Qoǵam • 14 Qazan, 2019

B.Saparbaev BQO pedagogtaryna kásiptik bilim berý sapasyna erekshe kóńil bólýge keńes berdi

31 retkórsetildi

Batys Qazaqstan oblysyna jumys sapary barysynda Premer-Mınıstrdiń orynbasary Berdibek Saparbaev pedagogıkalyq qoǵamdastyqpen kezdesý ótkizdi, onda bilim berý salasyn damytý máseleleri talqylandy. Bul týraly primeminister.kz habarlady. 

Vıse-premer muǵalimderge Prezıdenttiń Joldaýda alǵa qoıǵan mindetterin júzege asyrý sharalary týraly aıtyp berdi, bilim berý salasyn qoldaý, pedagogtardyń quqyqtaryn qorǵaý jáne jalaqysyn kóterý baǵytynda atqarylyp jatqan aýqymdy jumystarǵa nazar aýdardy.

«Baqytymyzǵa oraı, bizdiń elde daryndy balalar óte kóp. Bul ‒ bizdiń bolashaǵymyz. Biz olardy qoldaýǵa tıispiz. Muǵalimderge úlken jaýapkershilik júktelgen, eger sizder óz mindetterińizdi shyn kóńilmen atqarsańyzdar, bizdiń balalar úlken bıikterge jetedi. Kóp nárse sizderge baılanysty», dedi B. Saparbaev.

Ol muǵalimder men ata-analar arasyndaǵy ózara baılanystyń álsiz deńgeıin atap ótti, ony túzetý qajet. Sonymen qatar, oqýshylardy adamgershilikke tárbıeleýge, olardyń ispen shuǵyldanýyna jáne eńbekke tartylýyna kóp kóńil bólý kerek.

«Biz balalardy eńbekke úıretýimiz kerek. Balalar bos ýaqyttaryn barynsha tıimdi ótkizýi kerek. Eger balalar sportpen, ónermen aınalyssa, túrli úıirmeler men seksııalarǵa qatyssa, olardyń denderi saý, tárbıeli, bilimdi bolady, eń bastysy, olar quqyq buzýshylyq áreketterin jasamaıdy. Bizde kóptegen sport jáne mádenı nysandar bar. Úkimet olardy balalarǵa qoljetimdi etý úshin jumys jasap jatyr. Jastardy salaýatty ómir saltyna jappaı tartý kerek. Buǵan ata-analar da óz úlesterin qosýy kerek. Mektep dırektorlary men synyp jetekshileri ata-analarmen tyǵyz baılanys ornatyp, balalarmen kásiptik baǵdarly jumystar júrgizýi kerek», dedi vıse-premer.

Sondaı-aq ol elimizdegi orta arnaýly oqý oryndarynyń orynsyz jumysyna toqtaldy.

«Bizdiń kolledjder olardaǵy jumyspen qamtylý deńgeıi 90% jáne odan joǵary degen statıstıka beredi. Shyndyǵynda, bul nólge teń. Biz ár túlektiń jumysqa ornalasýy zeınetaqy jarnalary týraly anyqtamamen rastalatyn tájirıbeni engizdik, biraq budan da shyǵýdyń jolyn tapty. Bir aıǵa jumysqa turady, aýdarymdar túsken soń, qaǵaz alyp keldi jáne sonymen máseleni jaýyp qoıady. Sondyqtan bizde barlyq jerde kadr tapshylyǵy bar. Bizde bos jumys oryndary suranysqa qaraǵanda kóbirek. Bundaı jaǵdaı oryn almaýy kerek», dedi Berdibek Saparbaev.

Sondaı-aq ol kásiptik bilimniń sapasyna erekshe nazar aýdarý qajet ekenin aıtty, kompanııalarda jas mamandarǵa suranys týdyrý úshin onyń deńgeıin arttyrý qajet.

О́ńirge jumys sapary barysynda vıse-premer jurtshylyqpen, belsendi jastarmen, eńbek ardagerlerimen, densaýlyq saqtaý salasynyń qyzmetkerlerimen kezdesýler ótkizdi, sondaı-aq birqatar áleýmettik nysandardy aralap kórdi.

Sońǵy jańalyqtar

Táýelsizdik – tuǵyrym

Aımaqtar • Keshe

Jas otbasylar baspanaly boldy

Aımaqtar • Keshe

Kúlki kerýeni № 25

Rýhanııat • Keshe

Qoldaý ǵylymǵa qajet

Qoǵam • Keshe

Apta úzdigi atandy

Hokkeı • Keshe

Uqsas jańalyqtar