Aımaqtar • 11 Qazan, 2019

Oralda «LATYN FEST» jastar forýmy ótti

62 retkórsetildi

Oral qalasynda Batys Qazaqstan oblystyq tilderdi damytý basqarmasynyń uıymdastyrýymen «LATYN FEST» jastar forýmy ótti. Forýmnyń maqsaty – Qazaqstan Respýblıkasynyń Tuńǵysh Prezıdenti N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamasyndaǵy taıaý jyldary júzege asyrylýy tıis «Qazaq jazýyn latyn grafıkasyna kóshirý» baǵdarlamasyn júzege asyrý máselesin talqylaý.

Sharaǵa Shaısultan Shaıahmetov atyndaǵy «Til-Qazyna» ulttyq ǵylymı-praktıkalyq ortalyǵynyń atqarýshy dırektory Erbol Tileshov, fılologııa ǵylymdarynyń kandıdaty, Qazaqstan jastar Odaǵy «Serper» syılyǵynyń laýreaty, belgili jýrnalıst Qanat Áýesbaı, saıasattanýshy, qoǵam belsendisi, AmalBooks baspasynyń jetekshisi Baqytjan Buqarbaı qatysty.

Forýmǵa jınalǵan jastar Hadısha Bókeeva atyndaǵy qazaq drama teatry ártisteri daıyndaǵan «Tilim – anam, tilim – babam» atty sahnalyq qoıylymdy tamashalady. Jastar latyn grafıkasyndaǵy jańa álipbıge qatysty saýaldaryna jaýap alyp, jańa álipbı men emle-erejelerdiń mán-mańyzyn túsindi.

–Latyn álipbıine kóshý máselesi – óte mańyzdy memlekettik oqıǵa. Búgingi shara elimizdegi Jastar jylymen jáne Qazaqstan Respýblıkasynyń Til týraly Zańynyń qabyldanǵanyna 30 jyl tolýymen tuspa-tus kelip otyr. Elbasymyzdyń «Bolashaqqa baǵdar – Rýhanı jańǵyrý» baǵdarlamalyq maqalasynda ulttyń rýhyn jańǵyrtýǵa baǵyttalǵan naqty mindet qoıdy. Negizgi baǵyttyń biri – latyn álipbıine kóshý. «Latynshaǵa kóshýdiń tereń logıkasy bar. Bul qazirgi zamanǵy tehnologııalyq ortanyń, kommýnıkasııanyń erekshelikterine baılanysty. Álipbı reformasy jańa ǵasyrdaǵy qazaq tilin, memlekettiń tildiń tynysyn ashyp, damýyna erekshe serpilis týǵyzýy tıis» degen Elbasy sózi bizge zor mindet júkteıdi. Búgingi jastar forýmynyń da maqsaty – Elbasynyń latyn álipbıine kezeń-kezeńmen jáne júıeli túrde kóshirý jónindegi tapsyrmasyn nasıhattaý. О́ıtkeni, latyn grafıkasyna kóshý máselesi ult bolyp qoldaýdy talap etetin ulttyq másele, – dedi Batys Qazaqstan oblysy ákiminiń orynbasary Serik Egizbaev.

Shara barysynda memlekettik tildiń mártebesin nyǵaıtýǵa úles qosyp júrgen til janashyrlary Qazaqstan Respýblıkasy Prezıdentiniń jáne Batys Qazaqstan oblysy basshylyǵynyń Alǵys hattarymen marapattaldy. Halyqaralyq «Qazaq tili» qoǵamynyń múshesi Bolat Jeksenǵalıev, Oral qalalyq «Jaıyq úni» gazetiniń redaktory, halyqaralyq «Alash» syılyǵynyń ıegeri, jazýshy Mıra Shúıinshálıeva, Mahambet О́temisuly atyndaǵy BQMÝ-dyń dosenti, tarıh ǵylymdarynyń kandıdaty Jańabek Jaqsyǵalıev, Hadısha Bókeeva atyndaǵy oblystyq qazaq drama teatry ádebıet bóliminiń meńgerýshisi Nurlan Sádir, ǵalym, fılologııa ǵylymynyń kandıdaty, dosent Uldaı Erjanovalar – shyn máninde óńirde memlekettik tildiń damýyna aıanbaı úles qosyp júrgen tulǵalar bolatyn. Marapat dál ıesin tapty.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar