Rýhanııat • 11 Qazan, 2019

NZM «Farıza - poezııa padıshasy» atty mánerlep oqý baıqaýyn ótkizdi

207 retkórsetildi

«Uly dala aqyndary» zertteý-shyǵarmashylyq jobasy aıasynda Nur-Sultan qalasy fızıka-matematıka baǵytyndaǵy Nazarbaev Zııatkerlik mektebinde «Farıza - poezııa padıshasy» atty mánerlep oqý baıqaýy ótti. Oqýshylardyń poezııaǵa degen súıispenshiligin arttyrý, ádebı mol murany nasıhattaý maqsatynda uıymdastyrylǵan baıqaý Qazaqstannyń Halyq jazýshysy, aqyn Farıza Ońǵarsynovanyń 80 jyldyq mereıtoıyna arnaldy. Bul týraly NZM baspasóz qyzmeti habarlady. 

Mahabbat, tabıǵat, azamattyq lırıka taqyrybynda qalam tartqan aqynnyń jyr-shýmaǵyn jatqa oqýdan ótken baıqaýǵa Zııatkerlik mekteptiń joǵary synyp oqýshylary qatysty. Baıqaýdyń qurmetti qonaǵy retinde «Shabyt» festıvaliniń laýreaty, 2019 jyly ótken «Jyr – meniń jalǵyz tarlanym» atty Farıza Ońǵarsynovaǵa arnalǵan respýblıkalyq jyr músháırasynyń bas júldesin jeńip alǵan aqyn, «Egemen Qazaqstan» gazetiniń Mádenıet jáne óner bóliminiń meńgerýshisi Mıras Asan shaqyryldy. Baıqaýǵa qatysýshylarǵa sáttilik tilegen aqyn Farıza Ońǵarsynovanyń jarqyn beınesine, biregeı bolmysyna arnaǵan óziniń arnaý óleńin oqyp berdi.

Farıza apalarynyń jyr-shýmaqtaryn berile oqyǵan qatysýshylar árbir óleń jolynyń mazmundyq qurylymyn tereń sezinip, tyńdaýshylarǵa sheber jetkize bildi. Baıqaýdyń qazylar alqasy quramynda bolǵan dırektordyń orynbasary Ramazan Ospanǵa, aqyn Mıras Asanǵa, akter Ybyraı Muhtarulyna óleńdi mánerlep oqyp, áserli etip jetkize bilgen oqýshylardyń qatarynan úzdikterdi tańdaý qıynǵa soqty.  

«Men onymen qaı kezde kórisemin?» óleńin oqyǵan oqýshy Mádına Ismurat III oryn, «Muqaǵalıǵa arnaý» óleńimen Darhan Ábdihan II oryn, «Jaqsylyq týraly jyr» óleńimen  Arý Seıdalıeva I oryn, «Jurt meni qatal deıdi» óleńin naqyshyna keltire oqyǵan Shuǵyla Serǵalı bas júldege ıe boldy. Kesh qonaǵy Mıras Asan baıqaý jeńimpazǵa óziniń qoltańbasymen «Súıesiń, júrek, súıesiń» kitabyn syıǵa tartyp, kezdesýdi áńgime-suhbatpen jalǵastyrdy. Aqyn jastardy ultjandy bolýǵa shaqyryp, sulýlyqqa degen yntanyń, poezııaǵa degen qushtarlyqtyń izdenimpazdyq qasıetterdi  damytýǵa yqpal etetinin aıtyp ótti.

 

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Taraz: Bilim oshaǵyndaǵy zańsyzdyqtar

Aımaqtar • Búgin, 11:20

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar