Kezdesý barysynda taraptar Qazaqstan men Sıngapýr arasyndaǵy qazirgi jaǵdaıdy jáne saıası, saýda-ekonomıkalyq salalar boıynsha perspektıvalyq jobalardy, sonymen qatar, sıfrlandyrýǵa qatysty birlesken is-qımyl máselelerin talqylady.
Eki el arasynda dostyq qarym-qatynas ornaǵanyn aıtqan Qasym-Jomart Toqaev qazan aıynda Erevanda ótken JEEO sammıtinde Sıngapýr Premer-mınıstri Lı Sıan Lýnmen keleli kelissóz jasaǵanyn jetkizdi. Sondaı-aq Memleket basshysy Sıngapýr Prezıdenti Halıma Iаkobke óziniń sálemin jetkizýdi ótindi.
– Men Sıngapýr Prezıdentin burynnan tanımyn. Ekeýmiz de óz elderimizdiń Parlamentterinde spıker qyzmetin atqardyq. Men onyń Memleket basshysy bolǵanyna óte qýanyshtymyn,– dedi Qasym-Jomart Toqaev.
О́z kezeginde Teo Chı Hın Qasym-Jomart Toqaevqa Sıngapýr Prezıdenti men Premer-mınıstriniń aqjarma tilegin jetkizdi. Sonymen qatar eki el arasyndaǵy baılanystardy odan ári nyǵaıta berýge nıetti ekenin atap aıtty.
