Taraptar parlamentaralyq yntymaqtastyqty nyǵaıtý máselelerin, sondaı-aq bolashaqtaǵy birlesken is-sharalar jospary týraly talqylady.
Sonymen birge, Nurlan Nıgmatýlın men Gabrıela Kýevas Barron halyqaralyq kún tártibindegi kóptegen máseleler boıynsha elder arasyndaǵy yntymaqtastyqtyń qajetti elementi retinde parlamenttik quramnyń mańyzdylyǵyn atap ótti.
Osyǵan baılanysty, Májilis Tóraǵasy men PAO basshysy Nur-Sultan qalasynda ótken Eýrazııa elderi Spıkerleriniń 4-shi keńesiniń nátıjelerin joǵary baǵalap, Parlamentaralyq Odaq Assambleıasynyń 141-shi otyrysynda Halyqaralyq quqyqty nyǵaıtý: parlamenttiń róli men tetikteri, jáne aımaqtyq yntymaqtastyqtyń úlesi taqyrybynda talqylanyp jatqan máseleler qatysýshylardyń erkin pikir almasyp, óz elderiniń tájirıbelerimen bólisýge jáne saıası dıalogty damytýǵa yqpal etetin tetikterdi qurýǵa múmkindik beretinine senim bildirdi.
Bıyl 130 jyldyq mereıtoıyn atap ótken Parlamentaralyq odaqtyń quramyna qazirgi ýaqytta 179 ulttyq parlament pen birqatar halyqaralyq parlamentaralyq birlestikter kiredi.
