Qazaqstan • 12 Qazan, 2019

Elordalyq QHA kásipkerler keńesiniń otyrysy ótti

69 retkórsetildi

Keshe elordalyq Dostyq úıinde Nur-Sultan qalasy Qazaqstan halqy Assambleıasy kásipkerler keńesiniń otyrysy ótti. Keńes otyrysyna ınvestısııalar jáne kásipkerlikti damytý Basqarmasynyń, Qazaqstan Respýblıkasynyń «Atameken» ulttyq kásipkerler Palatasynyń, «Damý»  AQ qory óńirlik fılıalynyń ókilderi, elordalyq QHA kásipkerleri qatysty.

Moderator bolyp qalalyq Qazaqstan halqy Assambleıasy hatshylyǵynyń meńgerýshisi Lázzat Qusaıynova sóz sóıledi. L. Qusaıynova kirispe sózinde búgingi otyrystyń mańyzdylyǵyna toqtaldy. «Qazaqstan kásipkerleriniń Assosasııasy» ZTB QHA aıasynda qurylǵan úkimettik emes uıym bolyp tabylady. Maqsaty – bıznes salasyndaǵy ınnovasııalyq-ındýstrııalyq joǵary tehnologııalyq jobalardy qoldaý bolyp tabylady. Memleket shaǵyn jáne orta bıznesti damytý úshin qandaı qarjy quraldaryn usynyp jatqandyǵy jóninde tolyq aqparat alý úshin, biz ár túrli salalardan spıkerlerdi shaqyrdyq», – dedi hatshylyq meńgerýshisi.

Budan ári, jıyndy elordalyq QHA Kásipkerler keńesiniń tóraǵasy Farangız Ahmetova jalǵastyrdy «Qazirgi tańda etnomádenı ortalyqtarda kásipkerlik damyp jatyr.  Meniń kásiporynymda túrli etnostardan 80 jas qyzmetker jumys isteıdi. Jas mamandar kásipkerler úshin ótkizilip jatqan forýmdar men jınalystar týraly aqparattardy bilmeıdi. Jaqynda Ázirbaıjan men Koreıada «Atameken» UKP uıymdastyratyn forým ótedi. О́z prezentasııalaryn usyna otyryp, jastar atalǵan is – sharalarǵa qatysa alady», - dedi F. Ahmetova.

Nur-Sultan qalasy Kásipkerler palatasynyń trener-keńesshisi Azamat Ońaıbaev kásipkerlikti qoldaýdyń qarjylyq emes sharalaryna toqtaldy. Kásipkerler Palatasy «Bıznestiń jol kartasy-2020» baǵdarlamasy boıynsha tórt baǵyt aıasynda mynalardy júzege asyrady: shaǵyn jáne orta kásipkerlik sýbektilerin kásipkerlik qyzmet negizderinde oqytý, servıstik qoldaý kórsetý, «Iskerlik baılanystar» jáne «Aǵa senorlar» jobasy.

Otyrys barysynda «Astana Invest» JShS qalalyq ınvestısııalardy damytý ortalyǵynyń basqarýshy dırektory Asqar Sábıtuly, Nur-Sultan qalasynyń «Damý» AQ qory aımaqtyq fılıalynyń klıenttermen jumys jónindegi bas menedjeri Janar Ermahanbetova sóz sóıledi.

Jıyn sońynda pikir almasyp, qoıylǵan suraqtarǵa jaýaptar alyndy.

Sońǵy jańalyqtar

Esik nege «tesik»?

Qoǵam • Keshe

Uqsas jańalyqtar