Qoǵam • 15 Qazan, 2019

Bizdiń belsendiligimiz de mańyzdy

13 retkórsetildi

Memleket basshysy Qasym-Jomart Toqaevtyń Qazaqstan halqyna Joldaýy – elimizdegi túıindi máselelerdi sheshýdiń baǵytyn aıqyndaǵan tyń baǵdarlamalyq qujat boldy.

Prezıdent óz Joldaýynda qazirgi zamanǵy tıimdi memleket qurý, azamattardyń quqyqtary men qaýipsizdigin qamtamasyz etý, qarqyndy damyǵan jáne ınklıýzıvti ekonomıka, áleý­met­tik jańǵyrýdyń jańa kezeńi, qýatty óńirler – qýatty el syndy negizgi basymdyqtardy aıqyndap berdi. Tyńǵylyqty pysyqtalyp, oılastyrylǵan mindetter men tapsyrmalar belgilegen árbir basymdyq mańyzdy.

Mysaly, Prezıdent azamat­tardyń barlyq syndarly ótinim-suraqtaryna shuǵyl ári tıimdi jaýap qata alatyn «halyq únine qulaq asatyn memleket» tujy­rymdamasyn iske asyrý minde­tin qoıyp otyr. Iá, búginde ár turǵynnyń kókeıkesti máse­le­si zań sheńberinde jáne kóshe­de emes, tıisti mekemeniń jaýapkershilikpen qaraýynyń nátıjesinde oń sheshimin tabýy mańyzdy. Bul oraıda saılaý­shylarmen kezdesip, barlyq muń-muqtajdaryn tyńdap jáne ony tıisti oryndarǵa joldap otyratyn jergilikti máslıhat depýtattarynyń jumysyn da jan­dandyra túsý qajet dep oılaı­myn. Sondaı-aq ol kezdesýlerdi formatyn ózgerte otyryp jıi ótkizý de oń nátıje bereri anyq. Iаǵnı, halyqpen keri baılanys ornatýda depýtattardyń belsendiligi de mańyzdy.

Memleket basshysy Úki­metke mıkro jáne shaǵyn bız­nes kompanııalaryn tabys sa­ly­ǵynan 3 jylǵa bosatý týraly zańdy negiz qurýdy tapsyrdy. Munda temeki, ishimdik syndy aksızdik taýarmen aınalysatyndar, jer qoınaýyn paıdalanatyn keıbir sanattar jeńildikke ilinbeıdi. Sonymen birge qyzmetker men jumysshy jaldap otyrǵan kásipkerler salyqtan bosatylady. Bul da óz kezeginde elge úlken kómek bolatyn sheshim. Endi aıaqqa turyp kele jatqan bıznesmender úshin ońtaıly bolmaq, olar osy salyqtan bosatylǵan ýaqyt aralyǵynda kásibin jolǵa qoıyp, el ekonomıkasynyń damýyna yqpal etedi. Memlekettiń ekonomıkaǵa aralasýyn toqtatý jolynda birqatar ózgeris engi­zil­mek. Bul bastamalar bıznespen aınalysýshy kez kelgen kompanııaǵa nemese kásipkerge naryqtyq básekelestikte jol ashady. Burynǵydaı memle­kettiń aqshasyna alaqan jaıyp otyratyn kompanııalar azaıyp, taza básekelestik paıda bolady. Bul óz kezeginde ekonomıkanyń keń qanat jaıýyna yqpal etedi.

Sondaı-aq Prezıdent ha­lyqqa Joldaýynda Úkimet múshe­­lerine, memlekettik organ­dar men óńirlerdiń, memle­ket­tik kompanııalardyń jáne mekemelerdiń basshylaryna tıisti reformanyń júzege asyrylýy úshin derbes jaýapkershilik júkteletinin málimdedi jáne qazaq halqynyń memleket quraýshy ult retindegi rólin bekemdeý týraly aıtty.

«Qazaq halqynyń memleket quraýshy ult retindegi rólin bekemdep, etnosaralyq tatýlyq pen dinaralyq túsinistikti qalyptastyra berýimiz qajet. Bizdiń ustanymymyz: El birligi – onyń áralýandyǵynda!» dedi Qasym-Jomart Toqaev.

Sondaı-aq Memleket basshysy tamyz konferensııasynda aldaǵy tórt jyl ishinde muǵalimderdiń eńbekaqysyn eki ese arttyrýdy tapsyrǵanyn aıta kelip: «Bul – kelesi jyldan bastap ustazdardyń jalaqysy 25 paıyzǵa ósedi degen sóz», dedi.

Joldaýda aıtylǵan taǵy bir mańyzdy másele – aza­mat­tyq qoǵamǵa qoldaý kór­se­tý qajettigi. Prezıdent: «Azamattyq qoǵamǵa qoldaý kórsetý kerek, halyqty jalpy­memlekettik ózekti tapsyrmalardy talqylaýǵa tartý kerek. Sol úshin de Ulttyq qoǵamdyq senim keńesi quryldy», deı kelip, ol keleli máseleler kóshede emes, Parlamentte sheshil­ýi tıis ekenin qadap aıtty.

Sondaı-aq «Alda bolatyn májilis jáne máslıhat saılaýy eldi kóppartııaly júıege ákelýi tıis», dedi Prezıdent.

Joldaýdaǵy asy mańyzdy máseleniń biri – qazaq tili­niń mártebesi, bul rette Prezıdent qazaq tiliniń mem­le­kettik til retinde róliniń kúsheıip, ultaralyq qatynas tiline aınalatyn kezeńiniń kelip jetkendigin atap kórsetti. Mem­lekettik tilge qatysty mindet­ti júzege asyrý úshin qol­dan kelgen barlyq qajetti jaǵ­daı­larymyzdy jasaýymyz qajet dep bilemin, bul bizdiń ultymyz ben urpaqtarymyzdyń keleshegi úshin qajetti shara bolmaq. Joldaýda halyqty áleýmettik qorǵaýǵa, áleýmettik máselelerdi sheshýge basa mán berildi. Bilim berý, medısınalyq qyzmet kórsetýdiń sapasyn arttyrý, áleýmettik qoldaýdy odan ári damytý, otandyq zeınetaqy júıesiniń tıimdiligin arttyrý boıynsha Úkimetke birqatar tapsyrmalar júkteldi. Ásirese jumys isteıtin azamattardyń óz zeınetaqy jınaqtarynyń bir bóligin turǵyn úı satyp alýǵa, bilim alýǵa maqsatty paıdalanýy turǵysyndaǵy tapsyrmasy halyqtyń belsendi toptary úshin kóńil qýantarlyq jaǵdaı ekeni sózsiz. Árıne munyń barlyǵy Prezıdent pen Úkimet tarapynan qarapaıym halyqtyń qamy úshin jasalyp otyrǵan ıgi sharalar. Olaı bolsa barlyǵymyzdy yntymaq-birligimizdi tý etip, oblys kóleminde osy mindetterdi júzege asyrý úshin aıanbaı atsalysýǵa shaqyramyn!

 

Qaırat BALABIEV,

Túrkistan oblystyq máslıhatynyń hatshysy

 

Sońǵy jańalyqtar

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Nur-Sultanda gaz baǵasy qansha bolady?

Qoǵam • 20 Qarasha, 2019

Teristiktiń óndirisi jandana bastady

Ekonomıka • 20 Qarasha, 2019

Tennıs: Devıs kýbogyn jeńispen bastadyq

Tennıs • 20 Qarasha, 2019

Uqsas jańalyqtar