Qoǵam • 11 Qazan, 2019

Elbasy «Egemende» shyqqan maqalany tilge tıek etti (vıdeo)

330 retkórsetildi

Nursultan Nazarbaev otandyq telearnalardyń birine bergen suhbatynda aýyl týraly tolǵanyp, «Egemen Qazaqstan» gazetinde 10 qazan kúni jaryq kórgen «Jýsan týraly jyr» maqalasyn mysalǵa keltirdi. 

«Biz ýrbanızasııany jasandy túrde jasap jatqanymyz joq. Ol halyqtyń óziniń qolǵa alysy, oǵan kedergi bolý qıyn. Dúnıejúzilik tájirıbege keletin bolsaq, alyp memleket Amerıkanyń aýyl sharýashylyǵynda istep, aýyl sharýashylyq ónimderin shyǵaratyn halqynyń aýqymy 5 prosent. Bizde 43% aýylda turady deımiz, biraq solardyń 20% ǵana aýyl sharýashylyǵynda jumys isteıdi, qalǵany kelip-ketip qalanyń tóńireginde turatyndar. Germanııaǵa barsaq ta, Kanadaǵa barsaq ta 5-7% halqy aýyl sharýashylyǵymen aınalysady. Biz aýyl sharýashylyǵyna kóp kóńil bólip kele jatyrmyz», dedi Elbasy.

О́z sózinde Nursultan Nazarbaev jas mamandarǵa qolaıly jaǵdaı jasaýdyń mańyzdylyǵyn atap ótti.

«Aýyl sharýashylyǵynda istep júrgen azamattar mamandarǵa jaǵdaı jasap, jastardy sol jerge baýlýy kerek. Keıbireýler qalada, keıbireýler aýylda turǵysy keledi. Biz aýyldan shyqqan balalarmyz, ańsaımyz ǵoı aýyldy. «Egemen Qazaqstan» gazetinde jýsan týraly úlken maqala shyǵypty. Jýsannyń ıisi adamnyń denesin sergitedi depti. Shynynda da, aýylǵa barsań bir túp jýsandy julyp alasyń da ıiskeısiń. Iisi ańqyp turady. Aýyl degen - bárimizdiń besigimiz. Aýylǵa degen qamqorshylyqty memleket ár ýaqytta aldynda ustaýy kerek, qarap otyrýy kerek, jaǵdaı jasaýy kerek», dedi Nursultan Nazarbaev «Habar» arnasyna bergen suhbatynda.

Sońǵy jańalyqtar

Uqsas jańalyqtar