Tuńǵysh Til forýmy ótedi

Qoǵam • Búgin, 08:36

Patrıarhtyń oryndalǵan paryzy

Rýhanııat • Búgin, 08:33

Kedergisiz keleshek

Qoǵam • Búgin, 08:31

Endi mekenjaı anyqtamasyn suramaıdy

Qoǵam • Búgin, 08:29

Joshy hanǵa eskertkish ornatylady

Rýhanııat • Búgin, 08:24

Qazaqtardyń atqa miný mádenıeti

Qazaqstan • Búgin, 08:22

Eýrony satyp alýshylar kóbeıdi

Ekonomıka • Búgin, 08:20

AQR: 14 bankti «saýyqtyrý» kerek pe?

Ekonomıka • Búgin, 08:15

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Uqsas jańalyqtar