Aımaqtar • 10 Qazan, 2019

Temir urlaımyn dep tutyldy

347 ret

kórsetildi

1 mın

oqý úshin

Semeı qalalyq Polısııa basqarmasy baspasóz qyzmetiniń jetekshisi Elýbek Ospanovtyń aıtýynsha, kóp jaǵdaıda urlyq ataýlynyń jalǵyz sebebi, menshik ıeleriniń saqtyq tanytpaýlarynda eken. Keıde adamdar jeke zattaryn qaraýsyz qaldyra otyryp, ózderiniń beıqamsyzdyǵynan qylmystyń qurbany bolady. Qylmystyń bul túrin ashý jáne urlyq jasaǵan adamdardy anyqtaý óte qıyn. Sondyqtan mundaı faktilerge jol bermeý jáne óz múlkin saqtaý úshin barlyq sharalardy qabyldaǵan jón.

Raýshan QABJANQYZY

Semeıdegi M.Áýezov polısııa bólimine qala turǵyndarynan aryz tústi. Olardyń aıtýynsha, saıajaı úılerine urlyq túsken. Belgisiz kúdikti «Bobrovka» saıajaı úıiniń aýlasynan metall qubyrlaryn urlap ketken. Izdestirý sharalarynyń nátıjesinde esh jerde jumys istemeıtin 25 jastaǵy turǵyn ustaldy. Qaskúnem urlyq jasaǵanyn túsinip, urlanǵan metall qubyrlaryn metall qabyldaý pýnktine ótkizgenin, al túsken aqshany jumsap qoıǵanyn túsindirdi.

Quqyq qorǵaý organdarynyń qyzmetkerleri ustalǵan azamattyń saıajaı úılerinen jasalǵan úsh urlyqqa qatysy bar ekenin anyqtady. Keltirilgen shyǵyn somasy 30 myń teńgeni qurap otyr. Qazirgi ýaqytta QR QK 188-baby 2-bólimi boıynsha sotqa deıingi tergeý amaldary júrgizilýde.

Semeı