Aımaqtar • 11 Qazan, 2019

Almatylyq stýdentterge jemqorlyqpen kúresý joldary túsindirildi

56 retkórsetildi

Qazaq ulttyq qyzdar pedagogıkalyq ýnıversıtetiniń stýdentteri Qazaqstan Respýblıkasynyń Memlekettik qyzmet isteri jáne sybaılas jemqorlyqqa qarsy is-qımyl agenttiginiń «Sanaly urpaq» respýblıkalyq jobalyq keńsesiniń basshysy Qaıyrjan Tokýshevpen kezdesti, dep habarlaıdy oqý ornynyń baspasóz qyzmeti.

Jıynda Qaıyrjan Tokýshev Jobalyq keńseniń negizgi qyzmetimen tanystyryp, ony joǵary oqý oryndarynda ashýdaǵy maqsaty men mindetin aıtty.

– Urpaq tárbıesi eń aldymen mektep pen ýnıversıtet qabyrǵasynda qalyptasady. Týrasyn aıtqanda, balanyń dúnıetanymynyń, ómirge degen kózqarasynyń, qoǵammen qarym-qatynasynyń bastaýynda ata-anasy men ustazdary úlken ról atqarady. Sondyqtan jastar tárbıesine bárimiz jaýaptymyz. Kez kelgen oqý orny úshin sapaly bilim birinshi kezekte turýy tıis. Mindetimiz – qoǵamnyń jegi qurtyna aınalǵan sybaılas jemqorlyqqa qarsy aldyn alý sharalaryn júrgizý, ortaq ádis-tásilderdi engizip, jastarmen jan-jaqty jumys jasaý. Sonymen qatar elimizdiń bilim berý júıesi arqyly jemqorlyqqa qarsy múldem tózbeýshilikti jalpyǵa ortaq qalyptastyrýdyń eń úzdik tájirıbesi ekenin kórsetip jáne odan bas tartý ortasyn engizý basty maqsatymyz, – dedi Qaıyrjan Tokýshev.

Kezdesý barysynda Qyzdar ýnıversıtetiniń 100 stýdenti «Sanaly urpaq» respýblıkalyq jobalyq klýbyna múshelikke qabyldandy.

Basqosýdy oqý ornynyń Áleýmettik damý jónindegi prorektory mindetin atqarýshy Jańagúl Sultanova qorytyndylap, ýnıversıtette sybaılas jemqorlyqpen kúres baǵytynda atqarylyp jatqan jumystarǵa toqtalyp ótti.

Onyń aıtýynsha, búginde stýdentter arasynda «Parasyz sessııa», «Taza sessııa», «Adal jol», aksııalary turaqty túrde uıymdastyrylyp, «Sybaılas jemqorlyqtyń aldyn alý» taqyrybyndaǵy semınarlar ótedi. Sondaı-aq ýnıversıtettiń tárbıe, oqý jáne ǵylym úderisinde ádeptilik qaǵıdalaryn saqtaý basty nazarǵa alynǵan. Bul turǵyda «Sybaılas jemqorlyqqa qarsy mádenıet negizderi» atty pán oqý baǵdarlamasyna engizildi. Atalǵan pán stýdentterdiń sanaly túrde jáne adamgershilikpen sybaılas jemqorlyqqa qarsy mádenıet deńgeıin qalyptastyrady.

Sapar aıasynda Qaıyrjan Tokýshev stýdentterdiń ózin-ózi basqarý jáne demalys aımaǵynyń qyzmetimen tanysty. Oqý ornynyń bas ǵımaratynyń bazasynda jaqynda ashylǵan bul ortalyqta bilimgerler ózderin jan-jaqty damytyp, qoǵamdyq belsendiligin arttyrýǵa múmkindik almaq. Sondaı-aq túrli bastamalar men jobalardy ózara talqylap, iske asyrýdy talqylaıdy.

Sońǵy jańalyqtar

Kúlki kerýeni № 16

Rýhanııat • Keshe

Aqynǵa arnalǵan kún

Rýhanııat • Keshe

Qalany damytý qujaty daıyn

Aımaqtar • Keshe

Baspanamen qamtıtyn basty qujat

Baǵdarlamalar • Keshe

Er Edige jáne eldik múdde

Rýhanııat • Keshe

Bolmysy bútin Baǵaev

Rýhanııat • Keshe

Uqsas jańalyqtar