Ekonomıka • 14 Qazan, 2019

AQSh-tan kelgen ınvestorlar qazaqstandyq 10 jobany qarjylandyrdy

84 retkórsetildi

«Kazakh Invest»  ulttyq kompanııasy amerıkalyq ınvestorlar qazaqstandyq jobalarǵa 718 mln dollar qarjy quıǵanyn habarlady.

«Otandyq on jobany júzege asyrý úshin amerıkalyq ınvestorlar 718 mln dollar saldy. Onyń ekeýi aýyl sharýashylyǵy salasynda, ekeýi mashına jasaý ónerkásibi boıynsha, taǵy ekeýi farmasevtıka, bireýi aqparattyq tehnologııa, taǵy biri hımııa-metallýrgııa baǵytynda», dedi ulttyq kompanııadan. 

AQSh-tyń  qarjylandyrylatyn jobalar Almaty, Aqtóbe, Atyraý oblystary men Shymkent qalasynda iske qosylady.  2023 jylǵa deıin on kásiporynnyń tórteýi jumys isteı bastaıdy. «Al qalǵan alty óndiris kesheniniń ashylý ýaqyty jýyrda anyqtalady», deıdi  «Kazakh Invest»  ulttyq kompanııasy  taratqan habarlamada.  

Atalǵan zaýyttar tolyǵymen iske qosylsa 1,5 myń adam jumyspen qamtylady. «Al ózge memleketterden keletin mamandar sanyn zań sheńberinde kásiporyn basshylary bekitedi», dedi ulttyq kompanııa mamandary. 

Jospardaǵy on jobanyń altaýy Qytaı men TMD memleketterine ónim eksporttaýǵa baǵyttalǵan. Atap aıtsaq, shetelge et, hanbalyq, bolattan jasalǵan bólshekter, sýarý júıelerin shyǵarý josparlanǵan. 

2018 jyldyń qorytyndysy boıynsha QR men AQSh arasyndaǵy taýar aınalymy 37,3 prosentke ósip, 2,2 mlrd dollardy quraǵan.

Qazaqstan ekonomıkasyna quıylǵan amerıkalyq ınvestısııalardyń jalpy kólemi 44,7 prosentke ósip, 5,3 mlrd dollardy qurap, jańa absolıýtti rekordty ornatty.

Sońǵy jańalyqtar

Dzıýdo: Búgin júlde buıyrmady

Kúres • Búgin, 18:33

Elordada «Abaı álemi» ortalyǵy salynady

Rýhanııat • Búgin, 18:06

Prezıdent ákimdermen keńes ótkizdi

Prezıdent • Búgin, 17:55

Prezıdent qar tazalaý chellendjin qoldady

Prezıdent • Búgin, 09:19

Azyq-túlik baǵasy alańdatady

Parlament • Búgin, 08:12

Uqsas jańalyqtar