Parlament • 11 Qazan, 2019

Senator Erbolat Muqaev TMD PAA otyrysyna qatysty

26 ret kórsetildi

Senator Erbolat Muqaev TMD PAA Mádenıet, aqparat, týrızm jáne sport jónindegi turaqty komıssııasynyń otyrysyna qatysty. Bul týraly Parlament-Senatynyń baspasóz qyzmeti habarlady.

Otyrysqa qatysýshylar komıssııa qaraýynda ázirlenip jatqan quqyqtyq úlgi qujattardyń jobalaryn qarady. «Transshekaralyq aqparat almasý kezinde elektrondyq nysanda notarıattyq is-qımyl jasaý týraly» jáne «Áleýmettik týrızm týraly» úlgi zań jobalary tutastaı maquldandy. Komıssııa músheleri osy zań jobalary týraly máselelerdi parlamenttik delegasııalardyń talqylaýy úshin TMD PAA kezekti jalpy otyrysynyń kún tártibine engizý týraly TMD PAA Keńesine ótinish jasaýǵa sheshim qabyldady.

Otyrysqa qatysýshylar «Sıfrlyq damý týraly» úlgi zań jobasynyń jumys barysyn talqylaı kelip saraptamalyq qorytyndy alý úshin ony Dostastyqtyń baılanys salasyndaǵy aımaqtyq Atqarý komıtetine, TMD PAA – ABD Saraptaý keńesine jáne basqa da mamandandyrylǵan uıymdarǵa jiberý týraly qaýly qabyldady.

TMD-ǵa qatysýshy memleketterdiń Mádenı mura obektilerin saqtaý týraly konvensııasynyń jobasy komıssııa otyrysynda aıtylǵan eskertýler men usynystardy engizý jáne TMD PAA Keńesiniń otyrysyna shyǵarýǵa túpkilikti daıyndaý úshin ázirleýshilerge jiberildi.

Sondaı-aq komıssııa músheleri 2016-2020 jyldarǵa arnalǵan Táýelsiz Memleketter Dostastyǵyndaǵy úlgi zań shyǵarýdyń keleshektegi josparynyń oryndalý qorytyndylaryn; Táýelsiz Memleketter Dostastyǵyndaǵy 2020-2022 jyldarǵa arnalǵan úlgi zań shyǵarýdyń keleshek josparyna usynystardy; Komıssııanyń bastamasy boıynsha TMD PAA qabyldaǵan úlgi zańnamalyq aktilerdi paıdalaný týraly jáne Ázirbaıjan Respýblıkasy Mıllı Medjlısiniń zań shyǵarý qyzmeti týraly aqparattardy jáne basqa da birqatar máselelerdi talqylady.

Sońǵy jańalyqtar

Uıysa bilsek, urlyq tyıylady

Aımaqtar • Keshe

Eýro taǵy qymbattady

Ekonomıka • Keshe

Báıterekte órt shyqty

Aımaqtar • Keshe

Uqsas jańalyqtar