Qoǵam • 10 Qazan, 2019

Jumys kóp, isteımin degen ynta joq

56 retkórsetildi

Jyl basynan beri oblystyq kóshi-qon polısııasynyń qyzmetkerleri 3145 zańsyz mıgrantty áshkerelegen. Olardyń basym bóligi belgilengen merzim ishinde tirkeýge turmaǵan. Qaısybireýleri eńbek kelisimshartyn toltyrmaı, jumysqa ornalasqan.

Birde kóz tanysym jumysqa ornala­sýǵa qol ushyn berýimdi ótindi. О́ziniń aıtýyna qaraǵanda, jumys joq.

– Qolaıyńa qandaı jumys jaǵa­dy?–dep suradyq biz.

– Jumysy az, jalaqysy kóp, – dep jy­mı­dy álgi.

Qaljyńdap turǵan shyǵar dep edim, shynyn aıtyp tur eken.

– Ondaı jumys tabylsa, ózim-aq ornalasyp almaımyn ba?, – dep jaýap qattyq ázilge súıep.

Jańaǵynyń jarty aýyz sózi sebep bolyp, qalalyq jarnamalyq ga­zet­t­erdi súzip shyqtyq. Jumys izde­gen­nen jumys­shy izdegen mekeme, ká­siporyn kóp eken. Ásirese, gazelektr dánekerleýshi, sylaq­shy-syrshy, to­kar, slesar, aýyr júk kóli­gin júr­­gizýshiler... Jumys berýshiler ja­­­laqy­­­syna deıin kórsetipti. Oǵan qo­sa jumys­­­­shyǵa qandaı áleýmettik-tur­mys­tyq jaǵdaı týǵyzylatynynda. Demek, ju­mys bar.

Taǵy bir dálel keltire ketelik, Aq­mo­la oblysynda ústimizdegi jyldyń ba­­­sy­­­nan beri 6844 eńbek mıgranty tir­ke­­lip­ti. Olardyń eki myńnan astamy eń­­bek kelisimin uzartqan. Saralap qa­ra­sa­ńyz, alys-jaqyn shetelden kelgen álgi jumysshylar negizinen aýyl sharýa­shy­­ly­­ǵy men qurylys salasynda eńbek etedi eken.

– Memlekettik qyzmet kórsetý stan­dar­tynyń bekitilgen erejesine sáı­kes eger tir­keýge turý elektrondy portal ar­qyly jú­zege assa, bar-joǵy 15 mınýtty qam­tı­dy, – deı­di oblystyq kóshi-qon qyz­meti bas­qar­masy bastyǵynyń mindetin at­qa­­rý­­shy Aqylbek Mádiǵulov, – bul ta­rapt­a esh­qandaı qıyndyq joq. Solaı bola tura, tir­kelmeı jumys isteýshiler azaı­maı otyr. Ási­rese, kóktem men kúz mezgil­de­rin­de dú­mep ketedi.

Eger ólkede jumys bolmasa, jańaǵy jeti myńǵa jýyq eńbek mıgranty ne is­tep júr? Al jergilikti jurt bir-biri­men ýáde­lesip qoıǵandaı aýyzdaryn qý shóp­pen súrtip, «jumys joq» dep jaıba­raqat otyr. Tegi kóp nárseniń tórkini ózimizdiń enjar­­lyǵymyzdan-aý.

 

Aqmola oblysy

 

Sońǵy jańalyqtar

Ystyq tamaq taratty

Qazaqstan • Keshe

Betperde kıgen kóktem

Tanym • Keshe

Uqsas jańalyqtar