Úkimet • 10 Qazan, 2019

Úkimet basshysy Qalalyq týrızm boıynsha VIII jahandyq sammıttiń ashylýyna qatysty

40 retkórsetildi

Premer-Mınıstr Asqar Mamın Qalalyq týrızm boıynsha VIII jahandyq sammıttiń ashylýyna qatysty.

Úkimet basshysy BUU Dúnıejúzilik týrıstik uıymynyń (UNWTO) bas hatshysy Z.Pololıkashvılımen kezdesý ótkizdi, onda qalalyq basqarý, týrızmdi jáne «aqyldy qalalardy» damytý, Qazaqstan qalalarynyń básekege qabilettiligin arttyrý úshin aldyńǵy qatarly tehnologııalardy qoldaný máseleleri talqylandy.

Forýmnyń ashylý saltanatynda Asqar Mamın búginde týrızm úlesine álemdik JIО́-niń shamamen 10%-y, ınvestısııalardyń 7%-y, jumys oryndarynyń 10%-y jáne barlyq salyq túsimderiniń 5%-y tıesili ekenin atap ótti.

«Qazaqstannyń týrıstik sektory sońǵy 10 jylda orta eseppen 7%-ǵa ósti, bul ekonomıkanyń qalǵan bóligindegi ósý qarqynynan shamamen 3%-ǵa joǵary. Týrızm bizdiń ártaraptandyrýymyzdyń mańyzdy faktorlarynyń birine aınalýda ‒ bul salada óndirilgen JIО́ úlesi eki esege jýyq ‒ 2018 jyly 6% deıin ósti», — dedi Premer-Mınıstr.

A. Mamın Qazaqstannyń 2019-2025 jyldarǵa arnalǵan týrızm jónindegi memlekettik baǵdarlamasyn qabyldaǵanyn atap ótti, ol týrızmniń JIО́-degi úlesin 8%-ǵa deıin arttyrýdy jáne ony ekonomıkanyń jetekshi 5 salasynyń birine aınaldyrýdy qarastyrady. Baǵdarlamany iske asyrýǵa shamamen $4 mlrd baǵyttalady, onyń 70%-dan astamy — jeke ınvestısııalar. Týrıstik sektorda jumyspen qamtylǵan qazaqstandyqtardyń sanynyń ósýi 50%-ǵa 650 myń adamǵa deıin artady dep kútilýde, sheteldik týrıster aǵymy úsh ese artyp, 9 mln adamnan asady, bul Qazaqstandy álemdegi asa básekege qabiletti 50 týrıstik baǵyttyń qataryna qosady.

Qalalyq týrızmdi damytýdyń negizgi ortalyǵy bolyp Nur-Sultan qalasy aıqyndalǵan, ol Qazaqstannyń Tuńǵysh Prezıdenti Nursultan Nazarbaevtyń josparyn iske asyrý barysynda sońǵy 20 jyl ishinde aımaqtyq iri ekonomıkalyq, qarjylyq, kólik jáne mádenı ortalyqtardyń birine aınaldy. Qalanyń elimizdiń JIО́-ne qosqan úlesi 10%-dan asady, elordanyń negizgi kapıtalyna salynǵan ınvestısııalar 26 esege artyp, 9 trln teńgeden asty.

«Nur-Sultan qalasy ‒ sıfrlyq jáne zııatkerlik tehnologııalardy engizýdegi jetekshi kúsh. Eýropanyń aldyńǵy qatarly qalalarynyń sátti tájirıbesine negizdelgen «Aqyldy Astana» tujyrymdamasy bilim berý, densaýlyq saqtaý, kólik, kommýnaldyq qyzmet kórsetý, ınfraqurylym salalarynda ‒ jergilikti halyqtyń turmys sapasyna jáne kelýshilerdiń qalany qabyldaýyna áser etetin salalarǵa ozyq tehnologııalar men jasandy zerdeni engizýdi qarastyrady. Osy jetistikterdiń nátıjesinde qala aımaqtaǵy iskerlik jáne MICE-týrızminiń (kezdesýler, konferensııalar, kórmeler jáne t. b.) jetekshi ortalyǵy retinde tanylýda», — dedi A. Mamın.

Qalalyq týrızm boıynsha jahandyq sammıt jylyna bir ret, BUU Dúnıejúzilik týrıstik uıymynyń (UNWTO) talaptaryna sáıkes tańdalǵan qalada ótkiziledi.

Bıylǵy shara «Aqyldy qalalar, aqyldy baǵyttar» taqyrybynda ótedi, oǵan álemniń 30 elinen 700-ge jýyq adam, týrızm ındýstrııasynyń mamandary, Indonezııanyń qoǵamdyq jumystar jáne turǵyn úı qurylysy mınıstri, Ankara, Tallın, Islamabad, Qazan, Tashkent, Samarqand, Tokmok merleri, 25 qalanyń – Malaga, Helsınkı, Bangkok jáne t. b. elderdiń vıse-merleri qatysady.

Qazaqstan astanasy 2018 jyldyń mamyr aıynda UNWTO úlestes músheleri baǵdarlamasynyń quramyna qosyldy. Buǵan deıin forým týrızmniń damý deńgeıi jalpy álemdik kórsetkishterden asatyn iri qalalarda ótti, atap aıtsaq: Ystambul, Máskeý, Barselona, Marrakesh, Lıýksor, Kýala-Lýmpýr, Seýl.

Sońǵy jańalyqtar

Eń qysqa áńgime. Oljas Sándibek

Eń qysqa áńgime • Búgin, 17:13

Eń qysqa áńgime. Talǵat Eshenuly

Eń qysqa áńgime • Búgin, 17:09

Eń qysqa áńgime. Nurdáýlet Qabasov

Eń qysqa áńgime • Búgin, 17:08

Eń qysqa áńgime. Ǵanıbet Ǵalymbekuly

Eń qysqa áńgime • Búgin, 17:02

Eń qysqa áńgime. Ermek Begzada

Eń qysqa áńgime • Búgin, 16:56

Eń qysqa áńgime. Nurnazar Túrikben

Eń qysqa áńgime • Búgin, 16:41

MMA: Otandastarymyz oljaǵa keneldi

Sport • Búgin, 12:57

Qazaqstanda aıtarlyqtaı kún sýytady

Qazaqstan • Búgin, 11:52

Kúlki kerýeni № 15

Rýhanııat • Búgin, 09:53

Shyńǵyrlaýda temir jol kópiri salyndy

Aımaqtar • Búgin, 09:15

Kishkene oqyrmandarǵa estelik

Rýhanııat • Búgin, 07:26

Málik ónegesi – máńgilik

Aımaqtar • Búgin, 07:21

Oıqala oǵlany

Aımaqtar • Búgin, 07:18

Álem kýbogy kimge buıyrady?

Kúres • Búgin, 07:10

San-Marıno da gol saldy

Fýtbol • Búgin, 07:07

Sortań jer sharýashylyq sory

Ekologııa • Búgin, 06:57

Altyn astyq qambaǵa tolyq quıyldy

Aımaqtar • Búgin, 06:54

Morales boı tasalaýǵa májbúr

Álem • Búgin, 06:43

Mysyqtabandap mııa julǵandar kóbeıdi

Ekologııa • Búgin, 06:36

Qarataý nege qaharly?

Qoǵam • Búgin, 06:32

Saǵynyshty jyldar men joldar

100 • Búgin, 06:31

Qazaqtyń qoǵamdyq akademııasyna aınaldy

Rýhanııat • Búgin, 06:28

«El úmiti» senim uıalatty

Aımaqtar • Búgin, 06:25

Uqsas jańalyqtar