BIRDE...
Dańqty kınoaktrısa Djeın Fond ataqty rejıssermen ońashada tamaqtanyp otyryp:
– Taǵy da kıno túsiremisiz? – dep surap qalady.
– Joq. Kınomen qosh aıtysamyn. Memýar jazýǵa otyramyn.
– Solaı ma?! Onda sanymdy sıpalamaı jaıyńyzǵa otyryńyz!..
* * *
Bir synshy sýretshi Rafaeldiń sýretterin synap maqala jazyp jarııalap, ile-shala Rafaelge: «Qymbatty Rafael, meniń maqalamdy oqyǵan bolarsyz. Ol bizdiń dostyǵymyzdy buzýǵa sebep bolmas dep úmittenemin» dep hat jazyp jiberedi.
Rafael de kidirtpeı: «Qymbatty dos, kezikken mezette murnyńdy bet qylamyn! Men de ol bizdiń dostyǵymyzdy buzýǵa sebep bolmas dep úmittenemin» dep qaıyra hat jazyp jiberipti.
* * *
О́ner juldyzy Sofı Lorennen reporter:
– Siz altynshy kúıeýińizben qaı jerde tanystyńyz? – degende:
– Ań aýlap júrip ol meniń besinshi kúıeýimdi atyp tastaǵan sátte tanystym, – degen eken.
***
Teatr rejısseri Isaak Melamed qaıtys bolyp, ony sońǵy saparǵa shyǵaryp turyp artıst Iýrıı Olesha:
– Búgingi aǵyl-tegil qımastyq sózimizdi ol kózi tirisinde estigende áli de biraz jyl ómir súrer edi... – depti.
***
Ázilkesh Trıstan Bernar birde meıramhananyń tamaǵyna kóńili tolmaı esep aıyrysyp jatyp aspazshyǵa:
– Bastyǵyńdy shaqyrshy, – deıdi.
Kelgen bastyqqa:
– Osynda kópten kelip júrýshi edim, al qushaqta meni! – deıdi.
– Neǵyp?
– Endi meniń qaramdy da kórmeısińder! Sondyqtan qoshtasaıyq, – degen eken.
