Aımaqtar • 11 Qazan, 2019

Mine, naǵyz agronom!

218 retkórsetildi

Kegen aýdanyndaǵy Qarqara aýylynda Izteleý Núsipqojaev atty azamat turady. Ony jergilikti jurt tabysty fermer, baǵban ári gúl ósirýshi azamat dep tanıdy.

Izteleý Núsipqojaevtyń «Aıbol» atty sharýa qojaly­ǵy bar. Joǵary bilimdi agronom keıingi jyldary kásibin damytyp, úıiniń aınalasyn kórseń kóziń toımaıtyn dúnıelerge toltyrǵan jaıy bar. Ol aýdanda «Bastaý-bıznes» baǵdarlamasy boıynsha bilim alyp, qolyna arnaıy sertıfıkat tıgen soń gúl ósiretin jylyjaı salýdy qolyna alǵan. Igilikti isi ońynan bolyp, oblys ákiminiń 1 mıllıon teńge grantyn ıelendi. Eki metr tereńdetip qazylǵan jylyjaıynda gúl ósirip, kóktem shyǵysymen aýdandyq ákimdiktiń, birneshe eskertkishtiń aldyn gúlge toltyryp júr.

Jalpy, bul azamattyń gúlin kóptegen mekeme, mektepter alyp, paıdalanyp keledi. Biz burnaǵy jyldary Izteleýdeı isker, eńbekqor azamattyń gúl ósiretin sharýasyn jazǵan bolatynbyz. Endi ol úıiniń ekinshi jaǵynan kókónis ósiretin jazdyq jylyjaı salyp qoıypty. Eni 6 metr, uzyndyǵy 20 metr jylyjaıda qııar, qyzanaq ósiripti. Ekeýi de bıyl jemisti mol berdi. Jylyjaıdyń janynda jap-jaqsy bolyp oralyp qalǵan qyryqqabat, sábiz, sarymsaq, kartop, bári-bári jaıqala ósip kóz tartady. Eńbekqor azamat byltyr qysta gúldiń 6000 túp kóshetin, qyryqqabattyń 1500 túp kóshetin daıyndaǵan. Sonyń nátıjesinde úıiniń janyndaǵy shap-shaǵyn jerden júzdegen túp qyryqqabat aldy. Iisi burqyraǵan jap-jaqsy sarymsaqty esiktiń aldyna jaıyp qoıypty. Izteleýdiń qııar, qyzanaq, sarymsaqtaryn kórshileri de satyp alatyn kórinedi. Qolda bar dúnıeniń elge de paıdasy tıdi.

– Qarqara aýyldyq okrýgi aýmaǵynan byltyrdan beri surap júrip 1,5 gektar jer alǵanmyn. Aýyldy, aýdandy qamtıtyndaı úlken jylyjaı salýdy josparlap júrmin. Qazir qarajat jaǵynan qınalyp turmyn. Qysy-jazy isteıtin jylyjaıda qııar, qyzanaq, qyryqqabat ósirsem degen oıym bar. Onyń shapaǵaty elge tıetin edi. Burnaǵy jyldan bastap aınalysyp júrgen sharýalarymnyń bári – tájirıbe jınaqtaý, úlken iske daıyndyq, – deıdi Izteleý aldaǵy josparlaryn sóz etip.

Ras, Kegen aýdanynda úlken jylyjaı joq. Ony salýǵa bel býyp otyrǵan azamatqa qalaıda kómek, qoldaý kórsetken artyq emes. О́ıtkeni qolǵa alǵan isiniń nátıjesi kórinip tur.

10 mıllıon teńgedeı qarajat kerek eken. Ol iske qosylǵan kezde 5 adamdy turaqty jumyspen qamtymaq. Kókónis tuqymdarynyń deni qolynda. О́sirip, jaıqaltyp qoıǵan, jemisin berip turǵan dúnıelerin kórip, azamatqa rıza boldyq. Mine, naǵyz agronom jigit destik. Aýyldyń syrt jaǵynda 15 gektar arpasy, 5 gektar kartoby bar.

Jerdiń qasıetin biletin agronom jigit qolynan kelgen sharýasyn jasap keledi. Elýdiń ishindegi azamattyń isi maqtaýǵa turarlyq. Onyń ár kúni eńbekke toly. Aýylda jumys joq deıtin jastarǵa úlgi.

Izteleý Núsipqojaevtyń jubaıy Turǵan Buqabaeva aǵylshyn tiliniń muǵalimi. Úı sharýasynan qoly qalt etkende agronom jubaıynyń kókónisin kútýge kómektesedi. Eki ul, úsh nemeresi bar. Shalǵaı aýylda óziniń mamandyǵy boıynsha gúl, kókónis, kartop pen dán ósirip, ıgiligin kórip kele jatqan azamattyń qoly qýatty, ómiri shýaqty bola bergeı!

 Qanat BIRJANSAL

 

Sońǵy jańalyqtar

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Eń qysqa áńgime. Saılaý Tóleý

Eń qysqa áńgime • Keshe

Eń qysqa áńgime. Erbol Boranshy

Eń qysqa áńgime • Keshe

Eń qysqa áńgime. Kúlaına Orazbekqyzy

Eń qysqa áńgime • Keshe

Eń qysqa áńgime. Qurmanǵazy Jumaǵul

Eń qysqa áńgime • Keshe

Eń qysqa áńgime. Qurmanjan Qasymjanuly

Eń qysqa áńgime • Keshe

Eń qysqa áńgime. Nurlan Qabdaı

Eń qysqa áńgime • Keshe

Dáýir belesiniń avtory

Ádebıet • Keshe

Minez jumbaqtyǵy

Ádebıet • Keshe

Áýezovtiń jalǵasy

Ádebıet • Keshe

Ǵasyr epopeıasy

Rýhanııat • Keshe

Til tirligi – tilge muqtajdyqta

Rýhanııat • Keshe

Talastan shyqqan dıplomat

Rýhanııat • Keshe

О́risi keń, óreli

Rýhanııat • Keshe

Hat qorjyn (22.10.2019)

Rýhanııat • Keshe

Uqsas jańalyqtar