Qazaqstan • 11 Qazan, 2019

UNWTO VIII Jahandyq Sammıti: alǵashqy kúnniń nátıjesi

22 retkórsetildi

Keshe Dúnıejúzilik týrıstik uıymynyń «UNWTO» qalalyq týrızmdi damytýǵa arnalǵan «Aqyldy qalalar, aqyldy destınasııalar» VIII Jahandyq Sammıtiniń resmı ashylýy ótti. Onyń ashylýyna  Premer-Mınıstr Asqar Mamın, astana ákimi Altaı Kólginov pen UNWTO bas hatshysy Zýrab Pololıkashvılı qatysty. Bul týraly Nur-Sultan qalasy ákimdiginiń baspasóz qyzmeti habarlady.

Ashylý saltanaty kezinde Nur-Sultan qalasynyń ákimi Altaı Kólginov elordanyń dınamıkalyq damýy men kórsetkishteri týraly atap ótti. Onyń aıtýynsha, Nur-Sultanǵa 23 mlrd. dollar ınvestısııa tartylyp,  22,5 mln. sharshy metr turǵyn úı salyndy.

Sondaı-aq qala basshysy sapaly qaýipsizdikti, logıstıka, densaýlyq saqtaý, bilim berý, turǵyn úı sektory men memlekettik qyzmetterdi qamtamasyz etýge baǵyttalǵan «Aqyldy qalalar» tujyrymdamasy týraly aıtyp berdi. UNWTO bas hatshysy Zýrab Pololıkashvılı aqyldy qalalardyń týrıstik áleýeti men ınnovasııalyq tehnologııalardy paıdalaný týraly atap ótti, sebebi olar qalalardy ómir súrý úshin qajetti ári jaıla ete alady. Onyń sózinshe, BUU Bas assambleıasyn ótkizgennen keıin on jyl ótken soń Nur-Sultan memlekettiń rólin halyqaralyq arenadaǵy rólin jalǵastyryp keledi.

Sammıttiń alǵashqy kngi dóńgelek ústelder, paneldik sessııalar jáne «Aqyldy qalalar jáne týrızm», «Shyǵarmashylyq qalalar: týrızm ınnovasııa men kreatıvtiliktiń kózi», «Aqyldy baǵyttar» taqyrybynda tanystyrylymdar ótti. «Shyǵarmashylyq qalalar: týrızm ınnovasııa men kreatıvtiliktiń kózi»  taqyrybyndaǵy pikirtalastar Sound Diplomacy, Music Cities Events atqarýshy dırektory Sheın Shapıro mýzykalyq týrızmniń negizgi prınsıpteri men ony damytý joldaryn atady.

Ispandyq Segittur týrıstik agenttigi uıymdastyrǵan paneldik sessııada zamaýnı qalalyq menedjment máseleleri talqylandy. Ásirese, jekemenshik jáne memlekettik uıymdardyń qalalar tap bolatyn problemalardy sheshý jolyndaǵy yntymaqtastyǵynyń róli erekshe atalyp ótildi. Buǵan qosa, Mastercard satý boıynsha menedjeri Galına Ganeeva kompanııanyń qala bıligimen elektrondy tólemderdi paıdalanýdy týraly tájirıbesimen bólisti.

Sammıt sheńberinde júrgizilgen kezdesýler boıynsha Nur-Sultan qalasynyń «Aqyldy qalalar, aqyldy dıstınasııalar» deklarasııasy qabyldandy. Eske sala kereıik, Nur-Sultandaǵy «Aqyldy qalalar, aqyldy destınasııalar» VIII Jahandyq Sammıtinne  80 memleketten 1400 delegat qatysýda.


Sońǵy jańalyqtar

Til saıasatyna reforma kerek pe?

Suhbat • Búgin, 10:45

Petropavl: 16 jastaǵy boıjetken ustaldy

Aımaqtar • Búgin, 10:28

Elimizde indet juqtyrǵandar sany 500-ge jetti

Koronavırýs • Búgin, 09:19

Juma: Almatyda 28 indet oshaǵy karantınde tur

Ońtústik Qazaqstan • Keshe

Uqsas jańalyqtar