Rýhanııat • 10 Qazan, 2019

«Tulǵa» syılyǵyn tapsyrý «Egemenniń» 100 jyldyq mereıtoıyna arnaldy

34 retkórsetildi

Jezqazǵanda qalanyń rýhanı ómirine serpin bergen saltanat – «Arqanyń Atymtaı jomarty» atanǵan belgili mesenat Bekzat Altynbekovtiń uıymdastyrýymen «Tulǵa» syılyǵyn tapsyrýǵa arnal­ǵan dúbirli kesh bolyp­ ótti. Mártebesi zor bul is-shara memleket jáne qoǵam qaırat­keri, aq­suńqar aqyn Sáken Seıfýl­lınniń 125 jyldyǵy men el gazeti «Egemen Qazaqstannyń» 100 jyldyq mereıtoılaryna arnaldy.

«Tulǵa» syılyǵyn tapsyrýǵa ar­nalǵan saltanatty qaýyshý alýan túrli is-sharany qamtyǵanyn aıta ketken jón. Jan-jaqtan kelgen qurmetti qonaqtar qala tórindegi Sáken Seıfýllın, Qanysh Sátbaev jáne Ketbuqa bı eskertkishterine taǵzym etip, gúlshoqtaryn qoıdy.

Este qalar kezdesýdiń biri jergilikti №8 mektep-gımnazııasynda boldy. Sara Ábdikerova syndy bilikti basshy jetekshilik etetin bilim uıasynyń ujymy bul sharaǵa tyń­ǵylyqty daıyndyqpen kelipti. «Egemen Qazaqstan» gazetiniń tarıhyna tereń úńilgen oqýshylar kórme uıym­dastyryp, teatrlandyrylǵan qo­ıy­­lymdar kórsetti. Arnaıy uıymdas­ty­rylǵan dóńgelek ústel sharasynda basy­lymnyń qazirgi tynys-tirshiligine baılanysty suraqtar qoıyp, olarǵa gazet bas­shylyǵy tarapynan tolyqqandy ja­ýaptar aldy. Kezdesý barysynda mektepte ótken «Egemen Qazaqstan» tarıhy – el tarıhy» atty aptalyqtyń qorytyndysy shyǵaryldy. Atap aıtqanda, «Ǵasyrlyq tarıhy bar «Egemen» tarıhy» ǵylymı praktıkalyq konferensııasynda jeńim­paz atanǵan 11-synyp oqýshysy Dılnaz Sabıtova, «Egemen el shejiresi» («Ege­men Qazaqstanǵa» – 100 jyl) esse baı­qaýynda top jarǵan 9-synyp oqýshysy Aq­nur Naqaı, «Deni saý urpaq – egemen eldiń bolashaǵy» saıysynda toǵyzqumalaqtan úzdik shyqqan 10-synyp oqýshysy Nuraılym Baızakesh, «Jyr arqaýy – «Egemen Qazaqstan» músháırasynyń jeńimpazy 11-synyp oqýshysy Arýjan Sáýlen, «Egemen Qazaqstan» – órleýdiń eńseli joly» atty ádebı-mýzykalyq kompozısııany qoıýshy qazaq tili men ádebıeti pániniń muǵalimi Baǵlan Dosjanova arnaıy syılyqtarmen marapattaldy.

Odan ári sharaǵa qatysýshylar Jez­qazǵandaǵy tarıhı-arheologııalyq mýzeıde bolyp, «Egemen Qazaqstan» ga­zetine – 100 jyl» atty kórmemen tanysyp, mysty ólke men qasıetti Ulytaý óńi­rine qatysty qundy jádigerlerdi tamashalady. «Halyqtar dostyǵy men mádenıeti» úıine at basyn tiregen qo­naq­­tarǵa kórsetilgen qurmet pen qo­she­mettiń saltanaty da aıryqsha kelis­ti boldy. Bekzat Qomarulynyń qol­ǵa alýymen Jezqazǵanda alǵashqy ret taǵaıyndalyp otyrǵan «Tulǵa» syı­lyǵy ár sala boıyn­sha usynylǵan úmit­kerlerdiń ishi­nen eń tańdaýly degen úz­dikterine berildi.

Saltanatty sáttiń betashary eń áýe­li nomınasııalyq ataýlyq syılyq­tar­dy tapsyrýdan bastaldy. El ómi­rin­degi bıylǵy jylǵy rýhanı jańalyqt­yń eleýlisi qazaq baspasóziniń qarasha­ńyraǵy «Egemen Qazaqstanǵa» 100 jyl­ tolǵaly otyr. Gazet toıymen 125 jyldyq mereıtoıy tuspa-tus kel­gen, «Eńbekshi qazaq» kezinde osy basy­lym­nyń jaýapty redaktory bolǵan Sáken Seı­fýllın atyndaǵy ataýly syı­lyq «Egemen Qazaqstannyń» Qaraǵan­dy ob­lysy boıynsha menshikti tilshisi, jýr­­nalıst Qaırat Ábildaǵa tapsyryl­dy. Osy basylymnyń Jambyl obly­syndaǵy tilshisi, jýrnalıst, aqyn Hamıt Esaman Alash kósemi Álıhan Bókeıhanov atyndaǵy ataýly syılyqqa ıe boldy.

Sonymen qatar Bilim berý isi­niń úzdigi Shabal Beısenbekova atyn­da­ǵy ataýly syılyqpen №8 mektep-gım­nazııasynyń dırektory Sara Ábdi­kerova, Qazaqstannyń Bilim berý isiniń úzdigi, Jez­­qazǵan qalasynyń qurmetti azamaty Núrııa Jumajanova atyndaǵy syı­lyq­pen №1 jalpy orta bilim beretin mekteptiń dırektory Ábdirahman Dosanov marapattaldy.

Qazaq teatr ónerinde qaıtalanbas qoltańbasyn qaldyrǵan talantty rejısser, Qazaqstannyń eńbek sińirgen qaı­ratkeri, «Tarlan» syılyǵynyń laýreaty Janat Hadjıev atyndaǵy syı­lyqty S.Qojamqulov atyndaǵy Jezqazǵan qazaq mýzykalyq-drama teatrynyń talantty akteri Kenjetaı Ábildın alsa, Qazaqstannyń halyq ártisi Dosjan Janbotaev atyndaǵy syılyqqa «Keıki mergen» serıalynda Keıkiniń rólin somdaǵan jas talant, Ǵ.Músirepov atyndaǵy balalar men jas­óspirimder teatrynyń akteri Darhan Sú­leımenov laıyqty dep tanyldy. M.Áýezov atyndaǵy Qazaq memlekettik akademııalyq drama teatrynyń beldi akteri Keńes Nurlanov atyndaǵy syılyq Q.Qýanyshbaev atyn­daǵy memlekettik akademııalyq mý­zy­kalyq-drama tea­trynyń akteri, Qa­zaqstannyń eńbek sińirgen qaı­ratkeri Boranbaı Moldabaevqa tabys etildi. Kezinde S.Qojamqulov atyndaǵy teatrda Qodar sııaqty kúrdeli obrazdardy somdap, qazir Qostanaı drama tea­trynyń tarlan akterine aınalǵan Qonys­pek Be­gaıdarov atyndaǵy syılyqqa Qos­tanaı teatrynyń talantty ónerpazy Oljas Begaıdar ıe boldy.

Teatr óneri tarlandarynyń biri Serik Bulǵaqbaev atyndaǵy ataýly syılyq S.Qojamqulov atyndaǵy teatrdyń jas talanty Nurjan Beıisbekovke buıyrdy. О́ner maıtalmany, «Qurmet» ordeniniń ıegeri Raıhan Ibraeva atyndaǵy syı­­lyq talantty aktrısa Zylıha Ábdi­ra­sylovaǵa tabys etildi.

Kelesi bir aıtýly marapattyń jóni bó­lek dese bolǵandaı. О́nerdiń tarlan tul­ǵasy, Qazaqstannyń eńbek sińirgen qaı­ratkeri, halyqaralyq «Tulpar» fes­tıvaliniń laýreaty Qaırat Kemalov atyndaǵy ataýly syılyqty mesenat­ bıyl alǵash ret belgilep otyr. Bul syı­­lyqqa J.Hadjıev atyndaǵy ha­lyq­­aralyq festıvaldyń laýreaty, S.Seı­fýllın atyndaǵy qazaq drama teatrynyń jas akteri Qýanysh Jaǵyparov laıyqty dep tanyldy. Laıyqty marapatyn óner­degi izbasaryna Qaırat Kemaluly óz qoly­men tapsyrdy.

Saltanatty shara odan ári «Tulǵa» syı­lyǵynyń ıegerlerin ulyqtaýǵa ulas­ty. Memlekettik saıasat pen ult­tyq múddeni ushtastyra otyryp, halqy­myzdy rýhanııat nárimen sýsyndatýda buqaralyq aqparat quraldarynyń aı­tar­lyqtaı mańyzy bar ekendigine daý joq. Ult aldyndaǵy úlken jaýap­ker­shilik júgin múltiksiz kóterip kele jatqan, ǵasyrlyq tarıhy bar el gazeti «Egemen Qazaqstan» basylymy «Tulǵa» syı­lyǵyna laıyqty dep tanylýy kóp­shiliktiń kóńilinen shyqty. Osyǵan oraı saltanatty sharaǵa qatysyp otyrǵan «Ege­men Qazaqstan» respýblıkalyq gazeti» AQ basqarma tóraǵasynyń orynbasary Erbolat Qamen sahna tórine shaqyryldy. Mártebeli syılyqty «Qurmet» ordeniniń ıegeri, Qaraǵandy obly­synyń qurmetti azamaty Muzaraf Ahanulynyń qolynan aldy.

Sondaı-aq «Tulǵa» syılyǵy bilim berý isiniń úzdigi, «Eren eńbegi úshin» medaliniń jáne «Qurmet» ordeniniń ıegeri, Sátbaev qalasynyń qurmetti azamaty Shabal Beısenbekova laıyqty dep tanyldy. Ardager ustazǵa mártebeli syı­lyǵyn qala ákiminiń orynbasary Zına Aqylbekova tabystaǵan soń, ıgi bastamaǵa uıytqy bola bilgen Bekzat Altynbekovke alǵys lebizin jetkizip, bul «Rýhanı jańǵyrý» baǵdarlamasy aıasyndaǵy aıtarlyqtaı shara bolǵanyna toqtaldy. «Tulǵa» syılyǵynyń kelesi ıegeri Qazaqstannyń eńbek sińirgen qaı­­ratkeri, Qazaqstannyń halyq ártisi, bıyl 70 jastyń jelkenin kergen Dosjan Jabotaev boldy.

Sahna tórine kóterilgen Qaraǵandy oblys­tyq máslıhatynyń depýtaty, oblystyq «Qoǵamdyq kelisim» ke­ńe­si­niń tóraǵasy, Nur Otan partııasy Saıa­sı keńesiniń múshesi Bekzat Al­tyn­­bekov qazaq án ónerine erekshe eń­bek sińirip júrgen ánshi, kompozıtor, aqyn, Qazaqstannyń eńbek sińirgen qaı­rat­keri Elena Ábdihalyqovaǵa 400 myń teń­gelik «О́ner grantyn» tapsyrýmen tar­landardy tańdap, ulyqtaý rásimi máresine jetti. Elena ánshi «Jez dalamdy ańsaımyn» áninen bastap birneshe óz týyndylaryn oryndap, kópshiliktiń yqylasyna bólendi.

Saltanatty oqıǵaǵa kýá bolǵan qa­ýym 15 jyldan beri qaıyrymdylyq is­teri­men aınalysyp kele jatqan mesenat Bekzat Altynbekovke «Bir qalanyń, bir aýdannyń sharýasyn bir ózi atqardy» degen baǵa berip, rızashylyq sezimin bildirdi.

 

Amandyq RAHULY,

Qazaqstannyń qurmetti jýrnalısi

 

Qaraǵandy oblysy,

Jezqazǵan qalasy

 

Banner
Sońǵy jańalyqtar

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Berdibek Saparbaev Aqtaý emhanalaryn aralady

Medısına • 11 Qazan, 2019

NZM IýNESKO syıaqysyna laıyq dep tanyldy

Qazaqstan • 11 Qazan, 2019

Oralda «LATYN FEST» jastar forýmy ótti

Aımaqtar • 11 Qazan, 2019

Uqsas jańalyqtar