Rýhanııat • 14 Qazan, 2019

Qurmanǵazy orkestriniń 85 jyldyq mereıtoıyna arnalǵan saltanatty konsert ótedi

53 retkórsetildi

Almaty men Nur-Sultan qalalarynda Qurmanǵazy orkestriniń 85 jyldyq mereıtoıyna arnalǵan saltanatty konsert ótedi. Bul týraly Mádenıet jáne sport mınıstrliginiń baspasóz qyzmeti habarlady. 

15 qazan kúni Almaty qalasyndaǵy Respýblıka saraıynda jáne 30 qazanda Nur-Sultan qalasyndaǵy «Qazaqstan» ortalyq konsert zalynda Qurmanǵazy orkestriniń 85 jyldyq mereıtoıyna arnalǵan saltanatty konsert ótedi.

Saltanatty konsertte aty álemge áıgili Qurmanǵazy orkestrimen KSRO halyq artısi B.Tólegenova, Qazaqstannyń halyq artısteri N.Núsipjanov, M.Júnisova, A.Qorazbaev, N.Úsenbaeva, Qazaqstannyń eńbek sińirgen qaıratkerleri S.Baıǵojın, T.Asar, A.Qosanova, B.Myqtybaev, S.Maıǵazıev jáne taǵy da basqa óner maıtalmandary sahna tórine shyǵady.

Aıta keteıik, kezinde Qazaqstan Respýblıkasynyń Tuńǵysh Prezıdenti – Elbasy N.Á. Nazarbaev «Qazaqtyń injý – marjany» - dep ataǵan orkestr búginde búkil álemge halqymyzdyń mýzykalyq ónerin, biregeı mýzykalyq aspaptaryn jáne Uly dala áýeniniń pák sulýlyǵyn tanytyp keledi.

Orkestrdiń shet memleketterdegi Qazaqstannyń mádenıet kúnderinde, álemniń úzdik zaldaryndaǵy jeke shyǵarmashylyq gastrolderinde, sondaı-aq Qazaqstan Respýblıkasy Prezıdentiniń qatysýymen memlekettik konsertterde laıyqty deńgeıde óner kórsetip kele jatqany barshaǵa málim.

Qurmanǵazy orkestri Qazaqstannyń aspaptyq mýzykalyq óner tarıhynda biregeı ári tuńǵysh orkestr. Ol búkil álemge qazaq halqynyń mýzykalyq ónerin, biregeı qazaq mýzykalyq aspaptaryn jáne dala áýenimen sulýlyǵyn tanytqan ujym.

Orkestr resmı túrde 1934 jyldyń 23 sáýirinde QazSSR Aǵartý halkomy №425 buıryǵymen qyzmetin bastaǵan. Dál sol kúni Ahmet Jubanov orkestrdiń dırıjeri jáne kórkemdik jetekshisi qyzmetine taǵaıyndalǵan. Orkestrdiń trıýmfaldy qoıylymdary 1936 jáne 1958 jyldary KSRO Úlken teatrynda 2-shi qazaq óneriniń onkúndiginiń qorytyndy konsertinde, 2006 jyly orkestrdiń negizin salǵan Ahmet Jubanovtyń 100 jyldyq mereıtoıyna arnalǵan Parıjde IýNESKO shtab-páteriniń Úlken Zalynda, Evropa, Amerıka, Qytaı Halyq Respýblıkasy, Qazaqstan jáne BUU elderiniń iri qalalarynda bolǵan gastroldik konsertterde boldy.

1953 jyly Býharestte (Rýmynııalyq halyqtyq respýblıka) Shamgon Qajyǵalıevtyń jetekshiligimen orkestr demokratııalyq jastar jáne stýdentterdiń Búkilálimdik IV festıvaliniń laýreaty atandy jáne altyn medalmen marapattaldy. 1944 jyly qurylǵanyna 10 jyl tolýyna oraı orkestrge áıgili kúıshi Qurmanǵazy esimi berildi, 1967 jyly – «QR eńbek sińirgen ujymy», 1978 jyly – Akademııalyq orkestr ataǵy berilgen. Al 1984 jyly Orkestr «Halyqtar dostyǵy» ordenimen marapattaldy.

Ár jyldary orkestr quramynda qazaq óneriniń áıgili mýzykanttary – orkestr shejiresinde esimderi altyn áriptermen jazylǵan oryndaýshylar men dırıjerlar eńbek etti. Solardyń ishinde erekshe qurmetke ıe tulǵa, Orkestrdiń uıymdastyrýshysy, birinshi kórkemdik jetekshisi, basty dırıjeri – Qazaqstannyń halyq artısti, kompozıtory, akademık, professory Ahmet Qýanuly Jubanov.

Kezinde orkestrge Muqan Tólebaev, N.Tilendıev, A.Myrzabekov, L.A. Hamıdı, Q.Mýsın, L.M. Shargorodskıı dırıjerlik etti. 1950 jyldan orkestrdiń kórkemdik jaǵyn Sh.S. Qajyǵalıev (1950 – 60; 1964 – 68 jáne 1971 jyldan) basqaryp, bas dırıjeri boldy. Orkestrdiń qazirgi Bas dırıjeri- Abylaı Tlepbergen. О́ner ujymynyń repertýarlyq qorynda 4000-nan asa týyndy bar.

Sońǵy jańalyqtar

Táýelsizdik – tuǵyrym

Aımaqtar • Búgin, 17:01

Arhıv ǵımaratyna eskertkish taqta ornatyldy

Rýhanııat • Búgin, 16:43

Jas otbasylar baspanaly boldy

Aımaqtar • Búgin, 16:16

Kúlki kerýeni № 25

Rýhanııat • Búgin, 12:49

Almatyda patrıottyq ánder keshi ótti

Rýhanııat • Búgin, 10:16

BQO-da jastar syılyǵy tabystaldy

Aımaqtar • Búgin, 10:01

Irgeli jobalar júzege asty

Qoǵam • Búgin, 07:47

Jastardy jete tanýǵa jol ashty

Qoǵam • Búgin, 07:46

Qoldaý ǵylymǵa qajet

Qoǵam • Búgin, 07:39

Pleı-off kezeńine shyqqandar belgili

Fýtbol • Búgin, 07:37

Apta úzdigi atandy

Hokkeı • Búgin, 07:35

«Altyn tobylǵy» ıegerleri anyqtaldy

Rýhanııat • Búgin, 07:33

Súıispenshiliktiń anasy – yqylas

Rýhanııat • Búgin, 07:26

О́nim men ósim eselendi

Aımaqtar • Búgin, 07:18

Tartymdylyq tereńdeı túspek

Aımaqtar • Búgin, 07:16

Úlken ómir jolynyń kezeńderi

Ekonomıka • Búgin, 07:13

Shardara GES-i tolyq jańǵyrady

Ekonomıka • Búgin, 07:05

Nagradalar tapsyryldy

Qoǵam • Búgin, 06:57

«Klassıktiń keshikken mahabbaty»

Kıno • Búgin, 06:51

Uqsas jańalyqtar