Aımaqtar • 10 Qazan, 2019

Mańǵystaý oblysy Munaıly aýdanynda qoǵamdyq qabyldaý ótti

43 retkórsetildi

Munaıly aýdanynda «Nur Otan» partııasynyń ǵımaratynda qoǵamdyq qabyldaý ótti. Bul týraly Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń baspasóz qyzmetinen habarlady.

Azamattardy qabyldaýdy Munaıly aýdanynyń ákimi R.T.Eltızarov, Sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti basshysynyń birinshi orynbasary S.Qanybekov jáne Nur Otan partııasynyń Munaıly aýdany fılıaly tóraǵasynyń birinshi orynbasary M.B.Kamalov júrgizdi. 

Sharaǵa «Mańǵystaý – adaldyq alańy» jobalyq keńsesiniń ókilderi de qatysty.

Qabyldaýǵa túrli suraqtarmen 15 azamat júgindi. Qabyldaýǵa kelgen azamattardyń basym kópshiligi, ıaǵnı 8-i baspana máselesin kóterse, 3-ýi jer máselesin kótergen. Sonymen qatar qarjy, jumys surap kelgender de bar eken.

Baıandy selosynyń bir top turǵyny turǵylyqty jeri boıynsha gaz tartyp berý máselesin kóterse, aýdan turǵyny G.Buharbaeva ózine amanatqa qaldyrylǵan ulty qaraqalpaq, О́zbekstan azamaty bolyp esepteletin balanyń búginde qujatsyz, 22 jastaǵy azamat ekenin aıtyp, sheshilmegen daýly máselege qolushyn berýdi surap kelgen.

Barlyq aryz-shaǵymdar muqııat tyńdalyp, zań turǵysynda aqyl-keńester berildi.

 

 

Mańǵystaý oblysy

                          

 

 

 

 

Sońǵy jańalyqtar

iPhone 12 Pro renderi shyqty

Tehnologııa • Keshe

Uqsas jańalyqtar