Is-sharany «Halyq qazynasy» ǵylymı-zertteý ınstıtýtynyń bólim jetekshisi Aıbar Erlanuly sóz sóılep ashty. Dóńgelek ústelge UǴA akademıgi, antropolog-ǵalym Orazaq Smaǵulov, L.N.Gýmılev atyndaǵy EUÝ-niń professory Jambyl Artyqbaev, Ulttyq mýzeıden etnolog, tarıh ǵylymynyń kandıdaty Qarlyǵash Erǵazyqyzy, mýzeı pedagogıkasy jáne balalar shyǵarmashylyǵy bóliminiń jetekshisi Gaýhar Qasıqyzy, tarıh bóliminiń aǵa ǵylymı qyzmetkeri Syrym Serikqazyuly qatysyp, tulǵanyń zertteý eńbekterine jan-jaqty taldaý jasady. Akademık O.Smaǵulov eńbekteriniń ǵylymda alatyn ornyna keńinen toqtaldy. Professor J. Artyqbaev ǵalymnyń ómir joly men ǵylymı izdenisi jaıly áńgimeledi. Ǵalym H.Arǵynbaevtyń «Qazaq halqyndaǵy semıa men neke» kitabynyń qazaq etnografııasynda shoqtyǵy bıik eńbek ekendigin jáne qazaq tilinde jazylǵan alǵashqy etnografııalyq monografııa ekenin atap ótti.
Halel Arǵynbaevtyń «Qazaqtyń mal sharýashylyǵy» atty zertteý eńbeginiń de qazaq qoǵamy úshin orny bólek rýhanı qazyna ekeni aıtyldy. О́kinishke qaraı bul eńbek kóbine nazardan tys qalyp qoıyp jatady. Osy rette Ulttyq mýzeı qyzmetkerleri tarapynan ǵalymnyń qundy eńbegi aldaǵy ýaqytta memlekettik tapsyryspen qaıta basyp shyǵarylsa degen másele kóterildi. Ǵalymnyń izin jalǵaǵan shákirtteri etnograf-ǵalym týraly pikirlerin ortaǵa saldy.
Qarshyǵa KÚLEN
