Medısına • 11 Qazan, 2019

Berdibek Saparbaev Aqtaý emhanalaryn aralady

37 retkórsetildi

Búgin Qazaqstan Respýblıkasynyń Premer Mınıstriniń orynbasary Berdibek Saparbaev Aqtaý qalasyndaǵy emhanalardy aralady.

Aldymen jumys sapary Aqtaý qalalyq №2 emhanasynan bastaldy. Emhana basshysy Bektibaı Tólegenov naýqastardy qabyldaý tártibi, emhana múmkindikteri, medısınalyq qyzmetkerlerdiń jalaqysy týraly baıandap berdi. Berdibek Saparbaev emhanaǵa kelgen naýqastarmen tildesip, medısınalyq qyzmet kórsetýdiń sapasy týraly surady. Kezdesý Mańǵystaý oblystyq aýrýhanasynda jalǵasyn tapty.

Shara barysynda «Áleýmettik medısınalyq saqtandyrý qory» basqarma Tóraǵasy Aıbatyr Jumaǵulov Mańǵystaý oblysynyń medısınalyq saqtandyrýǵa qanshalyqty daıyn ekendigin jetkizdi. «Mańǵystaýda 99 paıyz turǵyn saqtandyrylǵan statýsyn alyp otyr. Bul kórsetkish basqa aımaqtarǵa qaraǵanda áldeqaıda joǵary», - dep atap ótti Aıbatyr Nyshanbaıuly. Onyń keltirgen derekteri boıynsha, Mańǵystaýda shamamen 15 myń adamnyń mártebesi jańartylǵan joq.

-Búgingi tańda 2018 jyldyń basynda mártebege ıe bolǵan 2,7 mln adamnyń 2 mln. astamy (nemese 74,6%) memlekettik organdardyń derekqorynda anyqtaldy. Biz bul adamdardyń mártebesin aıqyndaý úshin jergilikti oryndaýshy organdarmen úlken jumys júrgizdik. Qalǵan 700 myńǵa jýyq adamdy rásimdeý osy jyldyń sońyna deıin aıaqtalady, - deıdi ol.

Premer mınıstrdiń orynbasary Berdibek Saparbaev medısınalyq saqtandyrý júıesiniń artyqshylyqtaryna toqtaldy. «Álem tájirıbesinde bar bul júıege biz de ótýimiz kerek. Áskerı qyzmetkerler men memlekettik qyzmetkerlerden keıin, ant beretin maman ıeleri – dárigerler. Sol sebepti dárigerler antqa adal bolýy tıis», - dedi Úkimet basshysynyń orynbasary.

Sońǵy jańalyqtar

Kúlki kerýeni № 16

Rýhanııat • Keshe

Aqynǵa arnalǵan kún

Rýhanııat • Keshe

Qalany damytý qujaty daıyn

Aımaqtar • Keshe

Baspanamen qamtıtyn basty qujat

Baǵdarlamalar • Keshe

Er Edige jáne eldik múdde

Rýhanııat • Keshe

Bolmysy bútin Baǵaev

Rýhanııat • Keshe

Uqsas jańalyqtar