Qazaqstan • 12 Qazan, 2019

Qazaqstandyq jáne sheteldik dıplomattar aǵash otyrǵyzý aýqymdy aksııasyna qatysty

34 retkórsetildi

Qazaqstandyq jáne sheteldik dıplomattar búkil el boıynsha ótken aǵash otyrǵyzý aýqymdy aksııasyna qatysty. Aksııaǵa 150-den astam adam kelip, onyń ishinde januıa múshelerimen de birge qatysqan 70-ke jýyq dıplomatııalyq korpýs ókilderi de bar.

Elordada kógaldandyrý úshin ártúrli alańdar, atap aıtqanda Uly dala, Shyńǵys Aıtmatov kóshesi, Qazaqstan Táýelsizdiginiń 25 jyldyǵyna arnalǵan monýmenttiń janyndaǵy skver jáne botanıkalyq baq tańdaldy. Onda qaraǵaı, qaıyń, shaǵan, terek, jóke, bórtegúl, úıeńki jáne alma aǵashtary otyrǵyzyldy.

Syrtqy saıası vedomstvoǵa bekitilgen ýchaskede SIM basshysy Muhtar Tileýberdi astanany kógaldandyrý boıynsha aksııaǵa qatysýǵa nıet bildirgen Mınıstrlik qyzmetkerleri men dıplomatııalyq korpýsqa alǵys aıtyp, aksııaǵa qatysýshylarmen birge birneshe aǵash otyrǵyzdy. Sonymen qatar, osyndaı aksııalar júıeli túrde ótkiziletinine senim bildirdi, sebebi bizdiń qalany jasyl jáne gúldendirý óte mańyzdy ekenin atap ótti.

Aǵash

Sondaı-aq, dıplomattarǵa alǵys aıtý úshin is-sharaǵa qala ákimi Altaı Kólginov te kelip qatysty.

Aǵash otyrǵyzý aksııasyna qatysý - bul Nur-Sultannyń ekologııalyq bolashaǵyna óziniń jeke úlesin qosýdyń biregeı múmkindigi ǵana emes, sonymen qatar qalalyqtardy biriktiretin áleýmettik mańyzy bar qyzmet.

Sońǵy jańalyqtar

Uqsas jańalyqtar