Úkimet • 10 Qazan, 2019

Berdibek Saparbaev elordanyń birqatar sport jáne medısınalyq nysanyn tekserdi

34 retkórsetildi

Búgin Prezıdent Q.Toqaevtyń tapsyrmalaryn iske asyrý aıasynda Premer-Mınıstrdiń orynbasary Berdibek Saparbaev Nur-Sultan qalasyndaǵy birqatar sport jáne medısınalyq nysandy aralady. Bul týraly primeminister.kz habarlady. 

Vıse-premerdiń nysandardy aralaýy qalanyń eski medısınalyq mekemesi ‒ ortalyq temir jol aýrýhanasyn aralaýdan bastaldy, onyń korpýstary 60 jyl buryn salynǵan ári qatty eskirgen. Osy ýaqytta aýrýhanada bir ret te jóndeý jumystary júrgizilgen joq. Sonymen qatar, medısınalyq mekemede elordanyń halyq kóp ornalasqan aýdandarynyń biri — Saryarqa aýdanynyń turǵyndaryna qyzmet kórsetiledi.  

Ákimdik pen Densaýlyq saqtaý mınıstrligi bul máseleni 600 orynǵa arnalǵan jańa medısınalyq keshen salý arqyly sheshýdi josparlap otyr. Bolashaq qurylystyń ýchaskesi anyqtaldy. Memlekettik-jekemenshik seriktestik jobasyn iske asyrý úshin Túrkııadan ınvestor tartý josparlanýda.

Vıse-premer sondaı-aq qaterli isik aýrýlaryn emdeýge joǵary mamandandyrylǵan kómek kórsetetin Kópbeıindi medısınalyq ortalyqta boldy. Aldyńǵy jyldary onkologııalyq ortalyq «SQ-Farmasııa»-ǵa 1,3 mlrd teńge kóleminde qaryz bolyp qaldy. Bul jaǵdaıdy sheshý úshin arnaıy komıssııa quryldy.

Premer-Mınıstrdiń orynbasary jaýapty memlekettik organdarǵa medısınalyq ortalyqty naýqastardy emdeýge qajetti dári-dármektermen tolyqtaı qamtamasyz etýdi tapsyrdy.

Sonymen qatar Berdibek Saparbaev «Qazaqstan» sport kesheninde jáne «Tolqyn» olımpıadalyq rezervtegi mamandandyrylǵan balalar-jasóspirimder mektebinde boldy.

«Qazaqstan» SK 2001 jyly salynǵan, kúrdeli jóndeý jumystaryn júrgizý qajet. Búginde muz arenasy jumys isteıdi, biraq basseın apattylyǵyna baılanysty jabyq tur. Jalpy, nysan tolyq jańǵyrtýdy qajet etedi. Memlekettik-jekemenshik seriktestik aıasynda sheteldik ınvestordy tartý josparlanýda. Búginde qajetti rásimder oryndalyp jatyr. Kelesi jyly jumystar bastalady. Qurylysty 2023 jyly aıaqtaý josparlanyp otyr», — dedi elorda ákiminiń orynbasary Baqtııar Máken.

«Tolqyn» sport mektebiniń shatyry kúrdeli jóndeý jumystaryn talap etedi.

«Jobalyq-smetalyq qujattamany ázirleýge jergilikti bıýdjetten qarajat bólindi. Konkýrstyń jeńimpazy anyqtalǵannan keıin biz jumysqa kirisemiz. Jóndeý jumystaryn kelesi jyldyń qyrkúıegine deıin aıaqtaýǵa tyrysamyz», — dep sendirdi B. Máken.

Jumys saparynyń qorytyndysy boıynsha Berdibek Saparbaev Densaýlyq saqtaý mınıstrligi men qala ákimdigi aldyna birqatar mindet júktep, Memleket basshysynyń tapsyrmalaryn oryndaý Úkimettiń erekshe baqylaýynda ekenin atap ótti.

Aıta ketý kerek, Memleket basshysy jaqynda ótken elordany damytý jónindegi keńeste sporttyq nysandardyń qoljetimdiligin arttyrý jáne medısınalyq qyzmetterdiń sapasyn jaqsartý jóninde birqatar tapsyrmalar bergen bolatyn.

Sońǵy jańalyqtar

Abaı jolymen — Majar eline

Abaı • Búgin, 20:16

Qyzylordaǵa koronavırýs kelgen joq

Aımaqtar • Búgin, 19:47

Ádilet qana ádildikti aıyrady

Qoǵam • Búgin, 19:01

Elbasy Talǵat Donaqovty qabyldady

Qazaqstan • Búgin, 17:52

QHR azamattaryna vıza berý toqtatyldy

Úkimet • Búgin, 16:43

Qazaqstandyq bitimgerler - Úndistanda

Úkimet • Búgin, 16:20

Qazaq handyǵynyń 555 jyldyǵyna arnaldy

Aımaqtar • Búgin, 16:15

MÁMS boıynsha jıi qoıylatyn 10 suraq

Medısına • Búgin, 14:22

Ǵaryshtaǵy qoqys (vıdeo)

Vıdeo • Búgin, 13:08

Uqsas jańalyqtar