Aımaqtar • 10 Qazan, 2019

Qaskeleńde Qarasaı batyrǵa eńseli eskertkish qoıyldy

49 retkórsetildi

Almaty oblysy Qarasaı aýdanynyń 90 jyldyǵyn merekeleý aıasynda Qaskeleń qalasyndaǵy ortalyq alańǵa dańqty Qarasaı batyrdyń 11 metrlik eńseli eskertkishi turǵyzyldy. Eskertkish jergilikti mesenattar men kásipkerlerdiń qoldaýymen jasaldy. Onyń ashylý saltanatyna oblys ákimi Amandyq Batalov qatysty. Bul týraly Almaty oblysy ákiminiń baspasóz qyzmeti habarlady.   

Aýdan turǵyndary men qonaqtaryn quttyqtaǵan oblys ákimi A. Batalov:

- Elbasynyń «Rýhanı jańǵyrý: bolashaqqa baǵdar» atty baǵdarlamalyq maqalasy sheńberinde oblysta tarıhı qundylyqtarymyzdy saqtaýǵa, uly tulǵalarymyzdyń esimin qurmetteýge baǵyttalǵan aýqymdy sharalar atqarylýda. Búgin, mine, Qarasaı aýdanynyń 90 jyldyǵyna oraı aty ańyzǵa aınalǵan qaharman Qarasaı batyrǵa arnap eskertkish ashyp otyrmyz. Bul keıingi jastardy eljandylyqqa tábıeleýge qosylǵan úlken úles dep bilemiz, - dedi óz sózinde.  

Budan soń Olımpıada chempıony, Qazaqstannyń Eńbek Eri Jaqsylyq Úshkempirov jáne aýdan turǵyndary men qonaqtary mereıli merekemen kópshilikti quttyqtap, aýdanda jasalyp jatqan ıgi isterdi, sonyń ishinde Qarasaı aýdanynyń áleýmettik-ekonomıkalyq damýyndaǵy demeýshi mesenat azamattardyń eleýli eńbegin de atap ótti.  

Bata berilip, eskertkishtiń shymyldyǵy túsirildi, kópshilik batyrǵa taǵzym etip, gúl shoqtaryn qoıdy.

Atap ótsek, eskertkishtiń avtory - Núrken Dáýkenov. Eskertkish qoladan jasalǵan, Qaskeleńniń ortalyq alańyna qoıyldy. Jalpy bıiktigi – 11 metr.

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar