Aımaqtar • 10 Qazan, 2019

Naqty jumystar bar

35 retkórsetildi

Shymkent qalasy ákimdiginiń aqparattyq-kommýnıkasııalyq ortalyǵynda Ishki saıasat jáne din isteri basqarmasynyń Prezıdent Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna Joldaýyn nasıhattaý aıasynda baspasóz brıfıngi ótti.

Basqarma basshysy Janar Bektaeva Joldaý aıasynda salada atqarylǵan jumystar týraly keńinen baıandap berdi. «El Prezıdenti Q.Toqaevtyń bıylǵy Joldaýy aıasynda qala turǵyndarymen 125 kezdesý ótkizilip, oǵan 20 myńǵa jýyq adam qatysty. Basqarma qalada jumys istep otyrǵan 6 saıası partııa fılıaly, jalpy tirkelgen 400-den astam úkimettik emes uıymdardyń ishindegi belsendi jumys atqaryp otyrǵan 90-nan astam qoǵamdyq uıymmen 8 baǵyt boıynsha tyǵyz baılanys júrgizýde», dedi Janar Álibekqyzy.

Sondaı-aq ol basqarma tarapynan qoǵamnyń barlyq salasyn qamtyǵan 5 taqyryp boıynsha áleýmettik zertteýler júrgizilip, olarǵa barlyǵy 3600 respondent qamtylǵanyn aıtty. Sol zertteýler boıynsha qoǵam turaqtylyǵyna yqpal etýshi faktorlar retinde azyq-túlik ónimderi men taýarlar qunynyń ósýi, kóp balaly analardyń máselesi jáne olarǵa áleýmettik kómektiń taǵaıyndalýy, sybaılas jemqorlyq máselesi jáne turǵyn úıge baılanysty shıelenister aıqyndalǵan. Onyń sózinshe, taldaý qorytyndysy salalyq atqarýshy memlekettik organdarǵa jiberilipti. Al dinı turaqtylyq máselesi boıynsha 400 respondenttiń qatysýymen saýaldama júrgizilip, turǵyndardyń dinı nanym-senimi, dástúrli dinge kózqarasy, radıkaldy dinı uıymdarǵa baılanysty ustanymdary saraptalǵan.

Jýyrda qala ákimi Erlan Aıtahanov azamattyq sektor belsendilerimen ashyq formatta kezdesý ótkizip, usynystaryn tyńdap, naqty problemalyq máseleler boıynsha olardyń is-jospary túzilgen bolatyn. Osyǵan oraı úkimettik emes uıymdarmen jumystardy jandandyrý maqsatynda basqarma tarapynan «Azamattyq ortalyq» ashý kózdelip otyr eken. Búginde «ÁREKET» jobasy aıasynda atalǵan uıymdarmen 57 is-shara ótkizilip, 5 birlesken jobany júzege asyrý qolǵa alynypty.

Elbasynyń «Rýhanı jańǵyrý» baǵ­darlamasy aıasynda shaharda 172 myń adamnyń qatysýymen 300-den astam is-shara ótkizilip, «Týǵan jer» jo­ba­synyń «Atameken» kishi baǵdarlamasy sheńberinde demeýshiler men mesenattar esebinen 6 joba iske asyrylypty. Sonymen qatar memlekettik rámizderdi qoldaný, talaptarǵa sáıkestendirý jumystary boıynsha da jumystar júıelengen. Qala ákimdiginiń «Shymkent.gov.kz» resmı saıtynda ákimniń «Vırtýaldy qabyldaý» blogy iske qosylyp, BAQ-ta jarııalanǵan rezonansty materıaldar boıynsha «keri baılanys» júıesi qolǵa alyndy.

Qazirgi tańda qaladaǵy 155 BAQ qyzmetine monıtorıng júrgizilip, tıisti zań talaptary buzylǵan 7 fakt boıynsha sharalar qabyldanyp, zańnyń oryndalýy qalpyna keltirilipti. Al joǵaryda atalǵan máseleler boıynsha jumystardy qalalyq ishki saıasat jáne din isteri basqarmasyna qarasty «Aq­parattyq kommýnıkasııalyq ortalyq», «Din máselelerin zertteý ortalyǵy», «Shymkent aqparat ortalyǵy», «Rýhanı jańǵyrý keńsesi úılestirip otyr.

Qýantarlyǵy, búginde Shymkent kóshelerindegi bılbordtardy qazaq oıshyldary men ómirden ótken jáne kózi tiri aqyn-jazýshylarymyzdyń ulaǵatty sózderimen bezendirý jumystary qolǵa alynǵan. Nátıjesinde qalanyń negizgi kóshelerine 70-ke jýyq jańa úlgidegi bılbordtar ornatylypty.

J.Bektaeva aldaǵy ýaqytta basqarma tarapynan atqarylatyn birqatar jumysty tanystyrdy. «Qoǵamdyq-saıası ahýaldy turaqtandyrý jáne azamattyq ınstıtýttardy damytýda «Shyraıly Shymkent: bereke basy – birlik», «Qazaqstannyń damýyndaǵy dástúrli ıslamnyń róli», «Shymkent – mádenıet pen órkenıettiń ortalyǵy» forýmdaryn ótkizý, «Rýhanı jańǵyrý» qalalyq keńsesine arnaıy ǵımarat bólý, «Megapolıstegi aqparattyń róli» semınar-tımbıldıngin, sybaılas jemqorlyqqa qarsy ımmýnıtetti qalyptastyrý is-sharalaryn ótkizýdi josparlap otyrmyz. Munymen qatar, qarasha aıynda  qala ákimdigi men ǵasyrlyq tarıhy bar respýblıkalyq «Egemen Qazaqstan» gazetimen birlesip, Alashtyń ardaqtylary, qazaqtyń alyp tulǵalaryn ulyqtaý maqsatynda S.Qojanov pen T.Rysqulovtyń 125 jyldyqtaryna oraı respýblıkalyq ǵylymı-praktıkalyq konferensııa uıymdastyramyz»,  dedi basqarma basshysy.

Janar Álibekqyzy baılanys jáne aqparat salasy qyzmetkerleri arasynda ótetin «Úzdik atalymdar-2019» baıqaýynyń erejesin tanystyryp, BAQ ókilderi arasynda shaǵyn fýtboldan jáne voleıboldan uıymdastyrylatyn sport jarysy, «Shymkent aqparattyq ortalyǵymen» birlesken joba retinde kompozıtorlar arasynda «Shyrqa, Shymkent!» án baıqaýy ótetindigin habarlady. Sondaı-aq elimiz úshin aıtýly meıram – 1 jeltoqsan – Tuńǵysh Prezıdent kúnine oraı úshinshi megapolıste fotokórme uıymdastyrylmaq eken. Al kelesi jylǵa uly Abaıdyń 175 jyldyǵy men ǵulama ǵalym ál-Farabıdiń 1150 jyldyǵyna oraı ádebı estafeta, ǵylymı konferensııa, forýmdar men dóńgelek ústelder, pándik olımpıadalar ótkiziletindigin jetkizdi.

 

ShYMKENT

 

Sońǵy jańalyqtar

Elimizde et qymbattady

Qazaqstan • Búgin, 12:28

Basylym basshylary - Erjuman SMAIYL (1948-2018)

Basylym basshylary • Búgin, 11:22

Baıaǵy jartas – bir jartas

Aımaqtar • Búgin, 10:56

Sońǵy kúnderdiń borany surapyl

Aımaqtar • Búgin, 10:15

Hımııalyq zattar qalaı retteledi?

Ekologııa • Búgin, 06:59

Áleýmettik nysandardy aralady

Úkimet • Búgin, 06:54

О́tinish-tilekter eskeriledi

Aımaqtar • Búgin, 06:51

Amanatqa qııanat júrmeıdi

Tanym • Búgin, 06:49

Qaraýsyz malǵa ury qas

Qoǵam • Búgin, 06:46

Tabysty jylystatýdyń joldary

Ekonomıka • Búgin, 06:40

Shańyraq nege shaıqalady?

Qoǵam • Búgin, 06:35

Júıeli jumys jalǵasady

Saıasat • Búgin, 06:33

Megapolıstegi mańyzdy jobalar

Aımaqtar • Búgin, 06:30

О́tkenge esep, erteńge baǵdar

Aımaqtar • Búgin, 06:28

О́ndiristi óńirde oń ózgerister bar

Aımaqtar • Búgin, 06:27

Atqarylǵan ister aýqymdy

Aımaqtar • Búgin, 06:24

Saqtyqqa salǵyrt emes

Qoǵam • Búgin, 06:20

Balalarǵa kúrdeli operasııa jasaldy

Medısına • Búgin, 06:18

«Sýpermen» Tikenektide turady

Qoǵam • Búgin, 06:15

Modernızmniń negizin qalaǵan

О́ner • Búgin, 06:10

Basty aqparat (19.02.2020)

Vıdeo • Keshe

Uqsas jańalyqtar