Úkimet • 10 Qazan, 2019

Asqar Mamın Mońǵolııa Premer-Mınıstrimen kelissózder júrgizdi

68 retkórsetildi

Premer-Mınıstr Asqar Mamın Qazaqstanǵa resmı saparmen kelgen Mońǵolııa Premer-Mınıstri Ýhnaagıın Hýrelsýhpen kelissózder ótkizdi. Bul týraly Úkimettiń baspasóz qyzmeti habarlady. 

Taraptar saýda-ekonomıkalyq, tranzıttik-kólik, aýyl sharýashylyǵy, taý-ken, mádenı-gýmanıtarlyq salalardaǵy yntymaqtastyqty odan ári damytý, sondaı-aq aımaqtyq jáne halyqaralyq uıymdar aıasyndaǵy ózara is-qımyl máselelerin talqylady.

«Qazaqstannyń Tuńǵysh Prezıdenti N. Nazarbaevtyń saıasatynyń arqasynda Qazaqstan-Mońǵol qatynastarynyń ilgerilemeli damýynyń negizi qalandy. Prezıdent Q. Toqaev syrtqy saıasattaǵy sabaqtastyqty ustana otyryp, Mońǵolııamen yntymaqtastyqty tıimdi damytýǵa basa mán beredi», — dedi A. Mamın.

О́z kezeginde Ý. Hýrelsýh Qazaqstannyń Azııadaǵy jáne jalpy halyqaralyq arenadaǵy bedelin atap ótti.

«Biz halyqtarymyz ben memleketterimiz arasyndaǵy yntymaqtastyqty odan ári damytýǵa jáne ony sapaly jańa deńgeıge shyǵarýǵa qyzyǵýshylyq tanytamyz», — dedi ol.

Úkimet basshylary ózara taýar aınalymyn odan ári arttyrýdyń mańyzdy áleýetin atap ótti, ol 2018 jyly $80 mln qurady. Taý-ken ónerkásibindegi, qurylys, mal sharýashylyǵynyń daıyn ónimin, kashemır, bylǵary shyǵarý jáne qaıta óńdeý, tranzıttik-kólik salasyndaǵy yntymaqtastyqty tereńdetý, sondaı-aq, halyqaralyq avtomobıl tasymaldary úshin qolaıly jaǵdaı jasaý týraly ShYU kelisimi aıasynda eki el arasyndaǵy qatynasty jandandyrýdy qosa alǵanda, ózara is-qımyl keleshegine erekshe kóńil bólindi.

A. Mamın Qazaqstan Respýblıkasy men Mońǵolııanyń 2021-2024 jyldarǵa arnalǵan saýda-ekonomıkalyq yntymaqtastyǵyn belsendirý jónindegi Jol kartasynyń jobasyn ázirleýdi usyndy.

«Saýda-ekonomıkalyq yntymaqtastyqty qos taraptan da arttyrý arqyly ekijaqty saýdanyń barlyq áleýetin ashý qajet. Qazaqstandyq tarap Mońǵolııa naryǵyna Qazaqstannan jetkizile alatyn 100 áleýetti taýardy qamtyǵan tizimdi ázirledi», — dedi QR Premer-Mınıstri.

A. Mamın Nur-Sultannyń Ulan-Batyrmen qarym-qatynasyndaǵy mańyzdy baılanystyrýshy faktor Mońǵolııadaǵy qazaq dıasporasy ekenin atap aıtty — 120 myńnan astam qazaqtyń 90 myńy Baıan-О́lgeı aımaǵynda turady. Premer-Mınıstr turaqty negizde birlesken mádenı jáne sporttyq is-sharalar ótkizý, shyǵarmashylyq ujymdarmen jáne ǵylymı mekemelermen almasý qajettigin aıtty.

Úkimet basshysy aldaǵy eki jylda Qazaqstanda Mońǵolııanyń Mádenı kúnderin jáne Mońǵolııada osyndaı kúnderdi ótkizýdi, sondaı-aq, О́lgeı qalasynda Abaı Mádenı ortalyǵyn ashý múmkindigin qarastyrýdy usyndy. 

Kelissózder qorytyndysy boıynsha eki eldiń Úkimet basshylarynyń qatysýymen kelesi birqatar qujatqa: 

  • Qazaqstan Respýblıkasy men Mońǵolııa arasyndaǵy 1993 jylǵy 22 qazandaǵy azamattyq jáne qylmystyq ister boıynsha ózara quqyqtyq kómek týraly kelisimshartqa ózgerister engizý týraly hattamaǵa; 

  • terrorızmge qarsy kúres salasyndaǵy yntymaqtastyq týraly úkimetaralyq kelisimge; 

  • Qazaqstan Respýblıkasynyń Bilim jáne ǵylym mınıstrligi men Mońǵolııanyń Bilim, mádenıet jáne ǵylym mınıstrligi arasyndaǵy bilim berý, ǵylymı dárejeler men ataqtar týraly qujattardy ózara moıyndaý týraly Kelisimge; 

  • Qazaqstan Respýblıkasynyń Bilim jáne ǵylym mınıstrligi men Mońǵolııanyń Bilim, mádenıet jáne ǵylym mınıstrligi arasyndaǵy 2008 jylǵy 6 tamyzdaǵy bilim berý salasyndaǵy yntymaqtastyq týraly Kelisimge ózgerister men tolyqtyrýlar engizý týraly hattamaǵa; 

  • Qazaqstan Respýblıkasy Aýyl sharýashylyǵy mınıstrliginiń Veterınarlyq baqylaý komıteti men Bas veterınarlyq basqarma – Mońǵolııa Úkimetiniń Atqarýshy agenttigi arasyndaǵy veterınarlyq baqylaý men qadaǵalaý salasyndaǵy memorandýmǵa;

  • Nur-Sultan qalasy men Ulan-Batyr qalasynyń arasyndaǵy baýyrlastyq qatynastardy ornatý týraly kelisimge; 

  • Mońǵolııanyń ósimdik sharýashylyǵy jáne eginshilik ınstıtýty men A. Baraev atyndaǵy ǵylymı-óndiristik astyq sharýashylyǵy ortalyǵy arasyndaǵy yntymaqtastyq týraly kelisimge qol qoıyldy. 

Mońǵolııa úkimeti basshysynyń Qazaqstanǵa resmı sapary aıasynda eki eldiń iskerlik toptary ókilderiniń qatysýymen Qazaqstan-Mońǵolııa bıznes-forýmyn ótkizý, «Astana» halyqaralyq qarjy ortalyǵy men Halyqaralyq jasyl tehnologııalar ortalyǵyna barý josparlanǵan.

Sońǵy jańalyqtar

«Eńbekshi qazaq» basqarmasy

100 • Búgin, 07:09

Azamattyq ustanymym qalyptasty

100 • Búgin, 07:05

Taralym hám qaralym

100 • Búgin, 06:55

«Egemen» esten shyqpaıdy

100 • Búgin, 06:47

Qandastarǵa qamqorlyq jasaǵan

100 • Búgin, 06:42

Tarhan tekti redaktor

100 • Búgin, 06:40

Júz jyl

100 • Búgin, 06:27

Jaqsy dástúr jalǵasa beredi

100 • Búgin, 06:22

Ushqyr oılar ushqyndary

100 • Búgin, 06:11

Úlken joldyń úzikteri

100 • Búgin, 05:58

Investısııa – damý dańǵyly

Aımaqtar • Búgin, 05:49

Yntymaqtastyq máseleleri qaraldy

Qoǵam • Búgin, 05:43

Ǵasyrlyq shejire ǵıbraty

100 • Búgin, 05:39

Tapa tal tústegi qaraqshylyq

Aımaqtar • Keshe

Dombyradan tegin dáris berip júr

Rýhanııat • Keshe

Arymas abyroı

Rýhanııat • Keshe

Kóneden kelgen kónek

Rýhanııat • Keshe

Uqsas jańalyqtar