Úkimet • 11 Qazan, 2019

Jastarǵa jaldamaly úıdi alý úshin qandaı qujattardy tapsyrýy kerek

36 retkórsetildi

PrimeMinister.kz-ke bergen suhbatynda Aqparat jáne qoǵamdyq damý mınıstrliginiń Jastar jáne otbasy isteri komıtetiniń tóraǵasy Madııar Qojahmet 29 jasqa jetpegen jumys isteıtin jastar úshin satyp alý quqyǵynsyz jalǵa beriletin turǵyn úı usyný erejeleri týraly aıtyp berdi. Bul týraly Premer-Mınıstrdiń baspasóz qyzmeti habarlady.

M. Qojahmettiń aıtýynsha, aldaǵy 3 jylda jyl saıyn Nur-Sultan, Almaty, Shymkent qalalarynda jumys isteıtin jastar úshin 3 myń jaldamaly páter beriletin bolady.

«Bul baspanany berýdegi basty maqsat — jumys isteıtin jastarǵa jeke baspana alýǵa qarajat únemdeýge múmkindik berý. Bul shara áleýmettik jaǵynan osal toptarǵa qoldaý bildirýdi kózdemeıdi. Negizgi mindet — jumys isteıtin jastardy qoldaý», — dedi M. Qojahmet.

Ol sonymen qatar baspanany alý úshin qoıylatyn negizgi krıterıılerdi atap ótti.

Birinshi — úmitker jumys isteýi kerek.

Ekinshi — úmitkerdiń jasy 29 jastan aspaýy kerek. 

Úshinshi — 100 myń teńgeden joǵary jalaqysy bolýy kerek. 

Tórtinshi — kez-kelgen ekinshi deńgeıli bankterdiń birinde depozıttik shoty bolýy kerek. 

Besinshi — óz menshiginde baspanasy bolmaýy kerek.

Bul rette M. Qojahmet eń basty krıterıı — úmitkerdiń turaqty jumys ornynyń bolýyna nazar aýdartty.

«Zańǵa sáıkes jumys isteıtin jastar dep mektep, kolledj, joǵary oqý ornyn aıaqtaǵan soń jumys istep júrgenderiniń bári sanalady. Bul turǵyda qandaı da bir bilimine baılanysty arnaıy shekteýler nemese artyqshylyqtar bolmaıdy. Eń bastysy ‒ jumys istese boldy. Iаǵnı, 18 jastan bastap ótinim berýge bolady, bul rette jas adamnyń tolyq jumys kúnin qarastyratyn turaqty jumysy bolýy tıis», — dedi komıtet tóraǵasy.

Sonymen qatar ol 5 jyl boıy bul adamnyń mindetti túrde jumys isteýi kerektigin jáne jyl saıny óziniń jumys isteıtinin rastap otyrýy tıis ekenin aıtty. Eger qandaı da bir sebepterge baılanysty jumystan shyǵyp qalsa jáne qaıta eńbekke ornalasýǵa tyryspaıtyn bolsa, ony páterden shyǵarý týraly másele kóteriledi.

«Eger tórt krıterıı boıynsha bári túsinikti bolsa, úshinshi krterıı boıynsha jalaqy nelikten 100 myń teńgeden artyq bolýy kerek degen suraq týyndaýy múmkin. Mundaǵy esepteý turǵyn úı 5 jyl merzimge beriledi degen negizde jasalǵan. 5 jyl ishinde baspana baǵasy 10 myń teńge shamasynda bolady jáne kommýnaldyq qyzmetter úshin – 20 myń teńge. Jastar óz qajettilikterine 60 myń teńge shamasynda jumsaıdy dep boljadyq. Qalǵan 20-30 myń teńgesin ol aı saıyn jınap otyrady. Sonda 5 jyl ishinde memlekettik syıaqy, depozıt paıyzyn eseptemegende 1,8 mln teńgege jýyq qarajat jınaıdy. Bul soma jeke turǵyn úıin satyp alýǵa jetýi tıis. 2 mln teńge — bul «7-20-25» baǵdarlamasy boıynsha da alǵashqy jeke baspanany satyp alýǵa jetkilikti soma», — dep túsindirdi M. Qojahmet.

Eger jastar osy bes krıterııge saı kelse, qujattaryn tapsyra alady. О́tinim berýshiler Jastar saıasaty jónindegi basqaramaǵa kelesi qujattaryn tapsyratyn bolady: 

  • О́tinish.

  • Jeke kýáliginiń kóshirmesi.

  • Dıplomynyń kóshirmesi.

  • Neke týraly kýáliginiń kóshirmesi (bolsa).

  • Balalardyń týý týraly kýálikteriniń kóshirmesi (bolsa).

  • О́tinim berýshi men onyń otbasy músheleriniń atynda jyljymaıtyn múlik joqtyǵy týraly anyqtama.

  • Jumys ornynan anyqtama.

  • Sońǵy 6 aıdaǵy tabysy týraly anyqtama (tabysy 40 AEK-ten 101 myń teńgeden kem bolmaýy tıis).

  • Eńbek ótilin rastaıtyn qujat.

  • Bankte esepshotynyń bolýy týraly anyqtama jáne onyń nómiri.

  • Banktegi esepshoty boıynsha qarajatynyń qaldyǵy jáne aýdarymdary týraly kóshirme. 

  • О́tinim berýshiniń jeke basynyń jetistikteri týraly qujattar (bolsa).

Qujattar paketi bes jumys kúni ishinde tekserilýi tıis. Eger ótinim berýshi barlyq anyqtamalaryn jınap úlgermese, ol úshin taǵy bir kún beriledi. Adamdar qujattaryn tapsyrǵan soń, qarasha aıynan bastap Nur-Sultan, Almaty jáne Shymkent qalalarynda turǵyn úı bólinedi. Ákimdikter 10 jumys kúni ishinde ballardy sanap, úmitkerler tizimin jasaýy tıis. Ballardary neǵurlym joǵary bolǵan saıyn páter alý yqtımaldyǵy soǵurlym kóbirek.

«Baspana sany shekteýli, úmitkerler sany odan áldeqaıda kóp bolýy yqtımal. Irikteý krıterıılerin belgileý úshin, túsinispeýshilikter oryn almaýy úshin biz balldyq júıeni engizdik. Kim buryn ótinish berse, sol kóbirek úmitker bolady degen másele týyndaǵan, biraq bizdiń oıymyzsha, bul jerde qandaı da bir ádiletsizdik bar. Bulaısha páterdi asa muqtaj emes nemese saı kelmeıtin adam alýy múmkin. Bul tásil durys emes. Biz memlekettik organdarmen birge osy buıryqty talqylaýǵa salyp, birinshi kezekte balldyq júıege basymdyq berýge sheshim shyǵardyq», — dedi M. Qojahmet.

Balldar qalaı esepteledi:

  • Eger sizdiń kásibińiz «Eńbek memlekettik baǵdarlamasyna sáıkes halyqty jumyspen qamtý máseleleri jónindegi ókiletti organmen bekitilgen 100 suranysqa ıe mamandyqtar tizimine kiretin bolsa — 10 ball.

  • Otbasynyń bolýy — 5 ball.

  • Eger siz jeke kásipker retinde bir jyldan kem emes jumyspen qamtylǵan bolsańyz — 5 ball, ár jyl úshin — 1 ball.

  • Nekesi tirkegen ár jyl úshin — 2 ball.

  • Eger bir balańyz bolsa — 1 ball, odan keıingi ár balańyz úshin — 2 ball.

  • Túrli qyzmet salalaryndaǵy jetistikterińiz úshin — 2 ball.

  • Memlekettik mekemeler men kásiporyndarda jumys istegeni úshin — 5 ball, ár jyldaǵy eńbek ótili úshin — 1 ball.

  • Depozıtterdegi jınaqtarynyń árbir jyly úshin — 2 ball.

  • Basqa da jaǵdaılar boıynsha teń túsken kezde ótinimdi burynyraq tapsyrǵan úmitkerlerge artyqshylyq beriledi. 

Ákimdikter turǵyn úı berý týraly sheshim qabyldanǵan soń 15 kúntizbelik kún ishinde jalǵa alý kelisimsharty jasalady. Páterler satyp alý quqyǵynsyz 5 jylǵa beriledi. 

Banner
Sońǵy jańalyqtar

Izgilik elshisi

Aımaqtar • Búgin, 17:38

Soltústik oblystarda boran bolýy múmkin

Qazaqstan • Búgin, 16:18

Kún energııasy Oralǵa jetti

Aımaqtar • Búgin, 15:46

«Aqyny aq Ertistiń – Qımadıden...»

Rýhanııat • Búgin, 12:46

Fýtbol: Makedonııamen teń oınadyq

Fýtbol • Búgin, 12:24

Kúlki kerýeni № 3

Rýhanııat • Búgin, 11:38

Eń qysqa áńgime. Jandos Júsipbek

Eń qysqa áńgime • Búgin, 11:32

Eń qysqa áńgime. О́mirjan Ábdihalyquly

Eń qysqa áńgime • Búgin, 11:29

Eń qysqa áńgime. Baýyrjan Babajanuly

Eń qysqa áńgime • Búgin, 11:24

Dala úni Almatyda bastalady

Rýhanııat • Búgin, 10:19

Tekti sózdiń tóresi Almatydan bastalady

Aımaqtar • Búgin, 10:11

Taǵylymdy tulǵa

Rýhanııat • Búgin, 09:36

Ǵylym qanatyndaǵy ǵumyr

Rýhanııat • Búgin, 09:34

Moıynqumǵa ushaq qatynaıdy

Aımaqtar • Búgin, 09:29

«Para berme» chellendji bastaý aldy

Aımaqtar • Búgin, 09:27

Kásipodaq úzdikteri marapattaldy

Aımaqtar • Búgin, 09:26

Bı-aǵa salǵan án eken...

Rýhanııat • Búgin, 09:17

Qaıta oralǵan «Don Karlos»

Rýhanııat • Búgin, 09:15

Jeti óner qonǵan jampozym

Rýhanııat • Búgin, 09:12

Taǵdyry tańdalǵan patshaıym

Rýhanııat • Búgin, 09:09

Naǵyz qazaq

Rýhanııat • Búgin, 09:05

«Brakoner» biraz basbuzardy quryqtady

Aımaqtar • Búgin, 09:00

Reseıden de úırenýge bolady

Saıasat • Búgin, 08:52

Zań jobasyn talqylady

Qoǵam • Búgin, 08:46

IýNESKO-nyń syılyǵyn jeńip aldy

Qazaqstan • Búgin, 08:45

Uqsas jańalyqtar