Álem • 14 Qazan, 2019

Túrki keńesi sammıtiniń kún tártibi pysyqtaldy

51 retkórsetildi

Baký qalasynda Túrki tildes memleketterdiń yntymaqtastyq keńesiniń VII sammıti qarsańynda Syrtqy ister mınıstrleri keńesiniń otyrysy ótti.

Bul is-sharaǵa Qazaqstannyń syrtqy ister mınıstri Muhtar Tileýberdi qatysty. Mınıstrler kezdesýi dástúrli túrde Túrki keńesi memleketteri basshylarynyń kezdesýlerin uıymdastyrý jáne sheshimderin ázirleý barysyn, sammıttiń mazmunyn talqylaý maqsatynda ótti. Osy jolǵy otyrysta mınıstrler kún tártibin jáne memleket basshylary keńesinde qol qoıylatyn qorytyndy qujattardyń jobalaryn kelisti.

Basqosýdyń basynda Qyrǵyzstannyń Syrtqy ister mınıstri Shyńǵys Aıdarbekov sóz alyp, kezekti Sammıtti joǵary deńgeıde uıymdastyryp jatqan Ázerbaıjan tarapyna meımandostyǵy úshin alǵysyn bildirdi. Ol Túrki keńesine Qyrǵyzstannyń tóraǵalyq etken kezeńinde О́zbekstannyń uıymǵa tolyqqandy múshe atanǵanyna qýanyshty ekenin aıtyp, О́zbekstannyń Syrtqy ister mınıstri Abdýlazız Kamılovty quttyqtady. Sondaı-aq Qyrǵyzstan mınıstri bul jańalyqtyń ortaq maqsat aıasynda jumylǵan jumystardy ilgeriletýge septigin tıgizetinine senim bildirip, aldaǵy ýaqytta Túrkimenstan da О́zbekstannyń izimen Túrki keńesiniń aıasyn keńeıtedi dep úmit artty.

Buǵan qosa Shyńǵys Aıdarbekov endigi jyly Ázerbaıjannyń Túrki keńesine abyroımen tóraǵalyq etýine tileýles ekenin aıtty.

Otyrysta kezekti Sammıtke arqaý bolyp otyrǵan shaǵyn jáne orta bıznesti damytý taqyryby jan-jaqty talqylandy. Sońynda mınıstrler 2019 jylǵy 19 qyrkúıekte Vengrııanyń Býdapesht qalasynda ashylǵan Túrki keńesi ókildiginiń qyzmetin retteıtin birqatar qujatqa qol qoıdy. Atalǵan qujattar jańa túrki uıymdarynyń uıymdastyrýshylyq jáne qarjylyq qyzmetin úılestiredi. Bul Túrki álemi memleketteri men halyqtarynyń ıgiligi úshin odan ári jemisti jumys júrgizýge yqpal etedi.

Sondaı-aq mınıstrlerdiń sheshimimen Vengrııaǵa Túrki mádenıeti men murasy qory janyndaǵy baqylaýshy mártebesi berildi.

2009 jyly Ázerbaıjannyń Nahchyvan qalasynda Qazaqstannyń Tuńǵysh Prezıdenti – Elbasy Nursultan Nazarbaevtyń bastamasymen Túrki tildes memleketterdiń yntymaqtastyq keńesi quryldy. Túrki keńesiniń hatshylyǵy Túrkııanyń Ystambul qalasynda ornalasqan. Keńeske múshe Ázerbaıjan, Qazaqstan, Qyrǵyzstan, Túrkııa memleketteriniń qatary osy joly О́zbekstanmen tolyǵyp jatyr.

Sońǵy jańalyqtar

Sý basý qaýpi joq

Qoǵam • Búgin, 07:40

MÁMS: qanatqaqty joba oń nátıjesin berdi

Medısına • Búgin, 07:34

Baspanaly bolyp, baqytqa bólendi

Baǵdarlamalar • Búgin, 07:32

Ábishtanýdyń áz álipbıi

Rýhanııat • Búgin, 07:20

Ajyramas dúnıeniń adamy...

Rýhanııat • Búgin, 07:17

Syrdaǵy dostyq merekesi

Aımaqtar • Keshe

Kúlki kerýeni № 19

Rýhanııat • Keshe

Uqsas jańalyqtar