Qazaqstan • 14 Qazan, 2019

Tokıo-2020: Ulttyq qurama sportshylarynyń kıim úlgisine baıqaý jarııalandy

49 retkórsetildi

Qazaqstan Respýblıkasynyń Ulttyq Olımpıadalyq komıteti 2020 jyly Tokıoda ótetin Jazǵy Olımpıada oıyndaryna qatysatyn ulttyq qurama sportshylarynyń kıim úlgisine ashyq baıqaý jarııalaıdy. Bul týraly komıtettiń baspasóz qyzmeti habarlady. 

«Biz olımpıadashylardy ádemi formamen qamtamasyz etip qana qoımaı, talantty sheberlerdi, sýretshiler men dızaınerlerdi qoldap, zamanaýı sporttyq kıimder shyǵarýda jańa tendensııalardy qoldanýyna múmkindik berip, elimizdegi olımpıadalyq qozǵalysqa nazar aýdartqymyz keledi», deıdi Qazaqstan UOK.

Baıqaýǵa ótinimder 2019 jyldyń 14 qazanynan 14 qarashasyna  deıin qabyldanady. Kelip túsken barlyq jumystar Qazaqstan UOK resmı saıty men áleýmetti jelidegi paraqshalarynda jarııalanady.

Jeńimpazdy jankúıerler pikirin eskere otyryp, arnaıy komıssııa quramy anyqtaıdy. Oǵan Qazaqstan UOK men Qazaqstan Respýblıkasynyń Mádenıet jáne sport mınıstrliginiń ókilderi, sport qaıratkerleri men el namysyn qorǵap júrgen sportshylar kiredi. Qazaqstan ulttyq quramasynyń paradtyq jáne sporttyq kıim úlgisi boıynsha eń jaqsy dızaın ıdeıasynyń avtorlary aqshalaı syılyqtarǵa ıe bolady.

Baıqaý nátıjesi 2019 jyldyń 23 qarashasynda Olympic.kz saıtyna shyǵady. Al erejelermen silteme arqyly tanysýǵa bolady. 

Eske sala keteıik, 2020 jyldyń 24 shilde men 9 tamyz kúnderi Japonııa astanasy Tokıo qalasynda XXXII jazǵy Olımpıada oıyndary ótedi. 

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Qoldaý ǵylymǵa qajet

Qoǵam • Keshe

Apta úzdigi atandy

Hokkeı • Keshe

Uqsas jańalyqtar