Aımaqtar • 13 Qazan, 2019

Kóktóbege Nazarbaev qyzǵaldaqtary men Sıvers almasy otyrǵyzyldy

149 retkórsetildi

«Búgin Jasyl Almaty kógaldandyrý aksııasy aıasynda Kóktóbeniń órt sharpyǵan  bókterinde  Sıvers almasynyń kóshetteri men Qazaqstan, Nursultan Nazarbaev sorttarynyń qyzǵaldaqtary otyrǵyzyldy», dep Almaty habarlaıdy Almaty qalasy ákimdigi baspasóz qyzmeti.   

Kógaldandyrý aksııasyna 500-ge jýyq adam qatyssa, onyń 200-ge jýyǵy stýdentter boldy. Barlyǵy 40 myń Sıvers alma aǵashtary men Qazaqstan, Nursultan Nazarbaev suryptaryndaǵy qyzǵaldaqtardyń 500 myń danasy otyrǵyzyldy.

Almaty qalasy Jasyl ekonomıka basqarmasynyń Jasyl qordy monıtorıngileý jáne basqarý bóliminiń basshysy Oljas Janysbaev osyǵan deıin Medeý shatqalynyń  Mohnatka taýyna 50 myń Sıvers  kósheti otyrǵyzylǵany, endi  Kóktóbe taýyna 35-40 myń túp Sıvers almasy otyrǵyzylǵanyn aıtty. «19 qazanda «Atakentte» 3 myńǵa jýyq aǵash otyrǵyzylady. Odan ári kógaldandyrý jalǵasady, Atletıkalyq aýylda 4 myńǵa jýyq aǵash, Saıaly móltek aýdanynda 2 myń aǵash, Alataý aýdanyndaǵy «Alataý» teatrynyń janynda 700 aǵash, Zerdeli jáne Jas qanat yqsham aýdandarynda tıisinshe 700 jáne 3500 aǵash otyrǵyzylady», - deıdi O. Janysbaev.

 Qalalyq jasyl ekonomıka basqarmasy mamandarynyń aıtýynsha, kóshetterdi otyrǵyzý jumysy arnaıy alańdarda júzege asyrylyp, ár kóshet bir-birinen tórt metr qashyqtyqta ornalastyryldy. Alańdar taýdyń eteginde kaskad boıynsha ornalasqan.

Almaty qalasy ákiminiń orynbasary Erjan Babaqumarov shahar basshysy Baqytjan Saǵyntaevtyń uıytqy bolýymen qolǵa alynǵan Jasyl Almaty kógaldandyrý aksııasynyń mańyzdylyǵyna toqtaldy. «Aksııa bastalǵannan beri ondaǵan myń aǵashtyń kóshetteri otyrǵyzyldy. Bul – qalanyń jasyl qory tolyǵyp, ekologııalyq jaǵdaıy jaqsaryp, aýasy da birshama tazara túsedi degen sóz», - dedi E. Babaqumarov.

Sonymen qatar Almatyny 2030 jylǵa deıin kógaldandyrý úshin qalada jańa saıabaqtar men alańdar ashylmaq.

Kóktóbe taýynyń baýraıy tamyz aıynda bolǵan órtten zardap shekken edi. Búgingi aksııanyń arqasynda botanık Sıverstiń qurmetine atalǵan jabaıy almanyń popýlıasııasy qalpyna keltirilmek.

Sıvers almasy - Raýshangúlder tuqymdasyna jatatyn, sany qysqaryp bara jatqan túr. Qazaqstannyń ońtústigimen ońtústik-shyǵysyndaǵy taý silemderinde kezdesedi. Qazaqstannan tys Qytaıdyń batys bóligi men Orta Azııanyń ońtústik taýlarynda taralǵan. Japyraqty, sırek qylqan japyraqty ormandarda, taý ózeni saılarynda, taý baýraılarynda ósedi. Jıi shaǵyn , derlik ıin tiresken tutas toǵaılar, kóbine jekelegen dalalar men jeke toptar bolyp kezdesedi. Baǵaly taǵamdyq aǵash, taý betkeılerin bekitýshi, kóptegen mádenı sorttyń jabaıy týysy. Jaqsy bal jınaýshy, tyǵyz ósken alma aǵashtary 1 gektardan 25-40 kg bal beredi.

Jalpy, úsh jylǵa josparlanǵan Jasyl Almaty jobasy aıasynda qala boıynsha keminde mıllıon aǵash otyrǵyzý  josparlanǵan.   Bul jumystar eń aldymen, Alataý, Naýryzbaı, Jetisý, Almaly aýdandarynda júrgizilmek. Mamandardyń baǵalaýy boıynsha, qazir Almatyda 2,2 mıllıon aǵash bolsa, onyń 550 myńy aýrý ári apatty jaǵdaıda.

 Gúlbarshyn  AITJANBAIQYZY

«Eqemen Qazaqstan»

 ALMATY

Sońǵy jańalyqtar

Elorda ortalyǵynda avtokólik órtendi

Qazaqstan • 15 Qarasha, 2019

MMA: Jastardyń Bahreınde baǵy jandy

Sport • 15 Qarasha, 2019

Baspasóz róli – basty másele

Ádebıet • 15 Qarasha, 2019

Elordada Farıza Ońǵarsynova kóshesi ashyldy

Qazaqstan • 15 Qarasha, 2019

Qazaqstanǵa sheteldik bankter keledi

Ekonomıka • 15 Qarasha, 2019

Qostanaı fılarmonııasyna 75 jyl toldy

Rýhanııat • 15 Qarasha, 2019

Jańa úlgidegi kólikter

Qoǵam • 15 Qarasha, 2019

Balýandar Tarazda beldesedi

Kúres • 15 Qarasha, 2019

Grand Slam jarysynda beldesedi

Sport • 15 Qarasha, 2019

Meksıkalyqtyń qarsylasy atanýy múmkin

Kásipqoı boks • 15 Qarasha, 2019

О́zbek etnosynyń mádenı kúni atalyp ótti

Aımaqtar • 15 Qarasha, 2019

Qazaqstannyń 700 ártisi Reseıge estafeta joldady

Rýhanııat • 15 Qarasha, 2019

Uqsas jańalyqtar