Parlament • 11 Qazan, 2019

Turǵyn úı sharýashylyǵynan shashaý shyqpaýy tıis

25 retkórsetildi

Parlament Senatynyń Tóraǵasy Darıǵa Nazarbaevanyń tóraǵalyǵymen ótken palatanyń kezekti jalpy otyrysynda negizinen turǵyn úı-kommýnaldyq sharýashylyq máseleleri jan-jaqty talqylandy.

PIK qyzmetiniń ashyqtyǵy artady

Alqaly jıynnyń kún tártibinde aldymen «Qazaqstan Respýblıkasynyń keıbir zańnamalyq aktilerine turǵyn úı-kommýnaldyq sharýashylyq máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy. Bul qujattyń jaı-japsarymen Indýstrııa jáne ınfraqurylymdyq damý mınıstriniń mindetin atqarýshy Qaıyrbek О́skenbaev tanystyrdy. Onyń aıtýynsha, zań jobasy atalǵan saladaǵy máselelerdi sheshýge, zańnamany jetildirýge baǵyttalǵan.

– Zań jobasynda, birinshiden, «Bir úı – bir birlestik – bir shot» qaǵıdasy boıynsha jańadan «múlik ıeleriniń birlestigi» kommersııalyq emes uıymyn qurý arqyly basqarý organdarynyń qyzmetin retteý qarastyryldy. Usynylǵan prın­sıp – ár úıdi basqarýdyń jeke tásili. Múlik ıeleriniń árbir birlestigi ózderi­niń aǵymdaǵy jáne jınaq shottaryn ashady. Atalǵan shara páter ıeleri koope­ratıvteri jáne basqarýshy kompanııa­lar tarapynan qyzmetter men tarıfterdi tur­ǵyndarǵa kúshtep tańýdy joıýǵa yq­pal etedi jáne qarjylarynyń ashyq jumsalýyn qamtamasyz etedi. Sondaı-aq turǵyndarǵa basqarý tásilin, ıaǵnı ózderiniń basqarý organdaryn nemese basqarýshy kompanııalardy tańdaý quqy­ǵyn jasaýǵa múmkindik beredi. Bas­qa­rýshy kompanııalar kelisimshart negizinde tartylady, – dedi mınıstrlik ókili.

Buǵan qosa zań jobasynda kondomınıým nysanynyń ortaq múlkine kúrdeli jóndeý júrgizýdiń jańa tetigin engizý eskerilgen. Bul turǵyndarǵa qarajattyń túsýin jáne maqsatty jumsalýyn baqylaý ar­qyly ózderiniń úıine ǵana kúrdeli jón­deýge qarajat jınaýǵa múmkindik bere­di. Kúrdeli jóndeý júrgizýge qara­jat jınaqtaý jáne jeńildetilgen qaryz alý mehanızmi ázirlendi. Bul she­maǵa jergilikti atqarýshy organdar da qatysady. Olar basqarý organynyń ótinishi boıynsha kúrdeli jóndeý júrgizý qajettiligi týraly sheshim qabyldaıdy, jobalyq-smetalyq qujattamany ázir­leýdi uıymdastyrady, tehnıkalyq tekserý jáne energııa aýdıtin júrgizedi.

Bul qujatta basqarý organdary qyz­metiniń ashyqtyǵyn arttyrýǵa, tur­ǵyn úı-kommýnaldyq sharýashylyǵyn sıfr­landyrýǵa baǵyttalǵan normalar usy­nylady.

Sonymen qatar turǵyn úı qurylys kooperatıvterin jetildirý jaǵy da nazardan tys qalǵan joq. Kooperatıv tek bir ǵana kóp páterli turǵyn úı úshin qurylady. Onyń músheleriniń sany páterlerdiń sanynan aspaýy tıis.

Baǵdarlamany iske asyrýdy ilgeriletedi

Jalpy otyrysta «Qazaqstan Respýb­lıkasynyń keıbir zańnamalyq aktile­rine agroónerkásiptik keshendi retteý máse­leleri boıynsha ózgerister men tolyqtyrýlar engizý týraly» zań jobasy qabyldandy. Bul zań jobasy Agroónerkásiptik keshendi damytýdyń 2017-2021 jyldarǵa arnalǵan memle­ket­tik baǵdarlamasyn iske asyrýdy ilgeriletýdi jáne memlekettik saıasattyń tıimdiligin arttyrýdy kózdeıdi. Onda 13 kodeks pen 29 zańǵa ózgerister men tolyqtyrýlar engizý qarastyryldy. Bul týraly Parlament Senatynyń Agrarlyq máseleler, tabıǵatty paıdalaný jáne aýyldyq aýmaqtardy damytý komıtetiniń múshesi Dúısenǵazy Mýsın keńinen aıtyp berdi.

– Usynylǵan ózgerister men to­lyqtyrýlar aýyl sharýashylyǵyn qar­jylandyrýdyń qoljetimdiligi, fıto­sa­nıtarlyq jáne veterınarııalyq qaýipsizdikti qamtamasyz etý, veterına­rııa men agrarlyq ǵylymdy damytý, ákimshilik kedergilerdi joıý, ósimdikter men janýarlar dúnıesin saqtaý jáne damytý jónindegi jańa normalardy engizýdi alǵa tartady. Orman jáne sý sharýashylyǵyn, erekshe qorǵalatyn tabıǵı aýmaqtardy damytý boıynsha ózgerister, sondaı-aq Qazaqstan zańnamasyn EAEO normatıvtik-qu­qyqtyq aktilerine sáıkes keltirýge baǵyt­talǵan ózgerister qarastyrylǵan. Agro­ónerkásiptik keshende erikti saqtan­dyrýǵa kóshý, jer resýrstaryn, ásirese aýyl sharýashylyǵy maqsatyndaǵy jerlerdi utymdy paıdalaný, aýyl sharýashylyǵy salasyndaǵy kadr daıarlaý júıesin jetildirý usynylǵan. Zań jobasynda kózdelip otyrǵan ózgerister zańnamalyq bazany jetildire otyryp, eńbek ónimdiligin eseleýge, sondaı-aq óńdelgen ónim eksportyn ulǵaıtý ar­qyly agroónerkásip salasynyń básekege qabilettiligin arttyrýǵa qolaıly múm­kindikter qalyptastyrý kútilýde, – dedi D.Mýsın.

Prezıdent Qasym-Jomart Toqaevtyń Joldaýynda brakonerlikke qarsy shuǵyl is-sharalardy qabyldaýdy tapsyr­ǵan edi. Osy másele atalǵan zań joba­synda eskerildi. Iаǵnı, qu­jatta ja­nýarlar men ósimdikter álemi sala­syndaǵy brakonerlik má­se­le­leri bo­ıynsha ákimshilik jáne qylmys­tyq zańnamalardyń normalary qatańdatyldy.

Ǵulama murasyn zertteıtin ǵylymı ortalyq kerek

Agroónerkásiptik keshendi retteýge qatysty kún tártibinde talqylanǵan zań jobasyna qosa, birqatar senator ózderiniń depýtattyq saýaldaryna aýyl sharýashylyǵyn damytý máselelerin arqaý etti. Aıtalyq, Rashıt Ákimov Premer-Mınıstrge baǵyttalǵan saýa­lynda aýyl sharýashylyǵyn tolyq qarjylandyrmaý máselesin kóterse, Erik Sultanov aýyldyq jerlerdi tıimdi damytý jáne ekonomıkalyq turǵydan keleshegi bar aýyldarda resýrstardy shoǵyrlandyrýǵa múmkindik beretin «Eńbek» memlekettik baǵdarlamasyn jetildirýdi surady. Al Álı Bektaev shetelge mal satýǵa narazylyq bildirdi.

Sonymen qatar Úkimet basshysyna joldanǵan saýaldardyń birinde Ábý Nasyr ál-Farabıdiń 1150 jyldyq mereıtoıy qarsańynda sheshimin tappaǵan mańyzdy máseleler aıtyldy. Bul týraly senator Álimjan Qurtaev sóz qozǵady. Onyń aıtýynsha, Damask qalasyndaǵy Ábý Nasyr ál-Farabı babamyzdyń mavzoleıiniń qurylysy aıaqtalǵan. Alaıda qazirgi ýaqytta mavzoleı Qazaqstannyń da, Sırııanyń da qaraýynda emes. Ál-Farabı babamyzdyń mavzoleıi resmı túrde zańdy sheshimin taýyp, paıdalanýǵa berilýi kerek. Buǵan qosa depýtat ál-Farabıdiń Iranda, Túrkııada, Sırııada jáne Eýropa elderinde jatqan áli beımálim barlyq eńbekterin jınastyryp, qazaq, orys jáne aǵylshyn tilderine aýdaryp, tolyq shyǵarmalar jınaǵyn shyǵarýdy, memleket esebinen ǵulamanyń murasyn tereń zertteıtin ǵylymı ortalyq ashýdy, Uly oıshyldyń týǵan jeri Otyrar-Túrkistan óńirinde ál-Farabı mırasyn jańǵyrtý boıynsha keshendi is-sharalardy qolǵa alýdy usyndy. Sondaı-aq Ábý Nasyr ál-Farabı muralaryn nasıhattaý aıasynda kórkem jáne derekti fılmder túsirý, onyń eńbekterin oqý baǵdarlamalaryna engizý máseleleri kóterildi.

Senator Nurtóre Júsip Premer-mınıstrdiń orynbasary Berdibek Sapar­baevqa baǵyttaǵan saýalynda medısına qyzmetkerlerin daıarlaý salasyndaǵy máselelerge alańdaýshylyq bildirdi.

– Jyl saıyn medısına salasyna joǵary oqý oryndaryn bitirgen júzdegen jas maman keledi. Solardyń kóbisiniń qajetti bilimi men daǵdysy, dárigerlik mashyǵy nashar. Olardyń kóbisi derbes jumys isteýge ázir bolmaı shyǵady. Operasııa stolynda bir sát turyp kórmegen, ozyq tehnıkamen jumys isteýdi bilmeıtin tájirıbesiz mamannan ne kútýge bolady? Tipti ıneniń ózin durys shanshı almaıtyndar kezdesedi. Sebepsiz saldar bolmaıdy. Tıisti salaǵa mamandanbaǵan joǵary oqý oryndarynda dárigerlerdi daıarlaý isine jol berip otyrmyz. Eldegi birqatar pedagogıkalyq, jekemenshik ýnıversıtetter dáriger kadr­laryn oqytýǵa kóshti. Basqa salada eksperıment jasaýǵa bolatyn shyǵar, biraq dál medısına salasynda mundaı eksperıment jasaýǵa bolmaıdy. Dárigerlerdi tek qana osy salaǵa baǵdarlanǵan, tereń tarıhy men zamanaýı múmkindigi zor, burynnan qalyptasqan  ýnıversıtetterde ǵana oqytý qajet dep esepteımin, – dedi N.Júsip.

Jalpy jıynda on depýtat Úkimet múshelerine ózderiniń depýtattyq saýaldaryn jarııa túrde joldady.

 

Banner
Sońǵy jańalyqtar

Elıtaly kezeńge joldama aldy

Sport • Búgin, 09:58

Eki qola medal enshiledi

Boks • Búgin, 09:57

«Barystyń» qarqyny qatty

Hokkeı • Búgin, 09:52

Kıprdi de jeńe almadyq...

Fýtbol • Búgin, 09:51

Galbadrah bolmasa qaıter edik?!

Sport • Búgin, 09:49

«Qara altyndy» qapysyz aǵyzǵan

Qazaqstan • Búgin, 09:44

Qyz áýlıe

Rýhanııat • Búgin, 09:34

Qaıtalanbas qymyz dámi

Qazaqstan • Búgin, 09:33

Rýhanı jańǵyrǵan aýyl

Rýhanııat • Búgin, 09:28

Ekijaqty kelisimge qol qoıyldy

Qazaqstan • Búgin, 09:26

Tálim men tájirıbe ushtasqan uıa

Qazaqstan • Búgin, 09:10

Jambyldyqtardyń jarqyn jobasy

Aımaqtar • Búgin, 08:36

Joshy ulysynyń joǵalǵan shaharlary

Rýhanııat • Búgin, 08:31

Úılestirý keńesiniń kezekti basqosýy

Qazaqstan • Búgin, 08:27

Túgel túrkini túgendegen

Álem • Búgin, 08:20

Katonqaraǵaıdy qalaı saqtap qalamyz?

Qazaqstan • Búgin, 08:12

«Dostastyq vızasyn» engizýdi usyndy

Prezıdent • Búgin, 08:03

Taldyqorǵanda 5 myń aǵash otyrǵyzyldy

Aımaqtar • 12 Qazan, 2019

Keı óńirlerde aýa-raıy ózgeredi

Aımaqtar • 12 Qazan, 2019

Eń qysqa áńgime. Iesiz zyndan. Dıdar AMANTAI

Rýhanııat • 12 Qazan, 2019

Eń qysqa áńgime. Islam Qabyluly

Rýhanııat • 12 Qazan, 2019

Senatorlar senbilikke shyqty

Qazaqstan • 12 Qazan, 2019

Uqsas jańalyqtar