Rýhanııat • 14 Qazan, 2019

«Otyrar sazy» orkestiriniń jańa maýsymy ashylady

83 retkórsetildi

18 qazanda Jambyl atyndaǵy Qazaq memlekettik fılarmonııasynyń Úlken zalynda Halyq Qaharmany, KSRO halyq ártisi, Memlekettik syılyqtyń laýreaty N.Tilendıev atyndaǵy «Otyrar sazy» akademııalyq folklorlyq-etnografııalyq orkestriniń jańa konserttik maýsymynyń shymyldyǵy ashylady.

Asa daryndy kúı óneriniń sheberi, mýzyka ónerinde qaıtalanbas iz qaldyrǵan kompozıtor Nurǵısa Atabaıuly Tilendıev ujym aldyna bıik maqsattar qoıyp, orkestrdi iri dramalyq oılardy jetkize alatyn, múmkindigi keń ujym qataryna kótergen edi.  Búginde orkestrge N.Tilendıevtiń qyzy, QR eńbek sińirgen qaıratkeri  Dinzýhra Tilendıeva jetekshilik etedi. Qazaq ulttyq mýzyka aspaptarynyń asa baı jınaǵymen tanystyrýǵa múmkindik beretin N.Tilendıev atyndaǵy orkestrdiń bas dırıjeri D.Tilendıeva áke jolyn jalǵap qana qoımaı, ujym óneriniń jańa belesin zamanaýı mýzyka talabyna oraı repertýaryn baıytyp, jetildire bildi. Konsertte Qazaqstannyń eńbek sińirgen qaıratkerleri Músilim Ámze men Jalǵasbek Begendikov te dırıjerlik jasaıdy. Konsertte Qazaqstan kompozıtorlarynyń shyǵarmalary oryndalyp, Qazaqstannyń eńbek sińirgen qaıratkeri Gúlzat Dáýiraeva, halyqaralyq baıqaýlarlardyń laýreaty Farhat Kýbıev, Nurjan Janpeıisov, Nursultan Shatyrhanuly, Oleg Tatamırov, Ásem Áýbákirova, Ábilqaıyr Beısekov óner kórsetedi.

«Otyrar sazy» orkestrinde baıyrǵy qazaq aspaptary – dombyra men qobyzdan basqa da, jetigen, sherter, shańqobyz, mesqobyz, syrnaı men sazsyrnaı, sybyzǵy, sondaı-aq urmaly aspaptar – asataıaq, daýylpaz, tuıaqtas, qońyraý, qaıraq ún qatady. Osyndaı dybystardyń alýan túrliligi orkestrge ulttyq folklordyń baı tóltýma úlgilerin keńinen kórsetýge múmkindik beredi.

Orkestr Qazaqstan qalalarynda ǵana emes, sonymen qatar alys-jaqyn shet elderde – Irakta, Marokkoda, Vetnamda, Soltústik Koreıada, Germanııada, Ispanııada, Túrkııada, Saýd Aravııasynda, Iordanııada, Fransııa  jáne basqa da kóptegen elderde gastroldik saparda bolyp, konsertter berdi.

 

ALMATY

 

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Uqsas jańalyqtar