Úkimet • 11 Qazan, 2019

Ishki ister mınıstri Erlan Turǵymbaev Mańǵystaý oblysyna keldi

144 retkórsetildi

Qazaqstan Respýblıkasynyń Ishki ister mınıstri Erlan Turǵymbaev jumys saparymen Mańǵystaý oblysyna keldi. Bul týraly Mańǵystaý oblystyq Polısııa departamentiniń baspasóz qyzmeti habarlady.

Birinshi kezekte Erlan Zamanbekuly GM 172/6 memlekettik mekemesine baryp, sottalǵandardyń turmystyq jaǵdaılarymen, medısınalyq-sanıtarlyq kómek kórsetilýi, tamaqtanýy jáne eńbekpen qamtýy máselelerimen tanysty. Sondaı-aq E.Turǵymbaev qamaýdaǵylardyń jeke suraqtary boıynsha qabyldaý júrgizdi.

Polısııa departamentinde mınıstr murajaıǵa baryp, eksponattarmen tanysty. Aıta ketý kerek, murajaıda "Halyq Qaharmany" ataǵyna ıe bolǵan batyr polıseı Ǵazız Baıtasovqa arnalǵan burysh bar.

Odan keıin E. Turǵymbaev PD, TJD, QAJD basshylyǵymen jáne jeke qurammen kezdesti. Departament basshylary 9 aı qorytyndysy boıynsha atqarylǵan jumys týraly mınıstr aldynda esep berdi.

Is-shara sońynda Ishki ister mınıstri basshylyq quramǵa merziminen buryn arnaıy ataqtar berip, Qazaqstan Respýblıkasy IIM alǵys hattarymen jáne gramotalarymen marapattady.

Atap aıtqanda, Mańǵystaý oblystyq Polısııa departamentiniń Ákimshilik polısııa basqarmasy bastyǵynyń orynbasary, polısııa maıory Nurjan Orazuly Mahmýtovqa, Aqtaý qalalyq Polısııa basqarmasy Krımınaldyq polısııa bóliminiń múliktik qylmystardy ashý bólimshesiniń bastyǵy, polısııa maıory Marat Elýbaıuly Ernııazovqa, Aqtaý qalalyq Polısııa basqarmasynyń aǵa krımınalısi, polısııa maıory Aleksandr Valerevıch Korenskıhke polısııa podpolkovnıgi ataǵy berildi.

Sonymen qatar Qazaqstan Respýblıkasy IIM Gramotasymen Mańǵystaý oblystyq Polısııa departamentiniń jedel áreket etý arnaıy jasaǵynyń vzvod komandıri, polısııa kapıtany Mantaq Parahat Asanuly, Qazaqstan Respýblıkasy IIM Alǵys hatymen Mańǵystaý oblystyq Polısııa departamentiniń Aqtaý qalalyq Polısııa basqarmasy patrýldik polısııa batalony qyzmetiniń ınspektory, polısııa leıtenanty Nasıhanov Nurbek Haarmanuly, II dárejeli "Ishki ister organdarynyń úzdigi" tós belgisimen Mańǵystaý oblystyq Polısııa departamentiniń Jańaózen qalalyq Polısııa basqarmasy jergilikti polısııa qyzmeti bóliminiń kámeletke tolmaǵandar isteri jónindegi aǵa ýchaskelik polısııa ınspektory, polısııa kapıtany Elemesov Bıǵalı Bısenǵalıuly marapattaldy.

Sondaı-aq qyzmettik mindetterin adal atqaratyn jáne qoǵamdyq tártipti qamtamasyz etetin polısııa qyzmetkerlerin tárbıelegeni úshin Qazaqstan Respýblıkasy IIM Alǵys hattarymen polısııa leıtenanty Qurmantaev Nurjan Beknazarulynyń ákesi Qurmantaev Beknazar Talybuly jáne polısııa leıtenanty Ýnaıbaeva Altynaı Beısenqyzynyń anasy Ýnaıbaeva Artık Oteǵalıqyzy marapattaldy.

Mınıstr Kóshi-qon qyzmetterin kórsetý ortalyǵyna, Aqtaý qalalyq Polısııa basqarmasynyń front-keńsesine, "Kaspıı" stasıonarlyq polısııa beketine baryp, qyzmetterimen tanysty.

Sońǵy jańalyqtar

Kitaphana kóbeıgen elde qylmys azaıady

Ádebıet • Búgin, 15:14

Zańsyz qarý-jaraq satqandar sottaldy

Qoǵam • Búgin, 12:50

Igerilgen ınvestısııanyń ıgiligi

Aımaqtar • Búgin, 12:37

Abaıdyń dombyrasy qandaı bolǵan?

Abaı • Búgin, 11:09

Uqsas jańalyqtar