Aımaqtar • 15 Qazan, 2019

Jańaózende jańa joba bastaldy

27 retkórsetildi

«Kásip túbi – násip» dep atalatyn jańa joba «Atameken» UKP bastamasy boıynsha Jańaózen qalasy ákimdiginiń qoldaýymen iske qosyldy. Monoqalada kásipkerlikti damytý jáne jumyspen qamtýǵa járdemdesý boıynsha arnaıy usynystar daıyndaý maqsatyndaǵy joba sheńberinde jumys toby quryldy.

Birlesken toptyń quramyna «Atameken» UKP ortalyq apparatynyń ókilderi, Mańǵystaý oblysy kásipkerler palatasynyń qyzmetkerleri jáne Jańaózen qalasy ákim­di­gi negizgi bólimderiniń, «Kaspıı» ÁKK jáne qarjy uıymdarynyń basshylary endi. Birlesken jumys toby tehnopark, aýyl sharýashylyǵy aımaǵyn damytý, óndiristi oqshaýlaý, bızneske jáne mıkro qarjylandyrý quraldary aıasyn keńeıtý mindetterin nazarǵa almaq. Sondaı-aq oblys jáne respýblıka deńgeıinde Jańaózen qalasynyń ekonomıkasyn damytý úshin kedergilerdi joıýǵa júıeli sharalar jasaqtalyp, usynylady.

Jańa joba aıasynda kásipkerlermen dóńgelek ústel, jyljymaly keńes, kezdesýler ótkizý bastaldy. Jańaózendik iskerler qala men jaqyn ornalasqan eldi mekenderde mal dárigeriniń jetispeıtinin, mal syrqatyn emdeý qarapaıym sharýaǵa qıynǵa soǵatynyn alǵa tartty.

– Bul másele kóptegen óńirde bar. Muny sheshý úshin tıisti zańǵa ózgertýler men tolyqtyrýlar engizilip jatyr. Qazir qu­jat Senatta qaralýda. Bilim alǵan veterınar mamandarǵa aýyl sharýashylyǵy salasynda úsh jyl eńbek etýi mindetteletin bolady. Osynda aıtylǵan problemalardy respýblıkalyq deńgeıde talqylaımyz, – dedi «Atameken» UKP aýylsharýashylyq kesheni jáne azyq-túlik ónerkásibi depar­ta­menti dırektorynyń orynbasary Erken Naýryzbekov.

 Basqosýda «Atameken» UKP qurylys departamenti dırektorynyń orynbasary Ańsar Seısekeev, qoǵamdyq monıtorıng jáne ákimshilik kedergilermen ju­mys departamentiniń sarapshysy Dáýren Satqambaev ta kásipkerlerdi tolǵandyrǵan suraqtarǵa jaýap berdi. Jergilikti kásip­kerler aýyz sý, gaz, mal azyǵy, úı janýarlary syrqatymen kúres jaǵdaıyn talqylap, onyń sheshý joldaryn birlese izdedi.

– 7 qazanda bastalǵan «Kásip túbi – násip» jobasy 2016 jyldyń sońynda «Atameken» kásipkerler palatasymen júzege asqan «Jańaózenge – jańa kásip» jobasynyń jalǵasy deýge bolady. Biz memlekettik qoldaý baǵdarlamalary, marketolog qyzmeti, zań qyzmetteri, aýyl sharýashylyǵy salasy, memlekettik jáne jekemenshik (elektrondy) satyp alýlar, kásipkerlikti damytýǵa qatysty usynystar, bıznesti qarjylandyrý tetikteri syndy birneshe baǵytta jumys isteımiz. Bilikti mamandar kásipkerlerge keńes beredi. Qorytyndysynda naqty is-sharalar men usynystar qabyldanady. Kásipkerler men bıznes-bastamasy bar tulǵalardy top jumysyna belsendi qatysýǵa shaqyramyz. Jumysymyz jyldyń sońyna deıin jalǵasady jáne biz óz aldyna Jańaózen qalasyndaǵy bıznestiń damýyna yqpal etetin naqty maqsatty kórsetkishterdi qoıamyz, – dep túsindirdi «Atameken» UKP basqarýshy dırektory – jappaı kásipkerlik jáne mıkro qarjylandyrý departamentiniń dırektory Baýyrjan Orazǵalıev.

Qazirgi tańda jumys toby Jańaózen qalasy mańyndaǵy Teńge aýyly men «Rahat» shaǵyn aýdany turǵyndarymen kezdesti. Onda kásipkerlerge «Kásip túbi – násip» jobasy túsindirilip, «Agrarlyq nesıe korporasııasy» AQ, «Aýyl sharýashylyǵyn qarjylaı qoldaý qory» AQ, «Kaspıı» áleýmettik-kásipkerlik korporasııasy» AQ mamandary keńes berip, sheshimin tappaǵan máseleler men suraqtarǵa jaýap berdi.

 

Mańǵystaý oblysy

 

Sońǵy jańalyqtar

Taralym hám qaralym

100 • Keshe

Tarhan tekti redaktor

100 • Keshe

Júz jyl

100 • Keshe

Aldaǵy kúnderi aýa raıy qandaı bolady?

Qazaqstan • 20 Qarasha, 2019

Elbasy Joǵarǵy sot Tóraǵasyn qabyldady

Qazaqstan • 20 Qarasha, 2019

Tapa tal tústegi qaraqshylyq

Aımaqtar • 20 Qarasha, 2019

Nur-Sultanda gaz baǵasy qansha bolady?

Qoǵam • 20 Qarasha, 2019

Teristiktiń óndirisi jandana bastady

Ekonomıka • 20 Qarasha, 2019

Tennıs: Devıs kýbogyn jeńispen bastadyq

Tennıs • 20 Qarasha, 2019

Uqsas jańalyqtar