Aımaqtar • 12 Qazan, 2019

Sergeı Gromov Maqtaaral aýdanynda qurylysy júrip jatqan PÝID-2 jobasynyń jumys barysymen tanysty

142 retkórsetildi

QR-nyń ekologııa, geologııa jáne tabıǵı resýrstardy paıdalaný vıse-mınıstri Sergeı Gromov jáne QR-nyń ekologııa, geologııa jáne tabıǵı resýrstardy paıdalaný mınıstrligi Sý resýrstary komıtetiniń tóraǵasy Arman Turlybek Túrkistan oblysy Maqtaaral aýdanyna jumys saparymen kelip, jalpy quny 39 mıllıard teńgeni quraıtyn PÝID-2 jobasynyń jumys barysymen tanysty, dep habarlaıdy Maqtaaral aýdany ákiminiń baspasóz qyzmeti.

 

Sýarmaly jer - memleketimizdiń altyn qory desek, aq altynymen tanymal Maqtaaral aýdanyna qarasty 61 myń gektarǵa jýyq egistik alqaptyń barlyǵy da sýarmaly jer ekeni belgili. Sońǵy jyldary jer asty sýlarynyń tez kóterilýi jerdiń sorlanýyna alyp baryp, aýdan sharýalarynyń mol ónim alýyna kedergi keltirip júrgeni úlken máselege aınalǵan edi. Odan qalsa kollektorlyq júıelerdiń tazalanbaýy, kanaldar men aryq-atyz betondarynyń shirýi nemese múlde bolmaýy - egistik alqaptaryna sý jetkizýdi qıyndata tústi. Mine, máseleni sheshý úshin memleketimiz qyrýar qarjy bólip, búgingi tańda PÝID-2 jobasy boıynsha jumystar qarqyndy júrip jatyr.       Maqtaaral aýdanynda PÝID-2 jobasy jalpy 39796 gektar aýmaqty qamtyp, 3 kezeń boıynsha júrgizilýde. Joba aıasynda 223 kanal, 208 sý qashyrtqysy, 149 tik drenaj kúrdeli jóndeýden ótip, qaıta qalpyna keltiriletin bolady.
    Jobanyń I kezeńi boıynsha ázerbaıjandyq "Akılık Grýp" kompanııasy qurylys jumystaryn júrgizip jatyr. Kompanııanyń dırektory Ilham Mamedov men joba jetekshisi Pavel Grasmık jalpy qurylys jumystary 30 aıǵa josparlanǵanyn atap ótti. I kezeń aıasynda Eńbekshi jáne Jańajol aýyldyq okrýgterine qarasty uzyndyǵy 147,18 shaqyrymdy quraıtyn K-11, K-13, K-13A kanaldary tarmaqtarymen birge, 49 dana tik drenaj ben uzyndyǵy 191,6 shaqyrymdy quraıtyn sý qashyrtqylary kúrdeli jóndeýden ótetin bolady. Sondaı-aq, aýdan ortalyǵy Myrzakent kentindegi 4 dana tik drenajdaryn jóndeý de qamtylmaqshy. Joba júzege asqanda Eńbekshi aýyldyq okrýginiń 5350 gektary, Jańajol aýyldyq okrýginiń 2650 gektary jáne Myrzakent kentiniń 8000 gektar aýmaǵy jer asty sýlarynan tazaratyn bolady.

jumys 

Qazirgi tańda jalpy uzyndyǵy 7,2 shaqyrymdy quraıtyn birneshe kanaldarda qurylys jumystary júrgizilip, tolyqtaı aıaqtalǵan. Sondaı-aq, dál osy kezeń aıasynda 44 birlikti quraıtyn jelilik qurylǵylar ornatylyp, 16 dana baqylaý uńǵymalaryna da qurylys jumystary jasalǵan. "Akılık Grýp" kompanııasynyń basshysy qazirgi ýaqytta uzyndyǵy 10,78 shaqyrymdy quraıtyn 6 kanalda qurylys jumystary júrgizilip jatqanyn aıtty.
     Iirjar aýyldyq okrýginiń 7581 gektary, Birlik aýyldyq okrýginiń 4575 gektary jáne Jambyl aýyldyq okrýginiń 4291 gektar alqabyn jer asty sýlarynan tazartý II kezeń boıynsha iske asyrylýda. Ol úshin ırandyq "Týnnel Saad Arıana" kompanııasy qurylys jumystaryn júrgizýde. Kompanııanyń dırektory Babak Novrýzı men joba jetekshisi Golamı Behman jobany iske asyrý 36 aıǵa josparlanǵanyn tilge tıek etip, vıse-mınıstr S.Gromovqa jumys barysy jóninde esep berdi.
    Jalpy II kezeńde 16447 gektar aýmaqtaǵy uzyndyǵy 337,35 shaqyrymdy quraıtyn K-16B, K-18, K-18A kanaldary tarmaqtarymen birge, 100 dana tik drenaj jáne 262 shaqyrymdy quraıtyn sý qashyrtqylary kúrdelý jóndeýden ótetin bolady. Búgingi tańda uzyndyǵy 8,79 shaqyrymdy quraıtyn 7 dana kanalda jáne 3 dana baqylaý uńǵymasynda qurylys jumystary aıaqtalǵan. Al, 2 dana tik drenajdy uńǵymalarynda burǵylaý jumystary jasalyp, qazirgi ýaqytta 10 dana tik drenajǵa qajetti 389 dana joǵary kerneýli elektr baǵandarynyń qurylys-montaj jumystary júrgizilýde eken. Sonymen qatar, 94,58 shaqyrymdy quraıtyn tik drenajdarǵa qyzmet jasaý joldarynyń 19,84 shaqyrymynda, jalpy uzyndyǵy 15,1 shaqyrymdy quraıtyn 11 kanalda qurylys jumystary qarqyndy túrde jasalyp jatyr.

PÝID-2 jobasynyń III kezeńi boıynsha ızraıldik "Tahal Konsaltıng Injınırıng" komanııasy 307,928 shaqyrym kanaldy, 130,391 shaqyrym sý qashyrtqylaryn kúrdeli jóndeýden ótkizýdi 36 aıǵa josparlaǵan. Búgingi tańda K-22 kanalynyń 2200 metr bóliginde eski plıtalaryn buzý  jumystary júrgizilgen. Sondaı-aq, K-22-20, K-22-8, K-22-9, K-22-10 kanaldarynda ósimdik qabaty qyrqylyp, kómý jumystary jasalýda.

 Aıta keteıik, PÝID-2 jobasynyń 3 birdeı kezeńimen tanysyp shyqqan Sergeı Gromov jobaǵa jergilikti jerden jumysshylardy kóptep tartý jáne joǵary jalaqy berilý kerektigin atap ótti. Sondaı-aq, qurylys jumystarynyń sapaly júrgizilýin únemi qadaǵalap turý úshin aýdan ákimi Baqyt Asanovqa tapsyrma berdi.

Sońǵy jańalyqtar

Basylym basshylary - Kórik DÚISEEV (1936-2007)

Basylym basshylary • Búgin, 16:26

«Jas kásipker» – jemisti joba

Aımaqtar • Búgin, 16:06

Basylym basshylary - Balǵabek QYDYRBEKULY (1929-1995)

Basylym basshylary • Búgin, 15:50

Basylym basshylary - Sapar BAIJANOV (1930-1999)

Basylym basshylary • Búgin, 15:27

Basylym basshylary - Uzaq BAǴAEV (1930-1973)

Basylym basshylary • Búgin, 15:12

Irjı Pachınektiń shyny baǵy

Aımaqtar • Búgin, 14:44

Almatyda áli de qar kóshkini qaýpi bar

Aımaqtar • Búgin, 11:42

Dzıýdo: Eýropa kýbogy aıaqtaldy

Sport • Búgin, 10:30

Keleli kelisim kepili

Saıasat • Búgin, 07:34

Kópbalalyǵa járdem de kóbirek

Úkimet • Búgin, 07:32

Jańalyǵy kóp jańa joba

Aımaqtar • Búgin, 07:29

Aýdandar ózin ózi qamtamasyz ete ala ma?

Ekonomıka • Búgin, 07:25

Tıimdi memleketke aparar jol

Qoǵam • Búgin, 07:18

El qorjynyna kezekti joldama tústi

Jeńil atletıka • Búgin, 07:09

Qarasazǵa aqpanda aqqý qondy

Aımaqtar • Búgin, 06:45

О́z teatryn ózgelerge tanystyrady

Aımaqtar • Búgin, 06:40

Esqaranyń Tanıa – Tana ájesi

Rýhanııat • Búgin, 06:40

Uqsas jańalyqtar