Qazaqstan • 10 Qazan, 2019

Avtobýstar bank kartalarymen tólem qabyldaı bastady

19 retkórsetildi

Bas qalada qoǵamdyq kóliktermen qatynaý taǵy da jeńildeı túspek. Endi jolaqyny bank kartalarymen de tóleýge bolady. Ázirge qanatqaqty joba №20 baǵdardaǵy qalalyq avtobýsta iske qosylyp, synaqtan ótip jatyr.  

Tyń qyzmet «Kassa Nova banki» AQ («ForteBank» AQ EB), Astana LRT jáne Visa Qazaq­stan jahandyq tólem teh­nologııalyq kompanııasymen úshjaqty ynty­maq­­­tastyq negizinde júzege asyp otyr. Bul múmkindikti Visa baıla­nyssyz karta ıeleri paıdalana alady. Sonymen qosa astanalyq jo­laýshylardan bólek, atalǵan qyzmet elimizdiń ózge aımaq tur­ǵyndary men sheteldik týrısterge qolaıly bolmaq. Sebebi kólik kartasyn satyp alyp, ony termınaldan toltyrýdyń mashaqatynan qutylady. Endi elordaǵa saıahattap keletin týrıster ádettegi halyqaralyq bank kartalarymen jolaqysyn tólep, qalaǵan jerlerine barý ońaıǵa túsedi deıdi jobaǵa jaýapty ókilder.

– Seriktesterimizben birlesip, tıimdi kóliktik tólem sheshimin ázirledik. Ýkraına, Belarýs, Grýzııa jáne Qazaqstandaǵy bir­qatar kólik jobalaryna jetek­shilik etip kelemiz. Búginde Qa­zaq­stan ınnovasııalyq teh­no­lo­gııalarǵa ashyqtyǵyn baı­qa­typ otyr. Smart city tujy­rymdamasy sheńberinde qala­lardy damytý jolynda naqty qadamdar jasaldy. Onyń ınte­graldyq elementteriniń biri osy baılanyssyz tólemder. Nur-­Sultandaǵy qoǵamdyq kólik­­terde tólem kartalarymen baı­­lanyssyz tólem júıesin en­gizý úshin seriktesterimizben bir­ge jolaqysyn tóleýdiń baǵdar­la­malyq jasaqtamasyn daıyndap, qosymsha jab­dyq ornattyq. Zama­naýı ınfraqu­rylymdyq sheshim­der qalanyń odan ári damýyna áser etetini­ne senimdimiz, – dedi Visa kompanııa­synyń sıfrly tehno­logııalar jónindegi TMD jáne Ońtústik-Shyǵys Eýropa el­derin­degi aǵa dırektory Andreı Aleıkın.

Tólemdi iske asyrý ádettegi kó­lik kartasyn qoldanýdan aıyr­mashy­lyǵy joq. Demek, ony va­lıdatorǵa janastyrý arqyly jol júrý aqysyn tóleı alasyz. Bul tez ári yńǵaıly. Joba synaq rejiminde pysyqtalyp jat­­qandyqtan №20 baǵyttaǵy qo­ǵamdyq avtobýsta engizilgen. Bank kartasymen joldyń quny – 90 teńge. Alaıda Visa karta ıeleri úshin arnaıy aksııa iske qosyldy. Atap aıtqanda, 8 qazannan bastap, jyl sońyna deıin bir sapardyń quny – 45 teńge.

– Jolaqy tólemi boıynsha jańa múmkindikterdi únemi iz­des­­tirýge tyrysamyz. Buǵan deıin SMS habarlama nemese bir­qatar mobıldi qosymshalar arqyly tólem júıesi engizilgen bo­latyn. Bank kartasymen tólem jasaý taǵy bir yńǵaıly tásil. Jolaýshylardyń kóńilinen shy­­ǵady dep oılaımyn, – dedi «Astana LRT» JShS basqarma tóraǵasynyń orynbasary Baýyr­jan Seıitov. 

Jańa qyzmet jolaýshylardyń kóńilinen shyǵyp jatsa, keler jyly barlyq qalalyq avtobýstarda bank kartalaryna arnalǵan termınal ornatylady dep kózdelýde. Sol sekildi bul múmkindikti paıdalaný MasterCard karta ıelerine de beriledi. 

 

Sońǵy jańalyqtar

Aqtóbe qalasy karantınge jabyldy

Aımaqtar • Búgin, 20:51

Eksporttyq áleýetti arttyrý kózdelmek

Ekonomıka • Búgin, 20:11

Ulttyq online aıtys ótkizbek

Rýhanııat • Búgin, 20:10

Amandyǵyńdy oılasań, tártipke baǵyn!

Aımaqtar • Búgin, 19:00

MMA: Habıb Nurmagomedovty almastyrady

Kásipqoı boks • Búgin, 16:39

Qaraýsyz bala qaýipke urynady

Qoǵam • Búgin, 16:23

Atyraý: Kásipker usynǵan kómek

Aımaqtar • Búgin, 16:22

MMA: Denıel Korme karerasyn aıaqtaıtynyn aıtty

Kásipqoı boks • Búgin, 16:07

Jańa apparattar ókpeni tazartýda

Aımaqtar • Búgin, 15:57

Uqsas jańalyqtar