Qazaqstan • 14 Qazan, 2019

Úılestirý keńesiniń kezekti basqosýy

24 retkórsetildi

Aqparat jáne qoǵamdyq damý mınıstri Dáýren Abaevtyń tóraǵalyǵymen ÚEU-men ózara is-qımyl jónindegi úılestirý keńesiniń kezekti otyrysy ótti.

Keńes otyrysyn asha otyryp, D.Abaev Memleket basshysynyń Qazaqstan halqyna Joldaýynda aıtylǵan tapsyrmalaryn júzege asyrý boıynsha jumystar júrgizetinin, osyǵan baılanysty keńes otyrysynyń kún tártibi Joldaýdyń ózekti trendteri boıynsha qurylǵanyn atap ótti.

«Qasym-Jomart Toqaev óz Joldaýynda áleýmettik saıasat pen azamattyq sektordy damytýǵa basa nazar aýdardy. Osyǵan baılanysty memlekettik organdar men jurtshylyq ókilderiniń memlekettik organdardyń halyqpen ózara is-qımyl mehanızmderin jetildirýdegi birlesken jumysy qajet bolyp otyr», dep atap ótti D.Abaev.

Keńes otyrysyna qatysýshylar qylmystyq-atqarý júıesin damytýdyń 2019 - 2023 jyldarǵa arnalǵan Jol kartasyn jáne polısııa qyzmetine qoǵamdyq baqylaýdy kúsheıtý jónindegi Jol kartasyn iske asyrý, Azamattyq baqylaý quraldaryn engizý jáne memlekettik fýnksııalardy kommersııalyq emes sektorǵa berý máselelerin talqylady.

Sondaı-aq Aqparat jáne qoǵamdyq damý mınıstrligi 2025 jylǵa deıin Azamattyq qoǵamdy damytý tujyrymdamasynyń jobasynda ÚEU, qoǵamdyq keńester, saraptamalyq qoǵamdastyq, azamattyq belsendilerdi keńinen tarta otyryp, azamattyq baqylaý júıesin engizý, memlekettik fýnksııalardy úkimettik emes sektorǵa berý prosesiniń belsendi fazasyna kóshý jáne t.b. sharalar kózdelgenin habarlaıdy.

Negizgi baıandamashylar «Qazaqstanda par­lamentarızmdi damytý qory» QQ prezıdenti, «Desenta» QQ dırektory,  Sybaılas jem­qor­lyqqa qarsy is-qımyl agenttiginiń, Ulttyq ekonomıka, Densaýlyq saqtaý mınıstrlikteriniń ókilderi boldy.

Keńes otyrysynyń jumysyna iri ÚEU basshylary men ortalyq memlekettik organdardyń ókilderi qatysty. Sondaı-aq keńes otyrysyna beınekonferensııa baılanysy rejiminde óńirler qosyldy.

AQDM janyndaǵy Úılestirý keńesi otyrysynyń qorytyndysy boıynsha ÚEU men memlekettik organdardyń ózara is-qımylyn odan ári jetildirý boıynsha usynystar ázirlendi.

 

Sońǵy jańalyqtar

Jańa úlgidegi kólikter

Qoǵam • Keshe

Oqyrmanmen oı bólisti

Rýhanııat • Keshe

Qııanatqa qarsy turǵan gazet

Rýhanııat • Keshe

Jemqorlyq jerge qaratady

Qoǵam • Keshe

«Bir synaǵan jamandy...»

Aımaqtar • Keshe

Erli-zaıyptylardyń erligi

Aımaqtar • Keshe

El ıgiligin eselegen jan

Rýhanııat • Keshe

Teńgeniń tegeýrini

Qarjy • Keshe

Senim kapıtaly

Ekonomıka • Keshe

Shymkenttiń úlgili otbasylary anyqtaldy

Aımaqtar • 14 Qarasha, 2019

Almatyda páter balldyq júıemen beriledi

Aımaqtar • 14 Qarasha, 2019

Uqsas jańalyqtar