Parlament • 14 Qazan, 2019

Parlament Senatynyń depýtattary Nazarbaev Ýnıversıtetinde boldy

171 retkórsetildi

Darıǵa Nazarbaeva bastaǵan Parlament Senatynyń depýtattary Nazarbaev Ýnıversıtetinde boldy. Oqytýshylar men oqýshylar senatorlarǵa ózderiniń jetistikteri týraly aıtyp, bolashaq josparlarymen bólisti. Bul týraly Parlament Senatynyń baspasóz qyzmeti habarlady. 

Nazarbaev Ýnıversıtetiniń prezıdenti Shıgeo Katsýdyń aıtýynsha, stýdentter ózderiniń ıdeıalary men jobalaryn túrli mekemeler men memlekettik qurylymdarǵa usynyp otyr. Medısına, ekologııa, ǵylym, bilim berý, qaýipsizdik salalarynda ondaǵan iri ǵylymı jańalyqtar tabysty paıdalanylyp keledi.

Stýdentter senatorlarǵa Balqash kólindegi sýdyń sapasy men quramy zerthanada qalaı zerttelip jatqanyn kórsetti. Joǵary oqý ornynyń stýdentteri sondaı-aq óz zertteýleri emdeý mekemelerindegi aýyr naýqastarǵa, onyń ishinde onkologııalyq syrqattarǵa dıagnoz qoıýda dárigerlerge kómektesetinin aıtty.

Senat depýtattary ýnıversıtet aýmaǵynda ornalasqan tehnoparkte de boldy. Ol Nazarbaev Ýnıversıtetinde jumys isteıtin joǵary tehnologııalyq ınnovasııalyq kompanııalardy ornalastyrý úshin qurylǵan.

Senatorlar sandyq 3D-gologramma jasaýshylarymen áńgimelesti. Tehnologııa kez kelgen ǵımaratty sandyq nusqaǵa kóshirýge jáne ony syrtqy jaǵynan ǵana emes, ishki jaǵynan da 3D-sıpatynda egjeı-tegjeıli kórsetýge múmkindik beredi. Depýtattarǵa sondaı-aq topyraqty munaıdan tazartýmen, aǵyndy sýǵa taldaý júrgizýmen jáne taǵy basqa jumystarmen aınalysatyn kompanııa tanystyryldy.

Senat depýtattary sol kúni Astana Hub halyqaralyq tehnoparkinde boldy. Munda salyq jeńildikterin paıdalanatyn 130 IT-kompanııa jumys isteıdi. 690 startap ınkýbasııalyq jáne akselerasııalyq baǵdarlamalarǵa qatysty.

Senatorlarǵa qazirgi zamanǵy halyqaralyq oqytý ádistemesi qoldanylatyn baǵdarlama jasaýdyń jańa mektebi tanystyryldy. Onda stýdentter bir-birin oqytýshynyń qatysýynsyz oqytady.

Depýtattarǵa sondaı-aq startap-jobalar usynyldy. Olardyń qatarynda - psıhologtyń onlaın-keńesi, jeke medısınalyq ortalyq, páterlerdi jóndeý jónindegi onlaın-servıs, tótenshe jaǵdaılardyń aldyn alý jónindegi balalarǵa arnalǵan oqý materıaldary bar.

Senat Tóraǵasy Darıǵa Nazarbaeva kezdesýdi qorytyndylaı kelip, jańa tehnologııalardy paıdalanýdy retteý, jas kásipkerlerdi qoldaý, ekonomıkada ǵylymı zertteýlerdi keńinen paıdalanýdy qamtamasyz etýge qatysty birqatar mańyzdy máselelerge nazar aýdardy.

Sońǵy jańalyqtar

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

«Iokerıtten» jeńildi

Hokkeı • Keshe

Qazaqstan tórtinshi topta

Fýtbol • Keshe

Pedagogterge paıdaly shara

Rýhanııat • Keshe

Uqsas jańalyqtar