Aımaqtar • 10 Qazan, 2019

Túrkistan: para usyný derekteri áli de kezdesýde

86 retkórsetildi

Túrkistan oblysynda bıylǵy 9 aıda laýazymdy tulǵalarǵa para berý faktisi boıynsha 7 qylmystyq is tirkelip, onyń 5-ýi sotqa joldanǵan. Qylmystyq ister boıynsha búgingi kúni sot úkimimen 3 tulǵaǵa qatysty aıyptaý jazalary qoldanylǵan.

Bul týraly óńirlik kommýnıkasııalar qyzmetinde ótken brıfıngte Sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti basshysynyń birinshi orynbasary Ǵanıjan Asanuly málimdedi.  

«Jeke tulǵalardyń zańsyz materıaldyq syıaqy berýi Qylmystyq kodekske sáıkes, 3 jylǵa deıingi merzimge bas bostandyǵynan aıyrý jazasy qoldanylady. Memlekettik mekemeden qyzmet alǵany úshin, qyzmetshige para bermeý kerektigin árbir azamat bilýi tıis. Al qyzmet berýshi para talap etse, ol jaǵdaıda Agenttiktiń 1424 koll ortalyǵyna habarlaý kerek», – dedi Ǵ. Asanuly.

Oblys kóleminde sybaılas jemqorlyq kórinisteriniń aldyn alý maqsatynda 505 myńnan astam adamdy qamtyǵan 2 537 is-shara uıymdastyrylǵan. Sonyń ishinde 1908-i – bilim berý uıymdaryndaǵy biryńǵaı saǵattar. Búginde oblys boıynsha kórsetilgen memlekettik qyzmetterdiń elektrondy túrdegi úlesi 88%-dy qurap otyr. Alaıda, ótkizilip jatqan sharalarǵa qaramastan, azamattar arasynda para usyný derekteri áli de kezdesýde.

Ǵanıjan Asanulynyń aıtýynsha, keıbir azamattar departament qyzmetkerlerine beremiz degen syltaýmen  mekemeniń qyzmetkerlerinen aqsha jınaıdy eken. Sondaı-aq, brıfıng barysynda oblystaǵy barlyq memlekettik organdar qamtylǵan #Paraberme chelendjiniń kıeli óńirde bastaý alǵandyǵyn aıtyp, oǵan barsha azamattardy belsendi túrde qatysýǵa shaqyrdy.

 

Túrkistan oblysy

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar