Álem • 12 Qazan, 2019

Ankarada «Tamyry tereń tarıhtan jarqyn bolashaqqa Qazaqstan» atty jıyn ótti

89 retkórsetildi

 

Ústimizdegi jyldyń 10 qazanynda Ankara qalasynda Qazaqstannyń Túrkııadaǵy Elshiligi jáne Strategııalyq zertteý ortalyǵynyń (SDE) uıymdastyrýymen «Tamyry tereń tarıhtan jarqyn bolashaqqa Qazaqstan» atty konferensııa ótti.

Alqaly jıynǵa Qazaqstannyń Túrkııadaǵy Elshisi Abzal Saparbekuly, SDE basshysy Mýhammet Savash Kafkasııaly, Túrkııa Joǵarǵy kassasıalyq sotynyń tóraǵasy Ismaıl Rúshtú Djırıt, Túrkııa Uly Ulttyq májilisi (TUUM) depýtaty Erkan Akchaı, Syrtqy ister mınıstrliginiń ókili Orhan Yshyk, ǵalymdar, stýdentter jáne BAQ ókilderi qatysty.

Konferensııanyń betashar sózinde ortalyq basshysy Mýstafa Savash Kafkasııaly Elbasy Nursultan Nazarbaevtyń jahandyq beıbitshilikke qosqan úlesine toqtala otyryp, Tuńǵysh Prezıdentimizdiń óz ókilettigin toqtatý boıynsha tarıhı sheshimi, sondaı-aq, Astana prosessi týraly oı órbitti.

aNKARA

Egemen elimizdiń qysqa merzimde álemniń syıly memleketteriniń birine aınalǵanyna jáne ártúrli salalardaǵy mańyzdy jetistikterine toqtalǵan TUUM depýtaty E.Archaı Qazaqstannyń túrki memleketteriniń qara shańyraǵy jáne maqtanyshy ekenin basa aıtty. Eki el arasyndaǵy yntymaqtastyq týraly qysqasha baıandaǵan májilis depýtaty Túrki áleminiń rýhanı ortalyǵy Túrkistan týraly da sóz qozǵady.

Túrkııa Joǵarǵy kassasıalyq sotynyń tóraǵasy Ismaıl Rúshtú Djırıt Qazaqstannyń táýelsizdigin alǵash tanyǵan el Túrkııa ekendigin eske sala otyryp, Elbasynyń túrki álemi yntymaqtastyǵyndaǵy roline toqtaldy.

Ashylý saltanatynda sóz sóılegen Elshi A.Saparbekuly Qazaqstannyń ótkenin tarazylap, keleshigine kóz salýǵa arnalǵan jıynnyń uıymdastyrylýyna atasalysqan barshaǵa rızashylyǵyn bildirdi.

Táýelsiz memleketimizdiń tarıhyna qysqasha sholý jasaǵan Qazaqstan Elshisi elimizdiń jetistikterin atap ótti. Jańa Prezıdentimiz Qasym-Jomart Toqaev týraly málimet bergen Elshi A.Saparbekuly Memleket basshysynyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty halyqqa joldaýy týraly egjeı-tegjeıli baıandaı otyryp, Qazaqstannyń Túrki álemimen baılanysy nyǵaıa túsetinin basa aıtty.                Q-J.Toqaevtyń álemge aty shyqqan Qazaqstannyń kópvektorly syrtqy saıasatynyń negizin qalaýshylardyń biri retinde elimizdiń teńgerimdi jáne beıbit syrtqy saıasatyn jalǵastyratynyn jetkizdi.

Saltanatty jıyn SDE tóraǵasynyń orynbasary Alper Tannyń basshylyǵyndaǵy Túrkııa SIM ókili Orhan Yshyk, Hadjy Baıram Ýálı ýnıversıtetiniń oqytýshysy Prof. Húlııa Kasapoǵlý Chengel, Kyrkkale ýnıversıtetiniń oqytýshysy Prof. Mehmet Dıkkaıa jáne Ankara áleýmettik ǵylymdar ýnıversıtetiniń oqytýshysy, qandasymyz dosent Márııam Hakımniń ǵylymı baıandamalarymen jalǵasyn tapty.

FOTO

Túrkııa SIM ókili, Elshi O.Yshyk Qazaqstan men Túrkııa arasyndaǵy qarym-qatynastar týraly baıandama jasady. Elimizdiń Orta Azııadaǵy Túrkııanyń eń mańyzdy strategııalyq áriptesteriniń biri ekendigin atap ótken Orhan Yshyk, Qazaqstannyń Reseı men Qytaı sııaqty alyp memleketterdiń ortasynda ornalasa otyryp, óziniń teńgerimdi saıasaty arqyly qysqa merzimde joǵary jetistikterge qol jetkizgenine nazar aýdardy. Jahandyq saıasatta zaman talabyna saı áreket jasaý mańyzdylyǵyna toqtalǵan SIM ókili, osy turǵyda Qazaqstan Prezıdenti Qasym-Jomart Toqaevtyń halyqqa joldaýy týraly áńgime órbitti.

Qazaqstan men Túrkııa arasyndaǵy mádenı baılanystarǵa erekshe kóńil bólip, árdaıym qoldaý kórsetkeni úshin Elshi A.Saparbekulyna alǵysyn bildirýmen sózin bastaǵan ǵalym H.Chengel tamyry tereńde jatqan mádenı jáne ádebı baılanystarymyz týraly baıandady. Tarıh boıynsha túrki memleketteri arasynda táýelsizdik jolyndaǵy kúreste árdaıym qazaqtardyń alǵa shyqqandyǵyn basa aıtqan Prof. Chengel Alash qozǵalysy jáne jeltoqsan oqıǵalaryna baılanysty aqparat berdi. Qazaq-túrik ádebıetteriniń uqsastyǵyna nazar aýdaryp, ádebıettiń tarıhtaǵy saıası jaǵdaıdy sýretteýdegi mańyzdy roline toqtalǵan ǵalym «Rýhanı jańǵyrý» baǵdarlamasynyń kúlli túrki álemindegi aıryqsha ornyn atap ótti. Qazaq tiliniń óte baı til ekendigine nazar aýdarǵan Hadjy Baıram ýnıversıtetiniń oqytýshysy uly aqyn, aǵartýshy, qazaqtyń jazba ádebıetiniń jáne ádebı tiliniń negizin qalaýshy Abaı Qunanbaıuylynyń 175 jyldyq mereıtoıyn joǵary deńgeıde atap ótý bastamasyn qýanyshpen qarsy alǵandyǵyn jetkizdi. Sondaı-aq, Memleket basshysy Toqaevtyń joldaýda atap ótken mádenıet salasy qyzmetkerlerin qoldaý bastamalary da Prof. H.Kasapoǵlý tarapynan ońdy baǵaǵa ıe boldy.

Egemen elimizdiń ekonomıkalyq saıasatyn zerdelegen Prof. Mehmet Dıkkaıa Qazaqstandaǵy jalpy ekonomıkalyq jaǵdaı, bıznes klımat, ekonomıkalyq ózgerister jáne Túrkııamen saýda-ekonomıkalyq baılanystarǵa toqtaldy. TMD elderi arasynda eń damyǵan naryqtyq ekonomıkasy bar elimizdiń KSRO kezeńinen keıingi jaǵdaıyn sýrettegen ǵalym Qazaqstannyń strategııalyq orny jáne ekonomıkalyq damýy týraly tolyqqandy aqparat berdi. Jahandyq básekege qabilettilik ındeksinde 141 eldiń arasynda Qazaqstannyń 55-shi oryn ıelengendigine nazar aýdarǵan ekonomıst-ǵalym memleketimizdegi bıznes klımatty halyqaralyq kórsetkishter turǵysynan baǵalaı otyryp, jahandyq energetıka naryǵyndaǵy Qazaqstannyń orny týraly baıandady. Qazaqstan men Túrkııa arasyndaǵy saýda aınalymynyń 2 mlrd. dollardan asqanyna jáne túrkitildes memleketter arasynda Túrkııanyń eksportynda Qazaqstannyń ekinshi oryndy ıeletindigine, al ımportynda bolsa birinshi ekendigine nazar aýdara otyryp, Toqaev kezeńindegi Qazaqstannyń damýy týraly oı órbitti.

Túrkııada týyp-ósken qandasymyz Márııam Hakım Memleket basshysy Qasym-Jomart Kemelulynyń joldaýy tóńireginde sóz qozǵady. Jańa Prezıdenttiń joldaý arqyly jaqyn keleshek úshin Qazaqstannyń maqsattaryn aıqyndaǵanyn aıtqan M.Hakım Q-J. Toqaevtyń sybaılas jemqorlyqqa qarsy kúres jáne halyqtyń ál-aýqatyn arttyrýǵa aıryqsha kóńil bóletinin aıtty. Qoǵamdyq dıalog, demokratııa men ádilettilik Toqaev saıasatynyń basym baǵyttarynyń arasynda bolatynyn basa aıtqan ǵalym Qazaqstan Prezıdentiniń eldegi áleýmettik jaǵdaıǵa erekshe kóńil bóletinin alǵa tartty.

Jıyn sońynda sarapshylar konferensııa qatysýshylarynyń suraqtaryna jaýap berdi.

Sońǵy jańalyqtar

Eń qysqa áńgime. Aldabergen Kempirbaı

Eń qysqa áńgime • Búgin, 13:00

Eń qysqa áńgime. Erkeǵalı Beısenov

Eń qysqa áńgime • Búgin, 12:42

Eń qysqa áńgime. Kógedaı Shámerhan

Eń qysqa áńgime • Búgin, 12:39

Eń qysqa áńgime. Jasulan Serik

Eń qysqa áńgime • Búgin, 12:37

Eń qysqa áńgime. Aqjol Qalshabek

Eń qysqa áńgime • Búgin, 12:28

Eń qysqa áńgime. Nurbek Nurjanuly

Eń qysqa áńgime • Búgin, 12:24

Elbasy Takeo Kavamýramen kezdesti

Prezıdent • Búgin, 11:34

Saǵynaıdyń beıiti tabyldy

Aımaqtar • Búgin, 10:52

Aqmolanyń astyǵyna suranys mol

Aımaqtar • Búgin, 10:22

Kúlki kerýeni № 7

Rýhanııat • Búgin, 10:20

Uly dalanyń tarıhy qaıta jańǵyrýda

Qazaqstan • Búgin, 10:09

Atalmaı nege qalsyn Musa aty?!

Rýhanııat • Búgin, 10:01

«Astana» Nıderlandqa attandy

Sport • Búgin, 08:53

Jaqsy dástúr jalǵasady

Rýhanııat • Búgin, 08:49

Alashtanýshy ǵalymnyń belesi

Rýhanııat • Búgin, 08:47

Igilikti eńbek ıesi

Qoǵam • Búgin, 08:46

Namazaly Omashuly: El shejiresi

Rýhanııat • Búgin, 08:42

Taraz shaharyndaǵy tamasha tún

Aımaqtar • Búgin, 08:39

Tuńǵysh Til forýmy ótedi

Qoǵam • Búgin, 08:36

Patrıarhtyń oryndalǵan paryzy

Rýhanııat • Búgin, 08:33

Kedergisiz keleshek

Qoǵam • Búgin, 08:31

Endi mekenjaı anyqtamasyn suramaıdy

Qoǵam • Búgin, 08:29

Joshy hanǵa eskertkish ornatylady

Rýhanııat • Búgin, 08:24

Qazaqtardyń atqa miný mádenıeti

Qazaqstan • Búgin, 08:22

Eýrony satyp alýshylar kóbeıdi

Ekonomıka • Búgin, 08:20

AQR: 14 bankti «saýyqtyrý» kerek pe?

Ekonomıka • Búgin, 08:15

Eń qysqa áńgime. Omarbek Nurdáýlet

Eń qysqa áńgime • Keshe

Kúlki kerýeni № 6

Rýhanııat • Keshe

Eń qysqa áńgime. Aıbek Erejep

Eń qysqa áńgime • Keshe

Eń qysqa áńgime. Islam Qabyluly    

Eń qysqa áńgime • Keshe

Eń qysqa áńgime. Ásel Asqarqyzy

Eń qysqa áńgime • Keshe

Eń qysqa áńgime. Maǵjan Qalymbekuly

Eń qysqa áńgime • Keshe

Eń qysqa áńgime. Edil Anyqbaı

Eń qysqa áńgime • Keshe

Uqsas jańalyqtar