Prezıdent • 10 Qazan, 2019

Prezıdent Aqtaýda Ábish Kekilbaıulyna qoıylǵan eskertkishti ashty

197 retkórsetildi

Mańǵystaýǵa jumys saparymen kelgen Qazaqstan Prezıdenti Qasym-Jomart Toqaev halyq jazýshysy, ádebıet alyby Ábish Kekilbaıulyna qoıylǵan eskertkishti ashty dep habarlaıdy QazAqparat tilshisi.

Saltanatty rásimde sóılegen sózinde Memleket basshysy Mańǵystaý óńiriniń qadir-qasıetin erekshe aıtyp ótti.

«Mańǵystaý – jeti jurt kelip, jeti jurt ketken jer atanǵany barshaǵa málim. Ertede osy óńirden Eýropa men taıaý shyǵysqa Uly Jibek joly jalǵasqanyn bilemiz. Bul ólke Kaspıı teńizi arqyly elimizdi 4 memleketpen baılanystyryp tur. Toǵyz joldyń torabyndaǵy oblys qaı jaǵynan alsaq ta mańyzy zor aımaq. Mádenı jádigerleri mol, osy óńirdi aspan astyndaǵy murajaı deýge bolady. Bul - pir Beket, Shaqpaq ata, Shopan ata babalarymyz ómir súrgen jer. Mańǵystaý - 362 áýlıeniń mekeni», - dedi Qasym-Jomart Toqaev.

Onyń aıtýynsha, búgin rýhyn ulyqtap otyrǵan Ábish Kekilbaı - adamzattyq bolmystyń joǵary deńgeıine kóterilgen birtýar tulǵa, qazaq halqynyń uly perzenti.

«Halyqtyń maqtanyshyna aınalǵan azamattardyń esimin jadymyzdan shyǵarmaý – barshamyzdyń paryzymyz. Elbasynyń «Shirkin-aı, osyndaı qazaq kóbirek bolsa eken», dep Ábish aǵaǵa rızashylyǵyn bildirýi tegin emes. Zııaly qaýym oǵan aıryqsha qurmet kórsetip, qazaqtyń mańdaıy dep atady. Ábish Kekilbaev - «Qazaqstannyń eńbek eri» ataǵyn alǵan tuńǵysh qalamger», - dedi Memleket basshysy.

Aqtaý qalasyndaǵy 19A shaǵyn aýdanda boı kótergen eskertkishtiń avtory - músinshi, sýretshi Kósher Baıǵazıev. Eskertkish qoladan turǵyzylǵan. Bıiktigi – 3,5 metr. Salmaǵy - 3,5 tonna. Músin tuǵyrynyń bıikti – 2,4 metr. Qurylys jumystary 2019 jyly mamyrda bastalǵan. Quny 48 mln teńge bolatyn jobanyń demeýshisi - NCOC kompanııasy.

Aıta keteıik, bıyl ádebıetimizdiń alyp báıteregi Ábish Kekilbaıulynyń týǵanyna 80 jyl toldy. Osyǵan oraı, abyzdyń týyp-ósken jeri Mańǵystaýda mereıtoı halyqaralyq deńgeıde toılanbaq. Respýblıkanyń túkpir-túkpirinen qalamgerdiń zamandastary, aqyn-jazýshylar, qoǵam qaıratkerleri - barlyǵy 100-ge jýyq adam arnaıy qatysady dep kútilýde. Sonymen qatar búgin Abaı atyndaǵy mádenı-demalys kesheninde Ábish Kekilbaıulynyń 80 jyldyǵyna arnalǵan sharalardyń resmı ashylý saltanaty bolady. Oǵan Mádenıet jáne sport mınıstri Aqtoty Raıymqulova qatysady dep josparlanǵan.

Eske sala keteıik, búgin Memleket basshysy Qasym-Jomart Toqaev jumys saparymen Aqtaýǵa keldi.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar